زوجي وانا والشغاله

السلام عليكم ورحمة الله وبركاته
بنات حابه اطرح موضوعي يمكن الاقي كلمه تطمني او وحده صار لها نفس الشي
باختصار من غير مااطول عليكم انا عندي بيت وعيال صغار واحتاج شغاله نظرا لظروفي الدراسيه والعمليه وراح توصلني الشغاله فلبينيه الاسبوع الياي
المشكله تكمن في انه زوجي صار يقول لي اكثر من مره ويكرر كلامه بطريقة المزح انه اذا جت بتكون زوجته الثانيه مره ومره يقول لي متى تجي المبروكه لو مرضتي يكون عندي سبير وهي لها غرفتها الخاصه وانتي لج غرفتكم ومن هالكلام يعني مزح على طريقته بس صرت احاتي وخايفه لاني احتاج اطلع برى البيت ولي دوامي الصبح وهو يقدر يجي البيت وقت الدوام لان شغله يكون ماعليه مسؤل مدري انا موسوسه او هو زرع الشك فيني امانه اللي تدخل ترد على او تدعي لي علاقل لاني صرت خايفه وعلى قلق لكثرة تكرار كلامه
اسمحو لي طولت ويعطيكم العافيه وانتظر ردودكم خواتي