الى جمانه أطلب مساعدتك بعد الله

حبيبتي
طلعيها بره شوي
مشيها مسكينه شكلها ملت من قعدة البيت

واتمنى الاخت جمانه تفيدج

خليها تختلط فالناس
اظاهر متملله

ولانها ماتشوف حد غيرج لهالسبب ماتروح عند الناس

واذا ضربتج لاتهاوشينها

ولاتكلمينها ولاتردين عليها لمدة كم دقيقه
واذا حسيتي انها حست بغلطتها بعدين كلميها

مشكورات خواتي على الردود والله حتى أنا متملله مو بس هي
جزاكن الله خير

الله يعينك يارب والله نحنا الكبار عم نطفش من قعدة البيت بقى كيف الصغار
حاولي طلعيها خليها تشوف الاولاد وهم عم يلعبو يمكن تتشجع وتلعب معهم وبتمنى الاخوات يفيدوك

الله يعينك الأخوات ما قصروا

هلا اختي زهر البان...
ان شاء الله راح تكون تربيتك لبنتك خير تربية لأنه واضح وباين جداً عليك الوعي والاهتمام بهذا الامر..
ربي يسهّل عليك تربيتها وتفتخري بكرة بأخلاقها بين الناس..

بخصوص مشكلتك.. فأنتي بنفسك عطيتي الاسباب، وهي التصاقها الدائم بك.. وقلة احتكاكها بالغير..
وعن اهل زوجك او اهلك.. وضحي الامر لهم بدون عصبية.. مثلاً اعملي نفسك كأنك تكلميها وكانها وحدة كبيرة وتفهمك.. قوليلها انت من لك غيرهم؟ هذولا اهلك وعشيرتك.. هربتي ولا تدلعتي مردك ترجعين عندهم .. وخلي الامر كأنه مزحة.. وعشان تتقبل تروح عند جدتها مثلاً.. اجلسي جنب الجدة... وخليها تكلمها وهي جالسة بحضنك شوي شوي راح تتقبل تروح لهم ..
الامر مش محتاج عصبية وقلق.. كثري زيارتك لهم.. وهي راح تتعود بالتدريج .. خصوصا لو عندهم اطفال خليهم ينادونها وتروح تلعب معاهم.. بعدين هي بنفسها راح تطلب منك تروح عندهم..
وتذكري ان ذاكرة الطفل الحين بسيطة وبسرعة ينسى.. بكرة تكبر وتتذكرهم حتى ما تشوفهم الا كل مدة.. :
)

اما عن الضرب وخصوصا ضربك فعندي وعندك خير... ساعات اشوف بدون سبب وبدون مبرر يجي ويضربني.. اعرف انه في قمة الملل.. احاول وقتها اتذكر شيء يحببه واخليه يلعب به او يسويه...
زوجي سوا حركة واشوف جايبة نتيجة..
انا مثلك زوجي طول اليوم بالعمل . وانا لوحدي معاهم.. .. فشنو سوينا..
اخذنا لنا ملء كيس كبير العاب رخيصة بو 200 فلس ( ريالين ) وخشيته عنه..
كل مرة اطلع له لعبة وحدة.. بشرط ان ما اخليه يشوف المخبأ..
وعادة اعطيه اللعبة كمكافأة.. مثل انه ما ضرب اخته.. او يرمي العابه برع الكرتون الخاص فيهم .. الخ.. او حتى عشان اتفادى ضربه احيانا خخخخ

همسة في اذنك.. لا تتوتري كثيراً بشأن التربية.. وشلون طفلك راح يكتسب هذي الخصلة الحميدة او يتجنب تلك الخصلة غير المفيدة.. تلقائيا طفلك راح يطالعك ويقلد اللي تسويه بالتفصيل... فحاسبي لنفسك وكلماتك وحركاتك..
انا ما اطعن في اخلاقك حاشاك.. ونعم الاخت الصالحة انتِ..
لكن كلنا في بعض الاحيان تطلع منا فلتات لسان دون قصد :)


مرة كنت اسوق السيارة وهو كان معاي.. بأحد الشوارع الضيقة خرج علي سائق سيارة اخرى بشكل مفاجئ فعصبت وتلفظت بكلمة .. .... :o ومشت القصة بدون ما انتبه.. بعدين لما رجعنا البيت شفته يتلفظ كلمة غريبة.. نهرته .. وسألته من وين سامعها؟؟ فاجاب ببراءة منك انتي ماما :o
ومنها صرت احاسب اكثر لكلامي..

حياك الله اختي وحرس لك ابنتك بخير وعافية

كفت ووفت الأخت جمانة ... لكن أختي طبيعي الأطفال اللي ما يشوفون أحد ما يروحون لأحد وأنا أشوفها ميزة ترى مو حلوة الطفل يرمي نفسه على من يمد له يده ...!!


لما تروحي عندهم قولي لهم اتركوها لغاية ما تتعود ... هم إن شاء الله متوقعين لما يهجموا عليها إنها تقف مكانها منتظرة اللي عايز يشيل ولا اللي عايز يقبل ويلاعب !! طبعا لأ لأنهم بيفزعوها ..



أتذكر ابني ما كان يرضى يروح لحماتي ولو قربت منه يا ألله كان يعملها مناحة وهي دايما كانت زعلانة مني ومن زوجي ... كأننا اللي موصينة ما يروح طيب ما بيفكروا ليه عمته كان يروح لها؟؟ لأنها بتاخده بالسياسة ومش من أول لحظة تشيله ..

بنتها سنه ووشهر يعني توها طفله

أختى بنتك متعودة عليك وماعندها حد فطبيعي راح تلزق بك وماتروح لحد..
أنا ولدي متعود على أهلي لأن كل يوم من الصبح عندهم ولكن أهل زوجي مايشوفهم الا كل جمعة، فكان مستحيل يقرب من أحد الا لما قربنا نرجع البيت،، لكن بعدين قاموا يشترون له حلويات وهدايا وتعود عليهم وبعدين قام هو يطلب يروح لهم، والحين الحمدلله عادي معاهم....

ومثل ماذكرت الأخت جمانة مفروض أحنا الوالدين نحاسب بتصرفاتنا لأن الأطفال ماشاء الله يلقطون كل شي من كلمات وحركات...

الله يحفظها لك وتشوفيها أحسن بنات الديرة....

مشكورات خواتي على الردور الروعه وجزاكن الله خير الجزاء
والله يعطيك العافيه يأخت جمانه ريحتيني, ماخب ظني فيكي.

حاضرين :)

سنه ونص ما بتفهم حتى لو كلمتيها بالزين طبع الياهل في هالسن حفظ الكلام الي يتكون من كلمه اما انج تكلمينها بجمل طويله من اليوم الين باجر ما بيفهمون .. انا ولدي سنتين وايلس اكلمه عشان ما يضرب اخته عقب ما اخلص كلامي الا وفالعنها ولا شاتها ..

الياهل يباله صبر (صح احيانا تفقدين اعصابج بس غصبا عنج الصبر له حدود

انا اقولك اختي وديها داايما الحدائق الي تكوون ملياانه اطفاال والملاهي الي تكوون فيها اطفاال في عمرهاوالعاب في عمرهاا واتركيه تمشي لوحده طبعا بمراقبتك 000000

وان شاء الله خير ياارب

الاخوات ماقصروا في الرد وبنتك طفله محد يلومك على تصرفاتها