تقولي مالها خلق الزواج وحياة العزوبية نعيم كيف أقنعها؟

هذي تقول هذا الكلام لتقنع نفسها ...لنها وصلت لهذا العمر و ما تزوجت...انا كنت اعرف وحده نفس الشي ...تحاول ما تربط نفسها و تفكيرها و توقف حياتها على الزواج ...يعني تقدرين تقولين انها يالسه ترضي نفسها بالامر الواقع و تستعد نفسيا اذا ما تزوجت و لا جاها احد ...و اكيد هي بعد ملت من كلام الناس وياها و عن الزواج و تبي خلاص توقفهم فتقول لهم هذا الكلام ....لكنهم ما يعرفون ان هذا الكلام ياثر سلبيا عليهم لان اذا احد سمعهم و كان ناوي يخطبها ممكن يغير كلامه لانه بيقول هذي ما تبي تتزوج ...فعلشان جذي لازم ما يتعودون يقولون هذا الكلام جدام كل الناس و اي احد و محد يناقشها بالموضوع امام الي احد

هذا كلام عادي و في هذي المرحله

و ان شاء الله ...الله يبعت لها ولد الحلال الي يعززها و يكرمها و يحبها و يحطها على راسه ...و يرزقها بالذريه الصالحه

كلارنس

كلارنس

كلارنس

ركزتي معاي

اخطبيها رسمي بدون تلميح للي تبين :)

يعني قوليلها انا ابيك لفلان وفلان تراه يبيك...... وش رايك؟؟

وشوفي وش تقول :)

البنت بس تكابر خوذيها مني انا

اذا ما صرحتيلها رسمي ماراح تنزل نفسها وتقول اني ابي العرس :)

والله يوفقها ان شاء الله

كيف تقنعينها عزيزتي يعني هي جايها خطاطيب وترفض !!

اذا جايها خطيب شوفي اسباب رفضها وحاولي تغيرين وجهة نظرها لكن لاتضغطين عليها

اما اذا هي مانخطبت وتبين تقنعينها فهذي غلطه لأنك بتشوقينها لشي مابعد جا

وعموماً دامها مرتاحه الحمدلله القناعه كنز لايفنى

بالنسبه لرأي الأخت فوفوعرب تمام اذا فعلاً تبين تخطبينها اوتذكرينها لأحد

لكن مانصحك بإختبارها اذا بتعرفين هي تكابر او لا لأنك بتجرحينها خصوصاً لاصارت ردة فعلها ايجابيه ووقتها كيف بتصرفين الموقف !! محرج صراحه

السلام عليكم
إلى أخواتي اللي ردوا علي جزاكم الله كل خيرا على ردودكم الجميلة سهلتوا المهمة علي ( مهمة اقناعها بتغيير الفكرة وليس خطبتها ) ما عندي اخوان
ودمتم لي أخوات عزيزات

كلارنس;3833496:
السلام عليكم
إلى أخواتي اللي ردوا علي جزاكم الله كل خيرا على ردودكم الجميلة سهلتوا المهمة علي ( مهمة اقناعها بتغيير الفكرة وليس خطبتها ) ما عندي اخوان
ودمتم لي أخوات عزيزات

وبعدين اذا اقتنعت بالفكره ..... وش بتسويلها؟؟

لاتحرجينها بهذا الموضوع وعمرها ثلاثين.... تتوقعين تقولك انها تبي تتزوج بس ماأحد يطق بابها

اذا بتساعديها وتسعديها وتخليها مثل ماقلتي تقتنع مع ان مافيه بنت ماتبي تستقر!!

اذكريها عند اقربائك وأمدحيها عشان تساعديها

انا عندي صديقه روحي اختها الكبيره عمرها 30ماأتزوجت ووحده من المعلمات اخطبتني لكن

ذكرت اخت صديقتي و اشفقت عليها قلت وراى ماتخطبي اخت فلانه وتراها حلوه وخلوقه

واخوك احسه يصلحلها ...... صحيح انها ماأنظبت السلفه ولا راحوا يخطبوها بس احس اني

حاولت اسعد واساعد انسان محتاج ...

وكررت القصه هذي مع وحده ثانيه ولصديقه ثانيه ويعلم الله ماسويت كذا الى عشان الله

يرزقني ويوفقني بزوج صالح يعيشني بسعاده بعيد عن المشاكل الي اسمعها

من بعض المتزوجات والمطلقات.

فأنتي على ماأعتقد متزوجه يعني مافيه مجال لتضحيه والايثار

حاولي تساعدينها والله يساعدك

:9_33:

انا اشوف تخليها على احتها بعدين كثير الي ماتزوجو ومرتاحين واكثرالمتزوجات عايشين بجحيم........
واذا هي وصلت لهالعمر فهي تعرف مصلحتها واذاكانت تكابر ومحد جا يخطبها فانت ان اقنعتيها بفكة الزواج بتزيدين المها وبس لانه مافي احد خطبها !!
لاتحاولين تكلمينها في هالشي الااذا احد خطبها اما كذا مجرد اقناع بدون سبب راح يسسبب لها احراج

السلام عليكم ورحمة الله وبركاته

اختي بصراحه انتي الغلطانه مو صديقتك
يعني كمان بتقلبي عليها المواجع خلاص بيكفي تحرجيها اكتر من هيك

تحياتي
سالي

اللي فهمته منك انك بس علشان تبين تغيرين وجهة نظرها فالموضوع مو علشان في خطاب موجودين
فأنا اشوف ان الفكره ابدا مالها داعي لان الوضع بكوون مختلف تماما عندما يتقدم احد لخطبتها
الله يوفقها

شي طبيعي بتقولج هالكلام عزيزتي لان موضوع الزواج مو بايدها ولاهي اللي بتروح تخطب لنفسها
لكن لمن يجيها نصيبها بتشوفين الامور كيف بتتغير

الزواج سنه مش فرض ليش تقنعينها بالغصب إذا هي مش مفكره في الموضوع خلها تشغل نفسها بأمور ثانية أهم من الزواج، افرضي تزوجت ما عاشت في سعادة إنتي بترتاحين بهالطريقة؟

و مش معقول كل بنات العالم راح يتزوجون صح؟

حد سبحان الله جمال و مال و طيبة و اخلاق بس ما يكون في نصيب في الزواج و هالشي مش ضروري عشان تستمر الحياة لأن الحياة مستمرة مستمرة مستمرة سواء بالزواج أو بدونه.. يعني اصراركم عليها ما بيجيب نتيجه و بيخليها أسعد الزوجات... دام انها مرتاحه خلها ترتاح و الغريب ان اغلب ردود العضوات المشجعات على الزواج هم من فئة اللي يشتكون من ازواجهم... سبحان الله فجأة صار الزواج شي حلو..

محد يعلم الغيب يمكن الزواج يكون بداية تعاستها لا سمح الله و يمكن يكون استمرار مشوار السعادة اللي هي عايشتنها، و يمكن البنت مرتاحه في حياتها و ما تشوف إنها محتاجه لزوج (الله يعوضها بأروع زوج في الجنة إن شاء الله) و من غير إنها أكيد تسمع و تشوف و تقرا المشاكل اللي صايرة بين المتزوجين، والواحد ما يخلي الأمور تمشي على البركه و خصوصا الزواج يحتاج إلى اقتناع لأنه مش شي هين، هذا اصعب قرار الوحده تاخذه في حياتها، سمعتوا حد يروح للنار برجليه؟
ترا المسأله مسأله اقتناع بعدم الزواج وليس ارضاء نفسها..

صدقها هي مرتاحه شو تبا بعوار الراس وريل ينكد عليها !

والله معاها حق احلى شي في الزواج الاطفال اما صراحه حياة العزوبيه احلى 000 رايي

خليها على راحتها والله يوفقها بالزوجالصالح وانتي ماعليكي الا بالدعاء

ســالــي;3835926:
السلام عليكم ورحمة الله وبركاته

اختي بصراحه انتي الغلطانه مو صديقتك
يعني كمان بتقلبي عليها المواجع خلاص بيكفي تحرجيها اكتر من هيك

تحياتي
سالي

انا ماني غلطانة لاني خايفة على مستقبلها وبعدين انا ما تكلمت إلا لما شفت دموعها الغالية علي


الى كل الاخوات شكرا على ردودكم وضحتولي اشياء كثيرة وافتدوني
وابشركم كأنها هالايام متغيرة ؟؟؟
اعتقد في الجو غيم

ما في داع أختي وقت ما يجيها النصيب ح توافق يعني أكيد أهلها ما هم سايبينها

الزواج مش بالقوة

ممكن سمعت سوالف أو قصص عن بعض الزيجات الفاشله أو الرجال المعقدين فكرهت الزواج
أو ممكن أحد يقرب لها مره متزوج ودايم مشاكل وهواش فتعقدت من الزواج
وممكن مااحد مناسب أتقدم لها فتستحي تقول الزواج حلو أو أبغى أتزوج مافيه بنت عاقله وتستحي تقول أبغى أتزوج
وجهة نظر والله العالم

lonelyqueen;3828108:

معقــــــــــــــــول؟؟

في بنت بهالعمر وبهالأيام بتفكر هيك ..

الله يهديها ..

ذكريها بالاستقرار والانجاب وتكوين أسرتها اللي تبنيها بنفسها ..

وذكريها انها بيوم من الأيام ممكن تشتاق يكون الها ابناء يسندوها بكبرتها ..

والزواج سنة الحياة .. والقرآن والحديث حضوا على الزواج ..

الله يهديها .. ادعيلها يمكن دعائك يهون عليها الأمر..

الله ييسرلها الخير :9_33:

نفس الراااي والله يهديهااا ..