زوجـــي والغيـــرة غير الطبيعية

السلام عليكم يابنات

بدخل في الموضوع واتمنى الرد

وارجوووكم تعطوني حل

بنات انا متزوجة من سنه ونص وعندي ولد واحد الله يحفظه ويخلي لي

مشكلتي مع زوجي من خذني لبسني نقاب وعبايه ساادة مايحب فيها ولا خيط ملون والشيله بعد اسود في اسود

وممنوع الميك أب والنظارة الشمسية وممنوع اطلع في الويكند وممنوع ألبس بنطلون ممنوع ألبس نص كم او كت تحت العبايه

ممنوع اطلع مع السواق ممنوع ممنوع ممنوع كل شي في حياته ممنوع حتى أهلي راحو الشاليهات مارحت لهم لان ممنوع

النت كان ممنوع بس اجبرته ووافق ممنوع افصخ النقاب في الشغل

يابنات زوجي مانعني من اشياء وايد وانا صغيره واحب ألبس واتمكيج واتدلع يقول بس لي في البيت

صرت استحي اطلع انا يوم كنت عند اهلي مرتاحه والبس اللي ابيه مع ان أهلي ملتزمين بس ما اجبروني على النقاب كنت اتغشى في المجمعات بس اذا كنت في السيارة البس النظارات الشمسية

الحين بسافر بروح مصر يقول لي البسي نقاااااب والله كرهت السفر وكرهت الطلعه وكرهت حتى القعده معاه

احس اني مقيدة كأني في عسكرية حتى اخاف اسولف معاه يطلع شي بالغلط ويعصب ممنوع اقعد مع عيال عمي وعيال خالتي

بس مب ممنوع اقعد مع عيال خالته من صوبهم حلال ومن صوبي حرام

ما انكر انه يحبني ويمووووت فيني هو يشتري لي الشنط الماراكات والبس الماركة والمصروووف يعطيني كل شهر 30 ألف ريال

ومسجاته ماتوقف اذا كنت في الدوام واذا طلع من البيت بس وااايد مضايقني من ناحيه الممنوعات

بنات والله انقهر لين اشوف بنات عمي وبنات خالاتي كاشخين بالبرمودا والتنانير والبناطلين

حاولت افهمه ان اهلي بنقدون عليه بيقولون انك مقصر معاي بس مافي فايدة هو مب ملتزم هو زقرتي يشوف برا ويطبق علي

على فكره يشتري لي مكياج وبناطلين وكل شي بس يبيه له في البيت

والله مقهوووووووووووووووووورة بمووووووت من القهر

ارجوكم ردو علي