][

MemoriesInBloom 06-06-2007 21 رد 2,644 مشاهدة
M
السلام عليكم و رحمه الله و بركاته

شحالكم بنات ..عساكم بخير :)

اليوم حابه أحط لكم أول درس للمكياج من جهدي الخاص :).. و أتمنى من كل قلبي انه يعجبكم..

>>اسمحولي التصوير موب لهناك بس يمشي الحال<<

يلا نبدأ

أول شي تهيئة البشره:



بعد ما نظفت ويهي زين بالميلك و التونر..

استخدمت مقشر بالعسل من اف سان لورين(( خفيف مره فما عجبتي و أحاول اني اخلصه بسرعه !..))
بعد مرور وقت على التقشير حطيت طبقه سميكه من ماسك استي لودر ((يقوم على شد الوجه))
و خليته ربع ساعه و بعدين غسلته..

آخر خطوه في تحظير البشره وضع الكريم المرطب للوجه و العيون بعد من اف سان لورين..((و مهم يكون اساسه الماء و ليس

الزيت))

ثاني شي وضع المكياج:




أول شي وزعت الـ Full Cover من MakeupForever على أماكن التصبغات في الوجه من دون العيون ..و بعدين

استخدمت الكونسيلر الكريمي من باليتت MakeupForever درجه رقم 19 و وزعته بخفه تحت العين بس و بعدين الدرجه 11..



بعد الكونسيلر وزعت كريم الاساس ديفينورا و البودره الذهبيه من جيرلاين..

وزعت البودره الحره تحت العين..و حلو اذا كانت فاتحه و مع لمعه لأنج بعد ما تشيلينها بتعطيج ضو تحت العين..


الحين بنبدأ بالعيون:

الفرش المستخدمه..نسيت أصور فرشاة ماك رقمها 128 ..



الشدو:



بفرشات ماك رقم 239 وزعت الشدو Swimming على الجفن المتحرك كامل ..
و بنفس الفرشا وزعت الشدو Pulm Pressing بشكل قوس فوق الشدو Swimming ..
و قمت أدمج اللونين و أموه الخط الفاصل بينهم ..

بفرشات الدمج من البودي شوب خذيت من الـ Nylon
و حطيته تحت الحاجب و دمجته مع الـ Pulm Pressing..



بفرشات ماك 209.. بللتها شوي و خذيت من الـ Cake Liner و رسمت خط رفيع من عند زاوية العين الداخليه و عرضته
من الخارج و بسرعه و قبل ما يجف الآي لاينر دمجته مع الـ Carbon مستخدمه فرشات ماك 128 لفوق العين و فرشات
MakeupForever لتحت العين..

و بنفس فرشات فور افر خذيت من شدو Pulm Pressing و رسمت خط تحت العين بحيث انه يمتزج من الكربون و يبين شوي
من تحت..



طريقتي في وضع المسكرا ..أول شي بالمسكرا امشط أطراف الرموش شوي شوي و بعدين أبدأ أمشطها من الجذور..
((بهالطريقه تبين مقوسه أكثر))

بعدين آخذ قطره من ال Eye Seal من فور افر و أغمس فيها طرف قلم الكحل و أكحل عيوني..



آخر خطوه يا أعزائي وزعت بلشر روشاس بفرشات ذا بودي شوب الكبيره .. و حددت شفايفي بقلم جفنشي و حطيت من روج
ديور الراااااائع جدا..

و هذا هو لوك العين النهائي



و لكم خالص تحياتي

:)
س
مشكوووووووووووووووووووووره ع الموضوع العجيب
بس حبيت اسئئل عن Eye Seal شنو فايدته
وتسلمين فديتج...
:)
ن
مشاء الله عليج

تسلميين حبوبه على الدرس الحلو

واللوك المختار جميل
l
مشكووووووووووره عزيزتي عاللوك الحلو

ماقصرتي

بس ماتخافين انك تحطين الكحل في الeye sealوبعده داخل العين؟!!!

عالعموم موفقه يالغاليه

:9_33:
ب
العيون حلوووووووووووه ياليت مصوره الخطوات كلها عشان نستفيد أكثر الله يعطييييييييك العافيه :clap:
ع

farasha.84
شدتني ألوان اللوك
وحبيت الخطوه اللي غمستي فيها الكحل بالـ Eye Seal

تستاهلين النجمه (*)
وعساج عالقوه والله يعطيج 1000 عافيه :2_49:
م
وااااااااايد واااااااااااايد حلووو اللوك يجنن
جزاج الله خير على هلافاده
M
اللوك وااااااااااااااااااااايد حلو
مشكوووووووووره الغاليه عالدرس المبسط و الشرح الحلو
ا
[FRAME="14 70"]مشكورة يا اختي على الخطوات الروعة والحلوة تسلمين يالغالية [/FRAME]
ع
thankssssssssssssss
ر
(( بعدين آخذ قطره من ال Eye Seal من فور افر و أغمس فيها طرف قلم الكحل و أكحل عيوني..))

عجبتني طريقتج بتثبيت الكحل
انا عندي مثبت بنفت بجب طريقتج
تسلمين اختي
a
يعطيك العافيه رووووووووووووووووووعه
M
كتير حلو ما شاء الله
م
تسلمين عزيزتي على اللوك الحلوو الناعم !!

ذوقك يشبه ذوقي الالوان وطريقة الدمج

تسلمين

موفقة
*
تسلمين حبوبة ع الدرس الرائع
أ


[blink]السلام عليكم ورحمة الله وبركاته[/blink]

ما شاء الله روووووووووعه..
نترقب جديدج الاطيب والى الامام..

موضوع مميز..

وشكرا..

a
farasha.84
ماشاء الله عليكي مبدعه وفعلاً موضوع متعوب عليه ويستحق التميز
عجبتني حركة الكحل و الاي سيل من ماك جداً
تسلم ايدك وفي انتظار جديدك عزيزتي
تحياتي :9_33:
ع
ماشاء الله عليج فراشه
لوكج يهبل تبارك الرحمن
وشرحج واضح ومبسط
يعطيج الف عافيه انشاء الله
:9_33:
وبانتظار لوكات جديده
عاشقه الدوحه

:gum:
M
مشكوراات بنات على الردود الطيبه .. يعطيكم العافيه :)

سبجو ام الفال ... عزيزتي الـ eye seal مثبت للمكياج .. ممكن تسخدمينه للشدو بأنواعه و الكحل و
قلم الشفايف..

alex_bride ... عزيزتي ال آي سيل من فور افر موب من ماك.. :)

lora18 ... صحيح أول مره إستخدمته يبست عيوني .. لكن بعدين انتبهت لما أحط الكحل ما
يكون القلم يقطر من الآي سيل ... و للإحتياط موب كل يوم أحطه .. :)
I
شكرا لج يا فراشه

ماشالله وايد حلوه رسمة العين و الالوان والدمج .. كل شي مرتب .. عيبتني حركة دمج الكحل الكيك و يا الشدو الكربون بحيث انه في الاخير ما طلع خط بروحه واضح .. لا طلع هادي و مرتب .

وأحلى شي انج حطيتي صوره في الاخير توضح اللوك النهائي .. لأن بعض البنات يوم يحطون درس ما نقدر نفهمه عدل بدون صوره حقيقيه .

وشكرا .
X