أتمنى من ذو شخصيات القويه والعاقله والذكيه الرد.. الموضوع مهم جدا بنسبالي

شوفي اختي اللي عليج سويته..واذا عندها كلام خليها تتصل على المديره..الله يهديها ماله داعي تكبر الموضوع..والموضوع بسيط جدا..لاتشلين همه..واذا كلمتج قوليلها أنا نقلتلج كلام المديره..واذا حابه تناقشين الموضوع دقس عالمديره..وبهذا يتنهي دورج..وراح تاخذ الكلام من المديره وانتي تطلعين من السالفه..والله يسهل الامور

حيا الله الغاليه ام سعيده و حمدان..

الله يوفقج في شغلج و تثبتين نفسج ان شاء الله...

الغاليه...لا تتصلين على المديره كل شوي...

انتي قلتي انه شخصيتها قويه...

يعني هي تحب اللي يعتمد على نفسه و يثبت نفسه انه كفوء...

و ما شاء الله عليها مبين انها تعرف الموظف اللي يستاهل من غيره...

لو ما تبينلكم...يعني ممكن هي تعرف اطباعكم كلكم و مدى اهتمامكم

و تحملكم المسؤوليه و هي يالسه على مكتبها...

هي ما كلفت (( فلان )) الا لانها تدري بقدرته و كفاءته المهنيه...

و تدري انه الضغط عليج كبير...

و بالنسبه للبنت اللي كبرت الموضوع...

انتي مب ملزومه تطلعيلها اعذار...

و تتلومين فيها...انتي نفذتي قرار المديره...

و قلتيلها هالشئ...عاد هي اذا رضت (( الحمدلله ))

و اذا ما رضت و يلست تقول حق اللي في القسم كله...

اسكتي عنها و اتجاهليها...هي اللي جنت على نفسها...

اكيد الخبر بيوصل للمديره...و هذي ينطبق عليها المثل

(( و جنت على نفسها براقش ))

ترى اغلب اللي في الشغل اللي يسون (( حفله )) و يتكلمون

عشان يلفتون اللي حواليهم...و يبينون انهم مظلومين...

سبحان الله ينجلب عليهم...لانه ينتشر عنهم انهم مب كفوء...

الله يهديها و يسر امرج و يفرج همك...

و خذيها نصيحه...و حطيها (( حلقه في ودنك ))

(( الذي ليس معي...ليس امامي ))

انتى انسانة رقيقة اوى
اولا انتى ملكيش ذنب في اللى حصل خللى مديرتك تكلمها وتشرح لها وجهة نظرها في اختيار هذا الشخص وانت هذى الشغلة تحتاج لراجل

عزيزتي انتي سويتي ما امرتك به المديرة ماسويتي شي من راسك صح؟
وانتي اعتذرتِ من زميلتكِ وبينتي لها انه قرار من المديرة نفسها اذاً خلاص انتهى الموضوع على كذا
ادري انك بتتضايقين شوي بعد القرار وهذا طبيعي لانك خايفه تظن ان القرار منكِ لكن طمني بالك وماعليكِ من اي احد والمديره الله يعطيها الصحة والعافيه بترجع وهي بتحط النقط على الحرووف
والله يوفقكِ والمسلمين اجمعين

والله حبيبتي انتي ما يمهج اي شي ولا غلطانة عيوني واذا هيا كبرت المشكلة احسن حل كولي لها خابري المديرة واتكلمي معاها ؟ مو احسن وانتي الي عليج سويتة ولا تضغطين على نفسك كل واحد وياخذ نصيبة من اي شي حبيبتي انتي مثل ما كالو البنات سويتي مثل ما المديرة طلبت منج

خلي المديره تكلمها تبلغها

عزيزتي أم سعيدة وحمدان

انتي في هالحالة نفذتي المطلوب منج من قبل المديرة...

اذا البنت عندها اعتراض اتقدمه بشكل رسمي وتثبت انه الشغل لها وهي احق انها اتكمله...

بعدين يكون كلام ثاني

انج تتأكدين من كلامها وتراجعين المديرة... لأنها ادرى بإدارتها واللي يستوي فيها من الألف لين الياء



ما عليج من البنت وكلامها واذا اي حد قال لج شي عن الموضوع وهو مب مختص ردي عليه بكل ثقة انج سويتي المطلوب منج واذا في شي البنت لازم اتيي اتكلمج مب اتسير تنشر الموضوع ومحد له خص يتدخل بالموضوع بما انه انتو ما اتدخلتو بشغل حد...طبعا ييبيها بأسلوب سوالف عادية بس انتي تقصدين الكلام يوصلها



احيانا انا كنت اقول لا واستحي وغيره بس الحين مافيه

اذا الشخص سوى لي نفس الحركة ارد عليه كاني اضحك واسولف بس اكون قاصده اللي اقوله لهم

هم عاد ما يدرون اذا اسولف والا اقصد احيرهم عشان يتأدبون شويه هذا شغل مب لعبة

احيانا طيبتني تغلبني واطوف بعد مدة السالفه والمشكلة يردون على سالفتهم الجديمة

على فكرة
في منهم يعتبرون المكان اللي يشتغلون فيه ملكهم ويتصرفون فيه كانه شي مشرووع لهم...
اللي مر علي>> كنت في ادارة والنائبه + المدير كانو يتصرفون تصرفات مع الكل كانهم هم اصحاب المال والحلال يربطون ويفلون اللي يبونه
حتى التوظيف كل اللي وظفوه في الادارة بالواااااااااااااااااسطه وللعلم ولا حد منهم ينفع بس عشان يعرفونهم
واللي يبونه يعطووونه حقه وزيادة..واللي ما يبونه لفو ميت لفة وبدون ما يتكلمون يقعدون يحفرون من تحته وينقلون كلام عنه انه مب كفء ااو اي شي
.كانه المكان كله ملكهم الخاص محد له حكم عليهم

اذا طلعت البنت من هالنوعية الله يعينج لين ترجع المديرة لأنه كل شي تباه لها بما انها تشتغل في المكان...

الله يعينج وخبرينا بالمستجدات


اختج

الخرشة

أختي العزيزه انتي محل ثقه بين زميلاتك في العمل وبين المديره والكل يحترمك فالعمل والعرايس ما قصروا فالمشوره وشوفي شو ترتاحيله واستخيري واعزمي وتوكلي بارك الله فيك 0

اولا مبرووووك على الوظييفه

وثانييا لييج مضاييجه اذا واييد هاممج الموضووع
روحييه لمكتب المديره وكلمييها وان شالله بيرووح الاشكال

والله يوفقج وبعديين في الشغل اولويات ما حد يشوفها غير الكبار في الشغل
والله يسر امرج

حبيبتي اهم قاعدة في الشغل ان ما يكون فيه حساسية ولا مراعاة اشخاص على حساب الشغل
والقاعدة الثانية انج تكونين دوم ذكية: تحمين نفسج وما تسمحين حق حد يشك فيج
والقاعدة الثالثة انج ابدا ما تسوين غير شغلج وبالاخص اذا السالفة فيها حساسيات، يعني لا تاخذين شغل غيرج الا بامر رسمي لكن مو تبرع منج ابدا. تبين تتميزين وتثبتين كفاءة، ضمن شغلج طوري وسوي اشياء حلوة ومبتكرة لكن اياج تتعدين لشغل غيرج، عوار راس ما ينتهي وانتي الغلطانة في الاخر جدام الكل

يعني لما طرشت الشغل بالايميل كان لازم تحطين المديرة على ال CC علشان اللي خذ الشغل واللي تحول من عنده يعرفون انج تنفذين امر وما حد ييراجعج
وفي ناس وايد تحب تخرب وتحب تنقل كلام وتحب تشتكي حتى من غيب سبب والحل الوحيد انج دايما في السيف سايد، مديرتج تعرفج والتيم مالج يعرف السالفة (مب ضروري التيم يقتنع، المهم يشوف الدليل، انتي مب هناك علشان الناس يحبونج، انتي تسوين شغل ومحاسبة عليه عند رب العالمين قبل الناس) والباقيين ما يخصعم يعرفرن، واذا حد قالهم انتي مب لازم تصلحين المعلومة والكل بياخذ عنج فكرة انج في شغلج وما بيصدق كلام عنج

انتي كوني رسمية دبلوماسية وحازمة واللي مب عايبه لا يشتغل ويرد بيته لان هذه فلوس ومصالح ناس مب صالون نسائي حق مراعاة الخواطر

الحين اللي ابى افهمه

انتي اشتكيتي للمديرة من شغل فوق طاقتج، يعني هي نصحتج تخففين من شغلج انتي وتعطين حق حد ثاني
كيف طلع انج حولتي الشغل من موظف الى موظف ثاني؟ وطالما انتي تسوين هذا الشغل، ليش البنت زعلت دامه من الاصل هي ما تشتغل فيه؟

اذا انتي نائبة المديرة فشغلج صح واذا انتي مب نائبتها وما يحق لج تنقلين الشغل من شخص للثاني، كان لازم تعتذرين من المديرة بلباقة وتقوليلها انج بتبلغين نائبتها علشان تتصرف خاصة ان المديرة عطت قرار وهي في اجازة (طبعا هذا مب رسمي )ولكن على حسب قوانينكم، يمكن التقسيم عندكم ما يتحمل غياب المديرة ويعطيها الحق تتصرف خارج اوقات العمل الرسمي

الحين السالفة صارت وانتهت
انتي اللي عليج سويتيه، لا تكلمين مديرتج ولا تتكلمين في السالفة اكثر عن جي والكل بينساها واذا كبرتها هذيك الموظفة، مديرتج بتتدخل وانتي ابدا ما يخصج ولا تتدخلين علشان ما حد يحس انج تبين تاخذين صلاحيات زيادة او انج عين حق المديرة

الله يساعدك ولكن الموضع مايستحق كل هالمسئله
هديها وقوليلها لكل نصيب

حبيبتي أم سعيده
انا ابتكلم بصراحه اذا سمحتي لي
أول شي الطيب بزمنا يسمونه الغبي اذا بعد ماسموه شديد الغباء
ثاني شي الطيب في غير اهله مايجيب الا القهر وعوار الراس والقلب
والشغل حبيبتي مو مكان طيبه الشغل شغل مافيه مكان للعواطف مهما كان
أبسط الأمثله: ليش لما الموظف يمرض يجيب تقرير طبي يثبت انه مريض ويحتاج اجازه؟؟
ليش المدير مايصير طيب ويشوفه مريض يقوله روح ارتاح؟
لو الشغل بيصير مقياسه الطيب واللين والمجامله والحيا كان الدوائر الحكوميه والشركات سايبه لا حسيب ولا رقيب
عشان كذا خلو كل شي وله حساب
و بالنسبه لموضوعك انا استغربت لما قلتي[/COLOR]

حسيت ان انا الي مالفه السالفه شككتني بعمري.. ويوم سالت وحده من الي كانت وياي قالت لي ما غلطتي بالعكس هذا كلام المديره وفلانه مش مؤهله..

وليش تحسين بهالشي انتي ماغلطتي وماجبتي هالكلام من عندك
وبعدين ماعليك منها تصيح وتصارخ ماانتي غشيمه عن عيارة البنات ترى فيه نوعيه من تقولين لها ليش متـأخره عن الدوام تسويها مناحه وانا لو مكانك واشوفها تصيح أقولها انها مو مؤهله لهالشغل عشان الصيااح يطلع من قلب
وأساسا اللي جاده ومحتاجه للشغل مااتهدد باستقاله وكان يوم قالت ابستقيل طلعتي لها ورقه وخليتها تكتب استقالتها الف واحد يدور الشغل ومو لاقيه وهذي تتمنن بدموعها الله الغني عنها
و ترى مو عيب كل شوي تتصلين بالمديره لانها هي مديرك المباشر ولازم تكون على علم بكل شي
والمفروض انها معطتك الضؤ الاخضر يعني انتي تسدين مكانها بغيابها وانا انصحك تغيرين اسلوبك مع الموظفين والموظفات لاتجاملينهم نهائي ولا تعودينهم عليك خلك جاده وياهم مااقصد تصيرين جافه لا بس اشكريهم لما يستحقون الشكر والمدح
ووبخيهم لما يستحقون التوبيخ واللوم
والله يوفقك حبيبتي:9_33:

أهليــــــــــــــــــــــــــــن حبيبتي..


تسلمووووووون على الردود الطيبه واسعدني اكثر نصائحكم الذهبيه..
ويكفي انكم مررتو لموضوعي واشرفتو به وحتى ان كانت بكلمات بسيطه..
اهم شي اني احسست باني ليست وحيده..

ومشكوووووووووووووووورين حبايب قلبي..

وبس حبيت اصحح كم من معلومه..

في دوامنا محد له Athurity انه يسوي اي شي بدون علم المديره.. لانه مكان يديد.. وثانيا محد يقدر يسوي اي شي الا باستشارتها لانها ما شاء الله عليها مخ واسلوب وخبره كفايه..
وحتى ان ما كانت موجوده في اعلى ب وايد عنها ولكن هو ما يقدر يسوي اي شي لان تحته 4-5 اقسام وهو معتمد على الله ومن ثم عليها ويثق فيها ثقه عميااااااااااااااء.. وبدونها ما يتاخذ اي قرار..
وعن نفسي حاطيني مساعده والاختيار اول لها في مساعدتها في حالة غيابها..
يعني لما هي طلعت اجازه طارئه سلموني ثلاثة ارباع شغلها+ شغلي.. بس عن نفسي ما خبرت اي حد في القسم لاني ادري يمكن تصير حزازيات.. ما بيقولون اني اجدم وحده والا بيقولون اني اخبر وحده والا بيقولون اني اعقل وحده لا.. لان بدى نار الغيره اتبين لي..

والشغل الي عطيته حق زميلي بالعمل واحد بالميه من شغلي اتخيلو.. يعني شي بسيط جداااااااا..
يعني اصلا جزء بسيط من شغلي.. والزميله الي زعلت المفروض تكون مساعده هي بغت تستلم الشغل وما تبغي تكون مساعده.......!؟
سبحان الله دنيا..

الواحد شو يقول بس حسبي الله ونعم الوكيل والحمدلله على كل شي..

وانصدمت اليوم يوم رحت الدوام الزميل الي سلمتله الشغل زعلان ويقولي ليش تعطوني شغل و.......!؟؟! يعني جد جد صدمه!؟

سبحان الله ناس تبغي تشتغل وناس خايفه تشتغل..
ورضا الناس غاية لا تدرك..

وعن سالفة CC لو كنت جد خايفه والا الكلام من عندي ل ما فكرت اطرش ايميل.. لان باجر يقدرون يستخدمونه ك دليل.. وعنديدليل ان 3 من زملائي كانو معااااااااااي وانا ما كنت بروحي.. يعني عندي ادله ايضا..

واليوم خبرت زميلتي ان اي نقاش اي شي زياده ما بقدر ارد على اي حد وان كان في اي شي خلهم يتريون المديره ليما ترجع لان اي رد من عندي ما بيقبلونه..

وجيه والا جذاك اكتشفت ان صارت حزازيات والغيره قامت تشتعل ما ادري من شو..؟!

خلوها على الله..

وتسلمون مره ثانيه حبايب قلبي..

على كلام زوجي.. المميز له اعداء من كل اتجاه وهو صادق..
دوم المميز يخلق له اعداء ويتعلم منهم :)

وشكرا

حبيبتي الله يوفقك بشغلك و بحياتك
انا حبيت اقول كلمه بس اختصر فيها كلام كثير
انو الشغل ما بيعرف العواطف
مصلحه الشغل اولا و بعدين تجي المصالح الثانيه و هذي زميلتك طالما انها قادره على تقديم الافضل بتسويه يعني ليش قاتله حالها طالما انك قلتي ان الشغل مو شغلها اصلا و اولا و اخيرا انتي بتنفذين قرار المديره

الله يرضالي عليك انسي العاطفه بشغلك

مشكورين حبايب قلبي على المرور الطيب..
وكلامكم هدئني كثيرا..

أنا بصراحه اتفق مع كلام اختي مجد تماما
لان هذا المجرى الطبيعي لسير الامور الوظيفيه في حالة غياب المسؤول هناك من ينوب عنه وهو المخول بانهاء الامور واصدارها

بالتوفيق عزيزتي

بالتوفيق عيوني ماشاء الله ما قصرووو

بالذات ندايم و عاشقه شانيل