جبتلكم كيكة جوز الهند بالصور وانا كنت مجربتها عند جارتي واخذت المقادير منها وسويتها صراحه لاتفوتكم مررررررررررة لذيذة عيالي وريلي حبوها وهذي الطريقة :::::--
المقادير
ثلاث بيضات مع شوي فانيليا
نخلطهم بخلاطة العصير الى مايصير الخليط ابيض ونضيف لهم بالتدريج
كاس سكر
كاس زيت
نص كاس حليب سائل ( انا حطيت ملعقتين كبار حليب نيدو في نص كاس ماء )
ملعقتين صغار مليانات بيكنك بودر
ملعقتين كبار جوز هند مبشور
ملاحظة :- انا استعملت كاس الجبن الكبير كمقدار
شلت المقدار وحطيته في وعاء عميق واضفت كاس ونص دقيق كويتي وخلطته بالمشبك
حطيت الخليط في صينية الفرن مفتوحه من الوسط في درجة الحرارة 175 لمدة نصف ساعة....... عاد انتي جربي افتحيه بعد نصف ساعة اذا محتاج شوي ولا خلاص انا زيدته 5 دقايق تقريبا
لما طلعتها من الفرن حطيت عليها صوس التوفي
فنجانين سكر على الفرن اللين مايتغير لونه ثم اضفت
3 ملاعق زبدة
3 ملاعق قشطة
وخلطتهم مع بعض وحطيته على الكيكه وهي ساخنه
ورشيت عليها شويت جوز الهند
وأكلناها بالعافية
جربوها ودعوا لأختى ان الله يشفيها و تقوم بالسلامه ........... آمين
