عندج مناسبة ومحتارة شو تشترين اذن ادخلي

ع

عروس دبي

مشرفة سابقة

25-03-2003 | 04:26 PM

السلام

حبيت اعرض بعض الأفكار لهدايا غير تقليدية ولا يخفى ما للهدايا من اثر

كبير في تقريب المسافات ونشر الفرح في قلب الهادي والمهدي في آن

واحد...

سنتسعرض مع بعض بعض الأفكار للهدايا لمناسبات مختلفة وسأقسم

الموضوع الى هدايا للزوج ،للمواليد ،للمنزل الجديد ...الخ

شو رايج بفكرة يديدة وهي انج تاخذيله ديجيتال كميرا صح يمكن سعرها

يكون غالي شوي بس تقدرين توفرين كل شهر مبلغ واكيد بيفرح فيها وايد

خاصة اذا كان من محبي الألكترونيات وطبعا هي كثير مفيدة في البيت

وخاصة عند السفر لتصوير الذكريات الحلوة...

وممكن تاخذين له موبايل يديد وبعد فترة تسترجعينه منه بحجة ان الموبايل

عندج يقطع :D

وممكن أفكار ابسط عن السابقة ...

انج تاخذيله مجموعة كتب سواء باللغة الأنجليزية او العربية وتغلفينها

بطريقة حلوة ولي عودة في موضوع التغليف

او مجموعة من اشرطة ال dvd حسب ميوله

وممكن تاخذيله روب ومثل هذي السلة بتطلع الهدية أفخم

اتمنى يعجبكم الموضوع ولي عودة ان شاء الله

ا

امولة

عروس مشاركة

25-03-2003 | 06:51 PM

بصراحة افكار حلوووووووه
:)
الله يعطيج العافية
وزودينا من افكارج
وكلج ذوق (u)

ر

راعية فزعات

عروس متألقة

25-03-2003 | 07:35 PM

تسلمين حبيبتي على الافكار الحلوه

ن

نور الهدى

عروس ماسية

25-03-2003 | 10:34 PM

السلام عليكم

الأخت الفاضلة

عروس دبي

شكراً لكِ

على هذه المشاركة

وبارك الله فيك

وتقبلي كل التحية

ر

روز البحرين

عروس مبدعة

25-03-2003 | 10:43 PM

مشكوووورة اختي وما قصرتي:D :D :D :D

ع

عروس دبي

مشرفة سابقة

26-03-2003 | 07:31 AM

اموله ،راعية فزعات،نور الهدى ،روز البحرين اشكركم على المرور

والمشاركة اتمنى انكم اتابعون الموضوع للآخر ...

ع

عروس دبي

مشرفة سابقة

26-03-2003 | 08:22 AM

نستكمل حديثنا عن الهدايا وهذي المرة بستعرض

بعض الأفكارلزيارات المستشفى للولادة او زيارة مريض وطبعا اول فكرة

تتبادر لذهنا هي الورد بنأجل هذي الفكرة شوي وبنفكر في سلة الفواكه

فبالأضافة الى شكلها المميز والألوان المختلفة للفواكه ففيها فايدة كبيرة

ونقدر نسميها هدية صحية ...

لاحظوا فكرة السلة داخل سلة حلوة

بعض الأشكال نقدر نسويها بروحنا بس تبغي شوية ثقة ..

وممكن نزين الفواكه بشوية ورد ونقدر نعتمد

اللون او اللونين

االأختيار الثاني الحلويات والشوكلاته

تشكيلات مختلفة

والورد طبعا ما بننساه عشان مايزعل علينا

نريحهم من انهم يدورون فازة:D

وهذي الفكرة عيبتني لأنها جمعت الأفكار الثلاثة السابقة الفواكه
والككاو والورد بصورة حلوة وغير مبالغ فيها

اتمنى يعجبكم الموضوع ولي عودة

ل

ليلة وداع

عروس جديدة

26-03-2003 | 10:43 AM

موضوع رااااااااائع

تسلمين يا عروس دبي

و نترقب المزيد

:)

ا

المياسة

عروس مبدعة

26-03-2003 | 10:51 AM

الصراحة مشكورة يا عروس دبي .. أفكار حلوة وعيبتني وخاصة السلة اللي جامعة ال 3 أشية .. تجنن .. لا تبخلين علينا بالمزيد .. :)

ع

عروس دبي

مشرفة سابقة

26-03-2003 | 01:27 PM

ليلة وداع والمياسة شكرا على المرور والتعليق على موضوعي المتواضع

وا نشاء الله القادم احلى اتمنى تتابعون الموضوع لأنه بيكون فيه تجديد

كل فترة

ر

روز البحرين

عروس مبدعة

27-03-2003 | 01:31 AM

بصراحة أذهلتني مشاركتك لذلك لا أستطيع التعليق:)

ق

قمر الشرقية

عروس جديدة

29-03-2003 | 11:29 AM

الصراحة ماني عارفة ايش اقول رووووعة وخاصة الورد والفاكهة تسلمين يالغالية ولاتحرمينا من افكارك الحلوة احلوة

ع

عروس دبي

مشرفة سابقة

31-03-2003 | 07:55 PM

السلام

بنستعرض هذي المرة هدايا للمواليد

ممكن نشتري مجموعة من الألبسة ونغلفها بطريقة حلوة مثلا لبس للطلعة

بيجامات ؛ملابس داخلية ،جوارب ...الخ

بنشوف اول شيء لبس للمواليد البنات