مشكلتي هي إني قبل الملجه كنت أتكلم مع خطيبي
تقريبا 5 شهور وعقب ملجت والحين كملت 4 شهور يعني بيني وبين
زوجي 9 شهور علاقه وكنت كل يوم أرمسه فترة الخطوبه طبعا بعلم أهلي
وأحيانا كان يتصل فيه باليوم 3 مرات وأحيانا أقل عالعموم وانا ماتعودت على
السوالف يعني نادرا ما أسولف وزوجي لاعت جبده يقولي إنت ليش ماتسولفين؟؟؟ :angry:
والبارحه صارت مشكله في بيتنا وهو إتصل فيه ولما قلتله إن كذا وكذا السالفه
قالي هاي مشاكل بيتكم أنا مالي شغل طبعا أنا تضايقت يعني
أنا قاعده أشرحله وضعنا على أساس هو منا وفينا بس للأسف :sad:
وهو عرف إني مضايقه وفي نفس الوقت كان تعبان ورقد
المهم اليوم إتصل فيه ورمسته ويقولي شفيج صايره
عصبيه وكل تحرجين ومالج نفس ترمسيني وكل مره يقولي إرمسي أنا
حلجي عورني من كثر ماقولج إرمسي جان أقوله شو تباني أقولك
أحس إن ماعندي شي أقوله أرمسه عن منو مثلا هو ولد يقدر يرمسني
عن ربعه وشو سوى وشو ماسوى بس أنا بنت كيف أسولفله عن رباعتي
أو عن أي حد صعبه :dontknow:
المهم جان يقولي أنا بخليج وصكيت عنه وجان أغلق تيلفوني
والله صعبه مادري شو أسوي صح إني طولت عليكم بس بليز عطوني الحل
الله يخليكم
