السلام عليكم
هذي قصة ولادتي مثل ما وعدتكم واعتذر عن التاخير
انتو تدرون ان موعد ولادتي فاااات وبعد عدة محاولات في تاجيل موعد الطلق الصناعي الا انهم عطوني اخر موعد وما في اذنهم ماي على قولتهم تاريخ 10\4ولكن يوميا اروح لتخطيط
وتاريخ 9 الساعه 3 الفجر صحيت نت النوم واحس جسمي مو طبيعي وفيني لوعه رحت الحمام وبعد ما طلعت حسيت ان شي ساااخن ينزل مني والا هو دم بصراحة فرحت لان هذي بوادر ولادةوبدا الالم مثل آلام لدورة وكل شوي اروح ارجع وشوي شوي يزيد الالم واني اسعي بيت الصفا والمروة اقصد بيت الغرفة والصاله لاني مو قادرة انام وكل شوي اروح الحمام وما ابي زوجي يقعد ويشوفني لانه يخاااف .
وقرات ادعيه لتسهيل الولادة وسورة مريم و اكلت عسل 3 مرات وكل مرة ارجعه واني طوال حملي ولا مرة رجعت بس لان الالم اللي فيفي مثل الدورة واني في دورتي لازم ارجع .والساعة 8 الصبح قلت بروح اريح شوي يمكن اتام لان الالم غير منتظم ورحت الغرفه وقعد ابو الشباب يقول لي انت وين تروحين قلت له شكلي بولد سألني فيج طلق قلت له كانه بس مو منتظم واني بنام وانت بعد نام وهو انرعب بس خليته يرقد واني ما قدرت ارقد وقمت الصاله وهو قعد ومالقاتي وجا لي الصاله يقول مو قادر ينام والساعه 10 سالني اروح الشغل ولا اقعد وياج قلت له ودني عند امي وانت روح و10 ونص وصلت عند امي ومن شافتني طبعا عرقت السالفه واكلت تمر وشربت طبيخة من حواج الكامل لتسهيل الولادة وبعدين شربت طبيخة ثانيه امي مسويتها اهم مكوناتها الحلبه ةالزعفران وضليت اتمشى بالبيت. واختي ساكته مع امي بالبيت
واتصلت امي لها ونزلت هي وبناتها صغار وقالت لهم جود بتطلع لان هم كل يوم يسالوني وستانسوا وقعدوا يقلدون على مشيتي واني الالم ما اشتد واايد وابو الشباب كل شوي يتصل وهو خااايف
واتصلت اختي الى اختي الثانيه وهذي بعد ما كذبت خبر لبست عبليتها ووينج يا السيارة وهي كانت في المأتم عمها متوفي وصلت واني كنت في الحمام على الساعه 12 الظهرتقريبا وكانت سدادة الرحم توها طايحةوالالم بعدة مثل اول مو منتظم ويعدة يحتمل وقررت اني اروح تخطيط مثل
كل يوم واذا الالم طلق ولادة بيعرفون وتغديت ورحت مستشقى جدحفص ومعاي زوجي واختي وماقلت لهم فيني الم وركبوا على الجهاز وبعد شوي جت تشوف التخطيط اا تقول لي التخطيط مو زين انت اكيد مو ماكله قلت لها توي متغديه واني في الدرب اشرب عصير اي مو ماكله
وحابت لي عصير وماقدرت اشربه لاني شبعانه وكل شوي يطلع صوت الجهازواني اخاف والتخطيط كلش مو اوكي واجي الهنديه واتشق التخطيط واتسوي غيرة 3ومرات اتشقه واني اتالم والبيبي وايد يتحرك وتقول لي انت مو ماكله روحي اكلي .واتصلت في زوجي لانه واقف برة
ينتظرنا وقلت له يجيب لي سندويش وجاب لي وجت وشافتني اكل على السرير وعصبت قالت لي روحي اكلي برة ودخلي الحمام وبعدين تعالي اني اخذت بطاقتي وشردت . اي ونسيت اقول لكم بعد يوم شافت اختي داخله معاي غرفه التخطيط عصيت عليها وقالت لها انت طلعي بعدين
يصير التخطيط مو زيم لات بتسولفيت معاها قالت لها ما بتكلم وخلتها تقعد. المهم الساعه 4ونص شردت ورحت السلمانيه وقلت لهم فيني الم وفحصتني قالت لي 2 سانتي وقلت لها اني اروح يوميا تخطيط واخذت علي تخطيط وجهاز الطلق بعد حطته وقالت لي التخطيط وايد زين وفي
طلق وبعدين نادتني الدكتورة والدكتورة جدا سخيفه وفحصت وقال 3 ساتني وسالتني وين تبين تولدين قلت لها عندكم قالت ما في سرير حتى لو جيتين بحولش جدحفص او المحرق قلت لها اني بروح الحين ويعدين بجي قالت لي اني اللي اقرر اذا تقعدين او تروحين اول شي اشوف
التخطيط وشافته وقالت لي اذا بتروحين روحي وسالت الممرضه اللي معاها عن السريروقالت لها مافي سرير فاضي . ورجعت البيت بعد اذان المغرب ورحت مشيت شوي و الالم يزيد وشربت دارسين وطبيخة و اني خايفة لان الالم مو مشتد وايد يعني اقدر استحمله ومو منتظم وخفت
على البيبي يمكن تتعب او يصير فيها شي فقررت اروح مستشفى السلمانيه ورحت الساعه 11 ونص الليل وطلعت لي اوراق طوارئ جدبدة وفحصوني وكنت 4 ساتني بس وقالوا لي بعد ساعة بنوديج غرفه الولادة وجت لي اختي تقول لي زوجك يسالك شو يسميها قالت لها احنا متفقين
على جود لان اني ابي اسميها نبراس وهو مو عاجبه الاسم نهائيا فبعد اللي شافه فيني كان يبي يلبي رغبتي بس اتي تعودت على جود وما حبيت اغيرة . والساعة 12 وشي نص الليل ودوني الغرفه والالم زاد وايد وقلت للممرضه تعطيني مخدر قالت لي مو الحين صبري شوي وحطت
علي مغذي . وبعد شوي الا اسمع صوت وحدة تصارخ شالت المسنشفى على راسها واني اقول في خاطري هذي وش تسوي ندري يالم بس مو جذي ؟؟!! والساعه 12ونص عطتني ابر مخدرة ورقدت بس كل شوي اقعد وارد انام وزوجي واختي سمعوا اللي تصارخ وكل واحد يطالع
الثاني اختي تسال زوحي هذي هي قال لها كانها قالت له شدراك قال لها لين اضربها جذي تصارخ ( الاخ ينكت وهو يتنافض) ةطلعت اختي من غرفة الانتظار حتى تسمع اوضح قال لها لو ريولي تشيلني رحت الحمام حتى ما اسمع وانت رايحة. وضلوا يقراون سورة مريم وحفضوها من
كثر ما قراوها .
واما عني الساعه 2 ونص عطوني ابرة ثانيه وصحيت الساعه 4 ونص وقلت لها تعطيني ابرة بعد قالت لي ما يصير خلاص وصلتي 6 سانتي بعدين تتعبين وما تقدرين تولدين والالم لا يحتمل . البعض يجيهم الالم من الظهر اني الالم من البطن مثل الدورة بس وااايد قوي طبعا وحت
الدكتورة والممرضات واسمعهم يسولفون بس ما اقدر استوعب اللي يقولون ويتكلمون شوي انجليزي واني العربي مو قادرو افهم مو اتجليزي بعد المهم اتضح ات راس البيبي تحت بس مو في الرحم و قالوا ان الراس احتمال كبير وسالتني عن وزن البيبي قلت لها واني في الشهر التاسع
سويت سونار قالوا لي 3 كيلو و109 غ وبعدين فتحت كيس الماء وحطت للبيبي جهاز دقات القلب على الراس ويعدين شوي شوي نزل وقالت لي الدكتورة احتمال عمليه اذا ما نزل وما رضت تعطيني ماي لاني كنت عطشاته وشفايفي ناااااشفة والحمدللة الممرضات اللي معاي بحرينيات
متدربات لكن وااايد متعاطفين معاي واذا جاني الطلق يهمزون ظهري ويصلون على النبي ويقراون علي سور ويهدأوني ووحدة منهم تقول لي بعدين بتنسين عيل ليش الله سبحانه قال الجنه تحت اقدام الامهات.
وكل شوي يقيسون واايد يالم وما ضلت ممرضة ماجت الغرفة وشافتني واني اطردهم لان بعد نا ابتدا دوام الصبح يجون يسالون عن صديقاتهم ويخلوتهم يدخلون عاادي .
و الموقف المحرج اللي صار لي ان اخت زوجي تشتغل في المستشفى وخلوها تدخل لي مرتين وشافتني واني اتالم ومعاها وحدة تقولها شكلها صبورة واشوة انها ما تطول لانهم ينتظرون الاخبار من عندها وكل شوي تسال الممرضات عني حتى تطمنهم .
والساعه 11 وشي حسيت اني ابي اضغط وسالت الممرضه اضغط قالت لي لاا وبعدين سالت الدكتورة وقالت لي اي ضغطي وجهزوا الادوات وتجمعوا علي اكثر من 5 بس كان الطلق ما يحيني بسرعه يتاخر شوي حتى القابله تقول لي ضغطي واني اقول لها مافي طلق واذا جا الطلق
يبوني اضغط بقوة ومدة طويله ويكون ماعندي نفس وقعدت اصارخ حتى اتنفس من فمي ولقيت هذي الطريقه افضل للدفع والجمدلله وضعت الساعه 11 و22 الصبح وجبت احلى جود وحطوها على صدري والله من حطوها نسيت الالم وهم يخيطون واني عيوني عليها ومو حاسه بولا
شي وعلى فكرة هم شقوتي زيادة بعد وصار الخياط واايد بس الحمدلله على كل شي. هذا اللي صار لي داخل فرقة الولادة اما عن اللي برة حماتي واقفة عند الغرفة وتسمع صراخي وهي تصيح ويوم شافت الدكتورة سالتها عني وقالت لها اني بخير و البيبي بخير وراحت تخبرهم وعلى
قول زوجي انا ما شفت الا الباب منفتح كله وهي جايه تصيح انا ما عرفت اصيح لو لا . وحضتنه وهي تقوله تتربى بعزك با اخوي . ونسيت اقول لكم اختي الثانيه بعد جت مع اخوي قبل ما اولد بشوي ويوم اخت زوحي تروح لهم اختي في الحمام مع بنتها وسمعت حماتي تصيح وطلعت
بدون ما تخلص بنتها.
وبعدين طلعوا جود لهم وشافوها وصوروها وردوا دخلوها لانها صارت زرقه وبعدين طلعونا احنا الثنتين وجت لي حماتي وهي بعدها تصيح وتحمدت لي بالسلامه ونادت زوجي وجالي وهو يصيح بعد اقول له شفيك قالي ما اقدر اشوفك وانت جذي وجو خواتي وبعدين رحت غرفه
الاستراحة . وراح زوجي ياخذ لي غرفه قالوا له مافي و بالغصب لقوا لي بــ 40 لكن صغيرة مثل اللي بــ15 بس زيادة كرسيين في الغرقه بس هي اوكي حلوة و معاملتهم ممتازة وياحذونها مني بالليل حتى ارقد والصبح يجيبونها وتصدقون حتى تعقيم الجرح هم يجون يبون يعقمونه بس
اني ما ارضى بعد الولادة مافي مفر لازم يشوفون بس هذي بعد مستخيييييييييل
وبعد الريوق يجيبون شاي حليب والاكل خاص بعد والزيارة مفتوحة ومفرشي وردي .
والممرضات ممتازات كذلك من ادق الجرس سريع يجون.
وهذي الفلم الرعب اللي عشته يوم ونص
والله يهون على كل حامل يارب
فلم رعب ( قصه ولادتي )
و
05-06-2007 | 02:48 AM
h
05-06-2007 | 06:30 AM
حمدلله على السلامة
وتتربى بعزش ان شاء الله
واقبالي يارب
وتتربى بعزش ان شاء الله
واقبالي يارب
و
05-06-2007 | 06:47 AM
الحمد لله على سلامتج
والف مبروك
والف مبروك
*
05-06-2007 | 07:08 AM
الحمد الله على سلامتك وسلامة البيبي
وتتربى في عزك يارب
وتتربى في عزك يارب
ا
05-06-2007 | 07:40 AM
lمبرووووووووووووووووووووووووووووووووووووووك
عليج جووووووووووووود
وتتربى في عزكم ...
بصراحة انا اقراااا واتذكر ولادتي ؟؟؟
بس الحمد لله ان ربي نجاج من العملية
عليج جووووووووووووود
وتتربى في عزكم ...
بصراحة انا اقراااا واتذكر ولادتي ؟؟؟
بس الحمد لله ان ربي نجاج من العملية
ا
05-06-2007 | 09:05 AM
وهج
الف مبروك على سلامتج
وسلامة جود
يا الغالية
تتربى بعزج حبيبتي
بصراحة قصتج تصيح
وانه اقرا وانه امسح دموعي
يلا الله يسهل على الجميع يارب
الف مبروك على سلامتج
وسلامة جود
يا الغالية
تتربى بعزج حبيبتي
بصراحة قصتج تصيح
وانه اقرا وانه امسح دموعي
يلا الله يسهل على الجميع يارب
ر
05-06-2007 | 09:06 AM
الحمد لله على سلامتك وسلامت جود تتربى في عزكم
ا
05-06-2007 | 09:26 AM
الحمد لله على سلامتك وتتربى في عزك انشاء الله
س
05-06-2007 | 09:37 AM
الحمد لله على سلامتك وسلامة جودة
وتتربى بعزكم
وتتربى بعزكم
س
05-06-2007 | 09:46 AM
الحمد لله على سلامتكـ وتتربى بعزك فديتها ..
والله يسهل الولادة على كل الحوامل يااااااارب ..
مع التحية::
سحووووبه
والله يسهل الولادة على كل الحوامل يااااااارب ..
مع التحية::
سحووووبه
س
05-06-2007 | 09:52 AM
الحمدلله على سلامتج
وتتربى بعزج جوود
والله زين في السلمانية والمعاملة وكل شي اوكي
بس ساعات الهنديات جايفين روحهم مادري على شنو
ومرة ثانية الف الحمدلله عالسلامة وتتربى بدلالج وعزج جود
وتتربى بعزج جوود
والله زين في السلمانية والمعاملة وكل شي اوكي
بس ساعات الهنديات جايفين روحهم مادري على شنو
ومرة ثانية الف الحمدلله عالسلامة وتتربى بدلالج وعزج جود
ا
05-06-2007 | 10:45 AM
الحمدلله على السلامه، وتتربى بعزك ان شاء الله.
O
05-06-2007 | 11:02 AM
الحمدلله على سلامتك
والله عيوني دمعت و أنا أقرأ موضوعك
الحمدلله إلي ربي سلمكم و قومكم بالسلامة
تتربى في عزكم إنشاءالله
والله عيوني دمعت و أنا أقرأ موضوعك
الحمدلله إلي ربي سلمكم و قومكم بالسلامة
تتربى في عزكم إنشاءالله
د
05-06-2007 | 11:37 AM
الحمدلله على سلامتك
تتربى بعزكم ان شالله
والحمدلله ربى سلمك من العملية
ل
05-06-2007 | 12:14 PM
الحمد لله على سلامتج حبيبتي
والف مبروك
والف مبروك
ف
05-06-2007 | 12:21 PM
الحمدلله على سلامتج وسلامه جود
وتتربى بعزكم
وتتربى بعزكم
ك
05-06-2007 | 02:02 PM
الحمد لله على السلامه ومبروك العروس
l
05-06-2007 | 02:11 PM
حمدلله عالسلامة
تتربى في عزكم يا رب
تتربى في عزكم يا رب
غ
05-06-2007 | 02:22 PM
الف الف الف الــــــــــــــــــــــــف
مبروووووووووووووووووك
:flower::flower::flower:
الحمد لله على سلامتك وسلامت جود تتربى في عزكم
:9_28::9_28::9_28:
مبروووووووووووووووووك
:flower::flower::flower:
الحمد لله على سلامتك وسلامت جود تتربى في عزكم
:9_28::9_28::9_28:
ا
05-06-2007 | 02:31 PM
الحمدلله على السلامة
وتتربى بعزكم ان شاء الله
وعقبالي يارب اني وكل الحوامل
وتتربى بعزكم ان شاء الله
وعقبالي يارب اني وكل الحوامل