بنت النيل.... هل حان الوقت لعمل تلقيح صناعي؟؟

بسم الله الرحمن الرحيم

:9_33:هلا حبيبتي بنت النيل ارجوكي فيديني جزاكي الله كل خير:9_33:
انا صار لي الان 5 سنوات متزوجه وللان ماصار حمل رحت المستشفى الدكتوره الاولى قالت التهابات وعالجتني شويه رديت لها قالت قرحه وكوتني وبعدين قالت تبويضك ضعيف استمريت معها 7 شهور ومافي فايده قلت بتوكل على الله وبترك العلاج تركته تقريبا 5 شهور بس حنت زوجي خلتني اروح دكتور ثاني موصوف لي انو ممتاز توكلت على الله ورحت ووديت معاي تحاليلي لان كان بعد تشخيص الدكتوره الاولى بين انو عندي هرمون حليب قالي معاكي ضعف في التبويض ضل يعطيني ابر ضليت على هالحال تقريبا 5 شهور وقلت له انا فيني هرمون الحليب عادي مع الابر بس ماكان يجاوبني.... سكت ويوم كان يعملي سونار وحسيت اهو والممرضه قلقانين سالت الممرضه قالت بس نتاكد اذا عندك تكيس وفعلا عملو السونار ووصفلي ابر وماقالي انا شفيني بالضبط وكل ماسالته مايرد ضليت على هالحال تقريبا 9 شهور الين جاتني حالة اكتئاب وضيقه وصرت بحاله نفسيه مايعلم فيها الا الرب زوجي خاف عليه وقطعت العلاج ضليت تقريبا 3 شهور ورجع زوجي يلح عليه اروح دكتور استشاري وفعلا وداني دكتوره استشاريه من بعد الله حملو ناس كثير على ايدها دخلت عليها وشرحت لها كلشي صار معاي من بداية الزواج قالت اذا كلشي عملوه لك وماحملتي شكله عندك انسداد في الانابيب عملت لي اشعه وتحاليل للهرمونات طلعت كل الهرمونات اللي بجسمي مرتفعه وطلع عندي بعد انسداد باحد الانابيب عملت لي عمليه لفتح الانبوب وهات ياكلوميد ودوفاستين قلت لها سبب الانسداد قالت انتي عندك مشكلة الهرمونات والدكتور الله يسامحه ماعالج الهرمون قبل الابر وفعلا استمريت معاها على العلاج للهرمونات وللتبويض وللانسداد بس 7 شهور وماحصلت نتيجه وخسرت مبالغ كثيره وزوجي راتبه على قد حاله

الان افكر اعمل تلقيح بس سمعت انو العمليه مكلفه وانا لاحول لي ولاقوه وماعندي المبلغ اتمنى يابنت النيل تدليني على دكتوره او دكتور ممتاز بالشرقيه وتعرفيلي كم تكلف العمليه لاني تعبت وبصراحه نفسيتي بالحظيظ الله الرازق بس لازم نعرف الاسباب:sad::sad::sad:

لاتتاخرين عليه ارجوكي يالغاليه

اعذريني لطول موضوعي