ارجو الرد بسرعة

هلا فيك اختي الكريمة ...

طبعاً مايحتاج انك تشتري عدد 2 مودم DSL إذا كان عندك جهازين نوع محمول فتقدري انك تشبكيهم مع المودم عن طريق اللاسلكي ( Wireless ) وحتى لو كان عندك جهازين نوع مكتبي تقدري برضوا انك تركبي داخل كل واحد منهم قطعه صغيره للاستقبال اللاسلكي وفيه منها نوع يشتغل عن طريق منفذ الـ USB بالجهاز أو عن طريق منفذ PCI الداخلي للجهاز ...

وإذا كان المودم مو مدعوم بجهاز للبث اللاسلكي أو في حالة عدم الرغبة بأستقبال الانترنت عن طريق اللاسلكي فممكن انك تركبي كيبل شبكة وبالطول اللي انتي تبغيه في كل الجهازين .. لأن اغلب المودمات من نوع Router تكون مزودة بعدد 4 مخارج من الخلف لكيبل الشبكة ...


وبالنسبة للذاكره لم تحددي النوع يعني اي ذاكرة تقصدين ؟ ذاكرة كمبيوتر وأي كمبيوتر تقصدي ( محمول أو مكتبي ) ؟

اتمنى اني اكون ساعدتك اختي واي سؤال احنا حاضرين ...

اخوك الهــــــــاوي ........

فمان الله ........................

تسلمو على الرد
انا عندي جهازين مكتبي وعندي كمان الكيبيل بطول مناسب يعني اقدر اوصله بين الجهازين بس كيف من غير مودم dsl يعني كيف الطريقة وانا مو حابه اوصله لا سلكي
اما بل النسبة للذاكرة فهي لجهاز المكتبي ناويه اشوف فيستا وقالوا يبي ذاكرة كبيره

وانا اسفة للاطالة وشاكرة الرد
وحبيت اسال اذا ما فيها احراج شنو الاسم الكريم وشكرا مقدما

أختي مايصير تربطيهم بدون مودم DSL انا كان شرحي على مودم DSL .. يعني المودم يجي فيه عدد اربع مخارج للشبكة يعني تقدري توصلي كل كمبيوتر بكيبل منفصل عن الآخر ...

رحي لأي مركز للحاسبات عندكم واطلبي كيبل شبكة يسمى CAT6 وبالطول اللي يعجبك يعني قيسي مسافة بين المودم و الكمبيوتر اللي في الاعلى والكمبيوتر اللي في الاسفل واشتري عدد 2 كيبل بالاطوال المناسبة ثم وصليهم من المودم للجهازين وراح يشتغل عندك الانترنت على الجهازين في وقت واحد بأذن الله ....

بالنسبة للذاكرة فهي انواع كثيرة على حسب الكمبيوتر يعني إذا كان كمبيوترك من النوع P4 فله اكثر من نوع ذاكره ومنها نوع يسمى : SDRAM وهو يأتي بأحجام مختلفه وبسرعة واحده وهي 133 ميجاهيرتز

ويوجد نوع اسمه DDRAM وله اكثر من سرعة 266 أو 333 أو 400 ... ويوجد نوع اخر أسمه DDR2 وله اكثر من سرعة 533 أو 800 ....

النوع الاول إذا كنتي تبغي الحجم مابين 256 إلى 512 فالسعر يتفاوت بين 120 إلى 180 ريال

والنوع الثاني حجم 256 إلى 512 ميجابايت بسعر 130 إلى 210

والنوع الثالث حجم 256 إلى 512 ميجابايت بسعر 125 إلى 230 ريال ...

اختاري اللي يناسبك ولو ماعرفتي ايش الذاكرة اللي تناسب جهازك فممكن تعطيني سرعة جهازك ونوع المعالج وراح افيدك ان شاء الله .... بالتوفيق لك اختي :)

اخوك الهــــــــاوي .........

فمان الله .......................

تسلم أخوي
و انا اسفه تعبتك معاي

العفو أختي وبالعكس مافيه تعب ولا حاجة والاهم من هذا كله إنك تكوني استفدتي من المعلومات علشان مستقبلاً تعرفي الفرق بين انواع الذاكرات وكمان تعرفي طريقة عمل مودم الـ DSL مهما كان نوعه وشكله .. وأي سؤال احنا حاضرين :)

اخوك الهـاوي .....

شكرا أخوي شاكره لطفك ومعلوماتك القيمة
الله يبارك فيك
اشوف شو يصير معي في الموضوع واول ما اوصلة ويصاصدفني شي بسالك
وشكرا مرة ثانيه