الصيف قرب والسفر حان طاريه .... تجمع عرايس المسافرات ...فيدي واستفيدي

مرحبا مشكوره على الموضوع تدرين انا داخله على السياحه بغرض اني اطرح هالموضوع ماشاء الله عليج سبقتيني المهم انا مسافره سوريا هالصيف مع الاهل وهذي اول مره اروح لها ونحن ناوين نروح لمنطقة "مضايا" وطبعآ بنشقر على دمشق فياريت اللي راح سوريا من قبل يخبرنا عن الاماكن الحلوه هناك والشوبنغ اهم شي ياريت ماتبخلون علينا بمعلوماتكم الشيقه في انتظاركم:B_wink:

عزيزتي عنود الصيد جبرتي خاطري بدخولج للموضوع ، مادري محد بيافر أو سافر قبل يخبرنا عن تجربته واللى هو بخل بالمعلومات ؟؟؟

عالعموم أنا امسافرة فرنسا انشالله 19\7 الياي وراح أروح ع طيران الإتحاد وبعدين راح أسافر ع ايطاليا من فرنسا ع الفرنس

وإذا فيه تفاعل راح أكتب لكم كل الشغلات الضرورية للسفر

تحياتي لكم جميعا

هاي ياحلوات والله الموضوع حلو بالنسبة لي انا اقضي فترة الصيف والسنة هذي عموما مع زوجي ودوراته ومن شهرين انا كنت في الاردن استانست واااايد لاني ماحسيت بغربة فيها ابدا غير ان سيارتنا كانت معانا وكرسي ولدي كان موجود فوااايد ارتحت المهم ومن الاردن كل ويك اند كنت اروح سوريا الصراحة وااايد حلوة بس ياحبهم حق الاكراميات فلوسج تخلص قبل التشري والتمشي على هالاكراميات ههههههههههه:2_106:
انصحج عزيزتي تروحين منطقة كسب وايد حلوة وجبل قسيون عليها منتجعات حلوة اما بالنسبة لدمشق انا ماتمشيت فيها وايد يادوب اسواقهم ونرجع انصج تروحين سوق الحميدية هو سوق شعبي روووووووووووووووووووعة وايد حلو ومجابلة مسجد الاموي فظييييييع ووناسة انا حسيت نفسي كأني داشة مسلسل سوري عن طريق التلفزيون:2_106: بس الصراحة شي حلو
ورحت سوق الصالحية وبس هاللي عندي حاليا
اتمنى اني افدتكم

عزيزتي ام عزووووزي سافرتي قبل فرنسا ولا هاي اول مرة؟؟لان انا في فرنسا وابي معلومات عنها مافي شي قاهرني الا عنصرية هالفرنسيين وضحكم عالعباية والنقاب

السلام عليكم ورحمه الله وبركاته
خوتي العرايس موظوع جداً مهم انا بتكلم عن نفسي شوي وعن العائله احنا تجبرنا الظروف ديماً بكثرة السفر من علاج او رحلات سياحيه او تجاره المهم في الاخر كل سفر في سفر
خواتي بالنسبه لسفر السياحه والرحله مع العائله احرص ديماً على اني اسكن في شقق فندقيه
احول اني عيالي مايكلون من المطاعم لألخذ الحيطه والحذر ثاني شئ الشقق الفندقيه تتوفر فيها الغاز والغساله والثلاجه يعني مطبخ مكتمل نحول من تخفيف الحقايب لان مطارات بعض الدول متشدده اذا كان السفر لسياحه احجز اقرب مكان للمناطق السياحيه والعلاج بلقرب من المستشفي
احاول الاتصال بالسفارة دولة الامارات في البلد الى انوي السفر الها عشان يعطوني معلومات وافيه عن السكن والاماكن السياحيه احول تفادي كل المشاكل المتوقعه والحمدلله مافي مكان سفرت له لى وانا مرتاحه انا احجز التذاكر ديماً قبل بشهر من السفر والفندق قبل بشهر اوشهرين
لان بعض الفنادق يكون زحمه عندها وانا من ابتدات طيران الاتحاد وانا اتعمل معاهمهم في الاول كنت اتعامل مع طيران الامارات والحين انا مسافره تايلند 30\6 وبسكن في فندق
Bumrungrad Hospitality Suites
وهذي صور الفندق



واتمنى لكم التوفيق ورحله موفقه للجميع واي معلومه لاتتأخرون في السؤال عنها

رائـع جـدا

موضوع يستحـق

التثبيـت

غاليتـي [GLINT]أم عزوووزي[/GLINT] الحلو موضـوعك عسـل مثلك

يالله يا بنـات الهمه علشان الكل يستفيـد

ونفيـد بعض

:2_106:

وانا معاكـم متابعـه

:9_33:

السيـاحه والسـفر

:9_33:

في حفـظ الرحمـن

شكرا عزيزاتي ع الردود ومساعدتكم لبعض في المعلومات والخبرات عزيزتي أحب ريلي شكرا لمعلوماتج القيمة عن سوريا يبالي في يوم ألف عليها ...

أما بالنسبة لفرنسا هذي أول زيارة لكن زوجي عايش هناك .. وراح أقولكم عن مخطط الرحلة


تابعوني ولكم المزيد

مشكورة عزيزتي ضياء النور ع مرورج الحلو وانشالله ماراح انقصر في المعلومات المفيــــــــــــــــــــــــــــــــــــــــــدة

مرحبابج عزيزتي vipadع تواصلج معانا وع هالمعلومات الحلوة
بس
شورايج بالإتحاد هل هناك فرق بينها وبين الإمارات لأني سمعت إنها وايد أوكي وهذي أول مرة أجربها

أما بالنسبة لتايلاند فأنا أنصحج لا اضيعين أيام وااايدة في بانكوك لأنها مب شي خليها شوبينغ بس الجزر وااااااااااااااااااااااااااايد أحلى مثل شنغماي وبتايا والبوكيت صدقيني راح تستانسين وأحلاهم البوكيت

أما بالنسبة للشقة فهي حلوة وتتهنين فيها يارب
اتصدقين لما شفت صورة المطبخ ع بالي الغسالة امعلقة بالصقف ....

داخله اخفف على نفسي بقراءة ردودكم لاني هالصيف مابسافر لانه بيكون موعد ولادتي دعواتكم بس ماحبيت ادخل ومااقول كلمة شكر لصاحبة الموضوع فيعطيك ربي العافيه عالموضوع الحلو وتروحون وترجعون بالسلامه

دخلو منتدى العرب المسافرون فيه كل المعلومات الي تبونها وصور بعد روعه انا في كل سفره ادخله واخذ معلومات عن السياحه والسكن للبلد الي انا رايحه لها

تسلمين عزيزيتي موتي ولاحزن زوجي والله يقومج بالسلامة ياربي

عزيزتي لمى منتدى العرب المسافرون من أحسن المواقع اللي تفيد كل سائح

تحياتي لكم جميعا

مرحبااا بنات أخيييييييييييييييييييييييرا ترتبت رحلتي لفرنسا وإيطاليا ..وراح اتكون كالتالي

السفرة راح اتكون من مطار أبوظبي الدولي عن طريق طيران الإتحاد يوم الخميس 19\7 الساعة الثانية والربع بتوقيت أبوظبي طبعا أنا بروحي دااااااااايما وحيدة ...
الوصول راح ايكون الساعة 7 وربع بتوقيت باريس على مطار شارل ديغول المواصلات سيارة بي إم خاصة لزوجي الإقامة في باريس لمدة 3 أيام في فندق كونكورد لافييت في هالثلاث أيام زيارة ليورو ديزني والعودة لباريس في نفس اليوم بعد الثلاث أيام الإنتقال لمدينة تور وهي تبعد عن باريس 3 ساعات سيارة والإقامة في فندق 5 أيام وبعد الخمس أيام راح نروح باريس لمطار أورلي الداخلي ونطلع ع مدينة نيس عن طريق طيران الإير فرنس مدة الرحلة أعتقد ساعة وشوي الإقامة في نيس لمدة 3 أيام تشمل الرحلة نيس وموناكو وكان وبعدين نرجع ع باريس ونأخذ سيارة لمطار شارل ديغول ونطلع ع إيطاليا لمدينة فنيسيا الساحرة (البندقية) لمدة 3 أيام عن طريق طيران الإير فرنس والرجعه بعد 3 أيام والإنتظار في مطار شارل ديغول مدة 7 ساعات :sad:حتى وصول طيران الإتحاد والإقلاع ع طيران الإتحاد من مطار شارل ديغول في باريس يوم الخميس2\8 لأبوظبي الساعة 9 بتوقيت فرنسا ..والوصول الساعة 7 أعتقد بتوقيت أبوظبي


وطبعا امبين انه الرحلة متعبة بس انشالله راح اتكون ممتعة مع زوجي عشان جي ماراح آخذ عزوزي معاي

تحياتي لكم جميعا وخلونا انشارك بعض أعزائي مخطط رحلتكم :9_33:

هلا ام عزوزي بصراحة الموضوع وايد حلو
أحنا السنة ناوين نسافر صلالة للسنة الخامسة على التوالي(r) وان شاءالله ناوين نسافر طريق البر
.. بالنسبة لحجز الشقة اوالفندق نحن نتعامل مع عماني تعرفنا علية وهويحجز لنا
الاسعار رخيصة للشقق والبيوت (350-400ريال)
الاسواق طبعامافيهامجمعات يعني لازم لنا وقفة في دبي واحنا راجعين قطر
احلى شئ فيها الطبيعة وطبعااكيد ناسها الطيبين
اذاعندكم اي استفسارات اناحاضرة:B_wink:

وين بتسافرين؟
ان شالله المانيا وفيينا
وعلى أي خطوط وشورايج في الخطوط ؟؟؟
على الخطوط القطرية...
الصراحة الخطوط القطرية ماعليها أي كلام من ناحية الخدمة والوجبة اللي اتقدمها وكل شي...ههه

وكم يوم؟؟
من 31-7 الى30-8
وأي فندق ؟؟
في المانيا(ميونخ) ان شالله فندق الميريديان
(دوسلدورف)فندق انتركونتننتال لاني وانا أدور لقيته تقريبا انسب فندق لنا خصوصا ان مب مسموح لدخول الكلاب..
( زيلامسي) فندق جراند لان العام يوم رحنا صادنا موقف كنا حاجزين في السي هوتيل المبنى الجديد بس يوم رحنا اصدمونا قالو لنا لا الحجز للمبنى القديم لا وثاني يوم مشتكيين علينا عشان اليهال كانو يصيحون يعني شاسوي اسكر حلوجهم ....هههههههه تدرين لان اغلب اللي ساكنين في هالفندق كانو أجانب وبدون يهال..
وطبعا (فيينا) فندق الهيلتون
ثالثا : ما هي أهم الحاجات اللي ممكن تاخذونها معاكم ؟؟
سجاددة الصلاة - البوصلة لمعرفة جهة القبلة
عربانة الاطفال ..
الحليب
البامبرز
كريمات - بودرة - كولونيا..
سيريلاك
سير (اللي أحطه في يدي ويد بنتي الكبيرة) لان العام يوم رحنا المجمع وخلصنا منه نسيناها اهناك وتمينا اندورهاوالحمدلله شوي الا وحدة اجنبية جايبتها ويومها حرمت اني اسافر بدون ما اسوي كل احتياطاتي خصوصا ان معاي 3أطفال طبعا 2 في العربانة ووحدة معاي..
علب الأكل طبعا عشان أكون مجهزة أكل ولدي من الفندق
ترمس للماي الحار..طة لاكل البيبي
وشنطة للملابس حق الطلعات خصوصا ان الطلعة بتكون لفترة طويلة مب كل شوي الواحد بيرجع
وشن

رابعا : نصايحكم لكل العرايس ؟؟؟
انهم ماينسون أي شي من أغراض اليهال لانهم صج بيتبهدلون..

وجزاج الله الف خير على طرحج للموضوع..

انشالله السنه ناوين على النمسا واحتمال ايطاليا يعني انشالله بلتقي بجوهرة الدوحه

بس المشكله اللي الحين متوقفين عليها ان مالقينا شركة سياحية نشترك فيها ونريح عمرنا من بهدلة الحجوزات للفنادق و علشان كل شي يكون متوفر

وانشالله السفر بيكون اول يوم في شهر 7 جولاي الى 20 جولاي

بس فيه شي دايما السفرات بتكون من 12 يوم الى 16 يوم
بس احسها ماتكفي بصراحه حابين ناخذ راحتنا في التمشي خخخخخخخخخخخ


بنات اللي تعرف شركات سياحية اوكي في الدمام او الخبر تفيدني
ويفضل يكون الحجز للطيران على الطيران الاماراتي سمعت انه افضل شي


يالله بنات علشان بس ارجع انزل ليكم الصور وتقرير كامل D: <<<<<<<<<<<<<< متحمسة الاخت بزياده

أختي سويت غيرل انتي بتروحين اول 7 وبتردين 20-7 يعني قبل ما اروح بس لما ترجعين قولي لنا عن الجو اهناك اشلون ورحلة سعيدة ان شالله.


وبالنسبة لرحلتنا اتغيرت شوي أول شي بنروح ميونخ ومنها لباريس بالطيارة على الاير فرانس وبنتم خمس ايام وبنرجع ميونخ يومين ومنها لسالزبورغ ومن سالزبورغ لزيلامسي ومنها لفيينا وراح نرجع ان شالله في 30-8

صابني احباط اليوم قررو الاهل يأجلون الرحله شوي على مانلقى وكالة سفر اوكي

وعلى ماتجهز باقي الاغراض من تأشيرات وتجهيز

يعني يمكن تتاخر لنهاية الشهر الجاي اول اللي بعده
ادعو ليينا بنات نلقى وكالة اوكي

:(

سلام بنات
بالنسبهلي انشالله السنه بتكون السفره خفيفه
بنروح دبي سته ايام
على طيران الامارات
بنسكن كل يومين في فندق من باب التغير
اول يومين في كورال دبي
ثاني يومين في فندق القصر في مدينة جميرا
اليومين الاخيرين في دوست في شارع الشيخ زايد

بس بتكون معاي بنتي الله يعيني عليها مااقدر اخليها

وش رايكم في طيران الامارات بالنسبه للي جرب يفيدني

تحياتي...