تجربتي مع تأخر الحمل وانشالله تستفيدون

السلام عليكم أخواتي العزيزات حبيت أشاركم في تجربتي مع تاخر الحمل أنا متزوجة صارلي 5 سنوات و عمري 27 سنة و ليما الحين ربي ا رزقني
المشكلة إن أصلا ما عندنا مشكلة أنا و زوجي رحنا لأشهر الأطباء في الكويت و برة الكويت و كلهم قالوا أن ما عندنا أي سبب طبي يمنع الحمل ماعدا إن انا اشوية متينة بس يقولون إن هذا الموضوع مو أزمة عادي ما أطول عليكم بس أنا جربت كل شي كلوميد و إبر منشطة و 3 تجارب فشلت للأسف مع أطفال الأنابيب بس الحمدلله على كل حال.
اللي ابي أوصله لكم حبايبي إن مهما الطب ساعدنا و بذلنا الأسباب فإرادة رب العالمين فوق الكل و صدقوني كل تأخيرة و فيها خيرة إلزموا الدعاء و توكلوا على رب العالمين و هم بعد بذلوا الأسباب بس لا تخلون هالموضوع يسيطر على حياتكم حالوا تنجحون في باقي الجوانب الحياتية ولا تحطمون نفسيتكم في هالموضوع أو تنخرجون من ةكلام الناس لأن احنا ما سوينا شي نخجل منه ودايما خليكم واثقين من نفسكم و قولو (أنا ربي يحبني لأن حطني في هذا الامتحان) و لا تنسون (يوم يوفى الصابرون أجرهم بغير حساب) و (وعسى أن تكرهوا شيئا و هو خير لكم)
و آخر كلامي سلامي و انشالله ربي يرزقكم و يرزقنا و يصبر أزواجنا ويأجرنا آمين يا رب