بنات الكويت تعااااااااااااالوا ابيكم .... طلبتكم

لمبه;3826035:

بسم الله الرحمن الرحيم


لبييييه shoog_ku

أختي شوفي تلقينه بالجمعية اما صوب المنظفات ملوت الحمامات أو صوب بكن باودر مادري شنو ، سئلي العامل وقولج أنا سألته وهو دلني . وبالنسبة لتجربتي له أنا حصلت بيكربونات الصوديا قالوا الخوات في المنتدى اهو نفسه وحتى العامل قالي اهو نفسه ، واستخدمته بنفس الطريقة الي حاطتها الإخت عذاري الله يجزاها خير بس بصراحة ماطلع أسود ولا شي والله ولا حتى حسيت انه لمع الجسم ولا أفكر استخدمه بعد . بس اذا انتي حابه استخدميه وشوفي لانه سعره رخيص وما يكلف وياريت تنقلين لنا تجربتج ، والله يوفقج .

سلام .

حرقت الروح;3828794:
شووق تصدقين حتى انا بجربه ..؟؟

ودورت بجمعية كيفان ..والاندلس ..

ومالقيت ..

دورته بالمنظفات ومع بكينج بورد هم مالقيت شي واسأل العمال مايدرون عنه يقولون مافيه واحد قالي هذا تلاقينه بمركز سلطان ..


لمبــــــــــــــة يمكن انتي مستخدمته غلط ..؟؟

بس عفيه من وين شريتيه اي جمعيه ..؟؟

لمبه;3829045:

بسم الله الرحمن الر حيم

حرقت الروح والإخت shoog_ku

حبايبي سألوا العامل راح يدلكم كتبوا اسمه بالنجليزي بالورقة و خليه يقراه قوليلة منظف مال فواكه راح يعرف ، وانا متأكدة اختي اهو نفسه مكتوب عليه بيكربونات الصوديا .
حرقت الروح أنا شريته جمعية الفيحا تلقينه هناك

بسمة الحيا

في خلطة اذا صار عندي وقت ان شالله أكتبها اهي معروفة خاصة عند بنات الجهرا يسمونها خلطة العروس وايد حلوه بس عاد صبري علي حسب ظروفي والله .

سلاااام

انصار;3829471:
مرحبااااااا بنات ديرتي
انا استخدمت هالخطله قبل لا اسجل في هذا المنتدى ( قريتها بمنتدى ثاني من قبل سنتين )
واستخدمتها لكن ماصار ولا شي مع العلم مستخدمتها مثل ما كانت مكتوبه الطريقه

وبعدين هذي حاله انظف نفسنا في منظفات السيراميك والصحون والفواكه لوووووووووول
ما بقى الا اصحاب البشره الدهنيه يستخدمون فيري قوه خارقه على الدهون لووول

بسمه الحياه;3831549:
تسلمين اختى لمبه الله يعطيك العافيه
انا اعرف من الكويت والجهراء خصوصا بنات بس رافضين يقولولى عن الخلطه !!!!!!!!!!!!
وراح انتظرررررررررررررررررررك على احر من الجمر :2_71:

n_o_n_o;3831674:
السلام عليكم ورحمة الله وبركاته

حبيبتي شووق المنتج هذا تقدرين تحصلينه بأي فرع من فروع الجمعيات التعاونيه عندنا بالكويت

وأنا عن نفسي شريته من فرعنا القريب من بيتنا وكان إسمه بيكربونات الصوديوم من فوستر

وصدقيني ماحصلت على نتيجه

ولك مني التحيه ....

انصار;3837178:
تلقينه بجمعيه القادسيه

بس والله مايسوي شي , نصيحه لاتعبين روحج
شوفي خلطه ثانيه اتييب نتيجه
وان شاء الله الله يفكنا من من المناطق الغامجه ( إنام ونقوم من النوم ماكو شي قولوا آمين)

لمبه;3852354:

بسم الله الرحمن الرحيم

الأخت شووق انتي ليش مصره انه الي استخدمناه مو نفس البيكنج صودا !!! يعني أنا قريت موضوع بنت عذاري كله وكثر من وحدة سألتها عن بيكربونات الصوديا وقالتلهم اهو نفسه ، وأنا حتى العامل نفسه الي يشتغل بالجمعية قالي اهو نفسه ، وألحين ثلاث خوات نقلوا تجربتهم انه ماله أي فايدة غير الي قالوا نفس كلامنا بالموضوع نفسه اذا حابة ترجعيله ، وحب أنبهج وانبه الخوات انه مو كل شي تقرونه تصدقونه ، بنات انا استخدمت كريم ثمان ساعات الي مدحته بعض الخوات وربي ماله اي نتيجة ، وسألت عن بعض كريمات لتبييض الركب وغيره والي مدحته الإخت بنت عذاري وقالي الصيدلاني كلهم فيهم كرتزون ما أقدر أصرفهم لج إلا بوصفت طبيب . على العموم انا أدري إنه الخوات ما يقصرون ويبونه نستفيد مثل ما استفادوا بس هم لا تصدقون كل شي .

على العموم تلقينه بجمعية الفيحاء رف رقم 38 *_ * أتمنى تجربينة وتقولين لنا تجربتج ، ولا تنسوني من دعائكم لانكم وعدتوني هههه .


الإخت بسمة الحياة هذي الوصفة الي وعدتج فيها وعلى فكرة أنا بنات يقربولي استخدموها قبل عرسهم وهم بعد إختي وما شالله وااايد حلوة وزينة وانا بعد استخدمتها بس ما كنت أستمر عليها بس ألحين باستمر إن شالله لأني شريت مكوناتها .

خلطة العروس .


2= صابون الوزير

2= ماء ورد ( حطي واحد ونص بس )

2= جلسرين سائل

2= دهن لوز

1= سنفره

1= صابون مغربي

1= كريم جلسرين الأحمر

1= فازلين

ملعقة ونص فكس

وشوية كلونيا

جهزي جدر حجم وسط وخلطي فيه الخلطة بيدج وبعدين فرغيها بغرشة وخليها بالحمام وكل يوم استخدمي منها لا تخلينها أقل من ربع ساعة على جسمج وكل ما زدتي بالفترة أحسن .

والله يوفقكم يارب ويسهل أموركم ، وأتمنى اذا جربتوها تقولولي اعجبتكم ولا لا .

في خلطة حق الوجه هم وااايد حلوة أسأل عنها وكتبها لكم ان شالله .


سلام . ]

http://go.3roos.com/bllt7vea5wy .