السلام عليكن خواتي العزيزات
اليوم يايبه لكن مقلوبه اللحم بس على طريقتي الخاصه (ياعيني على التواضع)
المهم تفضلن:
المقادير:
عيش بسمتي (أرز) مغسول ومنقوع في الماي
لحم
كوسا وباذنجان مقطعين بالطول
حلقات طماط
بصل وثوم
صلصة طماط
بهارات وملح وزيت
الطريقة:
اسلقي اللحم....وعقب النضج احتفظي بماء السلق وحمري اللحم
حمري شرايح الباذنجان والكوسا
حمري البصل المقطع وبعدين ضيفي له الثوم وقلبي شويه وضيفي البهارات والملح مع التقليب
المستمر وبعدين ضيفي صلصة الطماط وقلبي عدل.....وبعدين شلي الخليط من على النار (هاي الخلطه بتعطي العيش لون حلو)
الحين في قدر مناسب حطي شرايح الطماط وحطي فوقها شرايح الباذنجان والكوسا
والحين ضيفي قطع اللحم المحمرة وخلطة البصل
ضيفي العيش عقب تصفيته من ماي النقع
حطي فوقه صحن ثقيل وصبي ماي سلق اللحم الحار (خلي الماي اعلى عن مستوى العيش بشويه بس) بانتباه عشان ما يخترب ترتيب الخليط
خليه يفوق على نار عاليه شوي (لا تشلين الصحن الحين) وغطيه
بعدين خليه يفوق على نار هاديه وعقب ما يقل مستوى الماي شلي الصحن وغطي الجدر لين ما ينشف الماي نهائيا
اقلبي الجدر في صحن مناسب
شوفي الصورة-------انا اخترت جدر حجمه اكبر من كمية الاكل المستخدمه وعشان جيه ما نجحت 100% في قلب المقلوبه:2_106: بس الطعم كان حلووووووووو
بالعافية عليكن
