اللي ولدها ايمص صبعه ...... هنا الحل

السلام عليكم و رحمة الله و بركاته

مص الصبع من المشاكل اللي ايعاني منها الاهل ويا اعيالهم

يعني تلقون الأم ما يتم شي إلا و تسويه حق ولدها حتى يهد هذي العاده الكريهه و اللي يمكن اتأثر على اسنانه

المهم ماطول عليكم


ذيك المرة رحت حق الدكتورة و قالت لي مافي فايده اتحطون المادة المرة أو اي شي لأن الياهل بيعاند و بيمص زود وهذا الشي صج لأن اتذكر أمي اتقول عني ينت وهي اتحاول معاي و حطت لي المرة وعناد كنت امص اصابعي هههههههههه

الحل شنو اتوقعون ؟؟؟

انج اتجاهلين هذا الشي بالمررررررررررررررررة

يعني ولا جنج اتشوفينه و بالعكس قولي له ماما مص اصابعك و هو بيوقف ههههههه صج الياهل اعناد و خالف تعرف

شي غريب صح ؟؟ بس اتقول ان هذي مب حجيها إنما حجي دكتورة ألمانية مختصة و الله أعلم