ساااااااعدوني....احمل مره ثانيه ولالأ؟؟؟؟؟

اختي هذا يعتمد كله على مدى تقبلج للفكرا و مقدرة جسمج على التحمل
انا ماخذه ابره الضهر في القيصرية نصحوني سنتين ما احمل و الحمدلله سمعت الكلام و الله يسهل علينا ياااااااااا رب!
جربت الطلق وعشت مرارته لكني انحرمت من لحضات الولاده لاني والده بقيصري!

توكلي على الله

بس حبيت اسال شو هاي ابرة الظهر؟؟

مرحبا الغالية
انا احب افيدج عن تجربتي الخاصة وبقولج ياها باختصار
انا في حملي الاول شفت الويلات في الحمل وما اكذب عليج والله كانت اتييني ايام كنت احس اني خلاص بموت.. بس الحمدلله بفضل القران والرقية الله ساعدني
وماتتخيلين اشكثر كنت مرعوبة من الولادة
كنت دايما اوصي امي وخواتي لاني كنت حاطة في بالي اني بموت وانا اربي :2_22:
لما وصلت الثامن كلمت الدكتورة اني ابغي اربي بابرة الظهر بس وايد كنت خايفة منها
المهم...........ريلي ما كان مايد الفكرة قاللي توكلي على الله والله بيسهل عليج
سبحان الله بعد ما عديت اسبوع من التاسع ياني يوم كنت نايمة عادي وريلي في الدوام
حسيت بعوار بطن عادي مثل ما يكون فيج اسهال...انتي والكرامة
وكان هذا الصبح والويع ايي ويسير وانا حاطة في بالي ان فيني اسهال ..كل شوي الحمام... بس مافي شي
ابدا ماكنت حاطة في بالي اني بربي لاني بعدني باول التاسع
اتحملت هالالم لين المغرب مع انه كان يزيد بس محتمل عادي
سبحان الله وداني ريلي المستشفى نشوف شو السالفة ... قالوا لي ولادة :eek::eek::eek:
وقمت اصارخ...........:confused::confused::confused:
من من الويع..... من الخوف هههههههههههه
دخلوني الغرفة سبع ونص .. بدلوني.. عطوني اكسجين.. شوي شوي
باخر نص ساعة ..كم صرخة

ما احس غير انا مربية :D_smil1: عشر وربع
والله ما اقص عليج لين اليوم كل ما اتذكر اقعد احمد ربي واشكره
كيف يتني هالقوة... كيف طلع راس هالكبره... كيف انفتح؟؟؟؟؟؟؟؟؟؟؟؟؟
ياربي سبحانك............ كله تسهيل من رب العالمين
واشكر ربي اني ماخذت لا ابرة ولا طلبت عملية
صدقيني الولادة الطبيعية مع الامها تحسين بقيمة الامومة وتحسين انج انجزتي شي بحياتج تفتخرين فيه
مع اني في حملي الاول كنت اقول مستحيل احمل مرة ثانية
بس تعالي الحين... ما قدرت اقاوم اليهال
من كملت بنتي سنتين
هديت المنع .. وانا الحين حامل مرة ثانية. والحمدلله ..الله يثبت لي حمل ..قولي امين
ادري وايد طولت ومللتكم .. بس حبيت افيدج وافيد غيرج
مع اني الحين بعد خايفة من الولادة.. بس ادري ان رب العالمين.. لايكلف نفسا الا وسعها
وكلها ساعات وتعدي وتشوفين احلى بيبي :clap::clap::clap:

الوحام يختلف من حمل لي حمل

بحملي الاول معاي دوخه وغثيان

وحملي الان بس دوخه يعنى ارحم من الاول بشي كثير

وبالنسبة للولادة

حسيت بالطلق بس كان محتمل الساعه 2 بالليل ولين اربعه العصر وهوا معاي
وعلى الساعه 5 كان يجني كل دقيقتين خفت واستهلت الموضوع لانه كان محتمل
ولما رحت المستشفى قالولي 3سم وقالولي بتروحي البيت والا تتومي طلبت اتنوم
وحطولي ابرة تحمى الطلق وقتها اتعذبت وكنت اصارخ مع كل طلقه وجات الكتورة فكت كيس المويه ونص ساعه اعطوني ابرة دوختني ماحسيت بشي بس شايفه وسامعه وودوني لغرفه الولادة ولدت والحمدلله الابره اللي اخذتها بالوريد ريحتني كثير بس ماعطوني هيا الا لما فتح الرحم 7 سم

وبعد ماولدت ندمت اني صارخت

توكلي على الله
ومن حمل والثاني يفرق وولاده عن ثانيه تفرق
مع العلم ماعندي غير البكر ههه

مثل ما قالوا انه من حمل الى حمل يختلف بس الوحدة تجرب الولادة الطبيعية افضل لانه مهما كان اذا انت جسمك يتحمل ماراح يعطوكي ابرة الظهر

السلام عليكم

انا بصراحة متشوقة اني اولد طبيعي من غير اي مخدر او مسكن
تدرين ليش؟
لان امي ولدت كل عيالها طبيعي و تقول احلى احساس بالدنيا الولادة الطبيعية
و اختي ولدت طبيعي من غير اي مسكن او مخدر و تقول شعور الولادة روووووعة
تقول كلها جم ساعة و اتشوفين البيبي الي صارلج تسع اشهر متشوقة تشوفينه
و بهل جم ساعة تسبيح و تهليل و دعاء و قرآن يعني شالمشكلة؟

و على فكرة انا دكتورتي شجعتني عالولادة الطبيعية و ما تنصح بابرة الظهر
و اهيا نفسها ولدت طبيعي و تقول احلى احساس

دكتورتي اسمها سلوى سيد علي الرفاعي