الكحة ذبحت بنتى ....

أختي العزيزة ..nodoo ..

الله يخليلك بنتك يا رب و يسعدها :1_3:

أنا ولدي الشهر الي راح كانت تصيده الكحة نفس الشي بالليل :sad:

بس ماما الله يخليها كانت تغلي كاسة موية مع ملعقة شمر و تحليه بسكر نبات و تعطيه هوا زي الشاي مرتين باليوم

و الحمد لله يا رب راحت الكحة .. حتى أنا الأن من تجيني كحة صرت أسويه و أشربه :B_wink:

و صحة و عافية يا رب :1_3:

اختي انا ولدي كان عمره شهر ونص وصدتة حكه قويه وماخليت شي ماسويته حليله رفضو يعطون دواء حق الكحه بس اخت ريلي قالت عطيه عسل وانا فضلت متردده وخايفه

بس هي قالت جربي وراح تدعيلي وبتشوفي خلال كم يوم بتروح الكحه وفعلا جربت ع الفير اشيل شويه عسل اصلي واحطه في طرف ملعقه صغيره مشاء الله تبارك الله كم يوم وراحت الحكه منه والحين مستمره عليه حتا اذا ماعنده كحه

والله يشفي بنتج ويخلها لج

أنا بعد والله نفسكم بنتي كل فتره اتجيلها كحه قويه و ماتروم اتنام و اول ما ارفعها اترجع و الله من خوفي عليها تميت ارقدها على يدي صوبي في السرير و ما حطها في سريرها ...

و انا جربت العسل هو صح نافع حق الكحه بس يوم كنت اعطي بنتي كانت ما تنام طول الليل بطنها كان يعورها ..و بعدين وااااايد ناس قالو لي انها بعدها صغيره عليه و الحين اخاف اعطيها ...

و في الفتره الاخيره صرت اسخن لها زيت زيتون و حط معاه شووووووووووووية فكس لان كثرته اتضر......(( ونفعني وبعدني مستمره عليه ))

بس عندي استفسار للاخت warm breezes
الشمر اللي قلتي عنه هل تقصدين شاي ملوبا او الطبيعي ...و اذا كان الطبيعي هل اقدر اسوي بداله ملوبا ....؟؟؟

و اعذروني عالاطاله .......................

والله نفس حالة ولدي فديته
وديته العيادة أول مرة والدكتور قال لي حطي له البخار وكتب له ادوية
ورجعت له مرة ثانية لان الكحة ماخفت فكتب له مضاد استخدمه لمدة اربع ايام
وماشالله وايد تحسن


فلو تودينها للدكتور وايد أحسن...
لان الياهل فديته مايستحمل

الله يخليها لج يارب ويبعد عنها اي مكروه

وصفه: علج البان ( يوضع في كميه من الماء لمدة يوم ) بعدها ممكن تعطينها تشرب منه يخفف الكحه بشكل كبير.. ما عليها شر

حليب دافي بالزنجبيل يهدأها وايد.. عليج به

والله انا عيالي ذبحتهم الكحه
وكل الادويه استعمل معاهم تخفف بس ماتزيل الكحه ..................طفشت والله
ماايحبوون العسل بالمرررررررررررررررررره
ماادري ايش اسووي معااهم

الله يشفيها ويعافيها

السلام عليكم
والله يأختي حاسة بمعاناتك الله يشفي لك بنتك

انتي تقولين استخدم لها بخار سؤالي لك هل هي ترتاح على البخار وهل لديها حساسية صدر اذا كان الجواب نعم فعليكي يا اخية عدم استخدام مضادات للكحة فالكحة تريحها وتجعلها تخرج فأذا فكيف يخرج البلغم المحتبس في الحويصلات الهوائية
عليك فقط بأستخدام دواء مزيل للبلغم وافضل الانواع بيسلفون
واستخدام البخار 3 جلسات في اليوم وان شاء الله انها بتتحسن

وطمنينا عليها

بس حبيت اسأل شنو الشمر من وين احصله هل المالوبا او اشتريه من وين العطار ...... اليوم بإذن الله راح اغلي لها الحليب مع الزنجبيل اذا شربته اذا لا راح اجرب لها كل خلطاتكم واعطيها......... نعم هى عندها حساسية بالصدر وهل ينفع معها البخار او البخار للزكام فقط............

اذا كانت الكحة معاها بلغم
جربي لبان الدكر
فصين على كاسة ماء حار بعد ان يبرد اعطيه طفلتك

ياليتني احفظ الاسماء علاج وحدة بوحدة


ومامنه ضرر لانه اصلاا من العسل


يسمونه ابو وردة صفراااء عرفتوة



والله مجربته كثييييييييييييييير مفيد



خلاص جبت اسمه



Bronchicum
علبته مرسوم عليها وردة

كل اللي قلتوه بشوف شنو بينفع معاها اختى شنو هذا الدواء من وين ....ينفع لعمر 4 سنين ..... شكراً

انا اولادي الاثنين نفس الشي الاول ابتدت معاه الكحه بشكل متواصل وقت النوم وكان عمره سنه ولما شافه الدكتور قالنا هذي حساسيه بالصدر يعني ربو خفيف تشتد مع ريح العطر والغبار ومواسم البرد الحين عمره سبع سنين ومن يومها وهو مستمر على بخاخ ventolinوقت الازمه واذا خفت لازم يستخدم البيكوتايد وهو بخاخ وقائي بخه قبل النوم والحمد لله هو كل مايكبر تخف عنده زي ماقالنا الدكتور وفي شراب رائع جدا ومهدئ للهانوع من الكحه واسمه سولان وعليه صورة بنت وولد صغار ولونه اصفر كل مابتدت معهم الكحه شريته من الصيدليه على طول والحمد لله يخفف الكحه ومفعوله سريع

nodoo

ايوة ينفع انا ولد اختي عمرة 7شهور والله جاتله كحة رهيييييييييبة والحمد الله هذا الدواء معروف ومشهور من زمااااااااااااااااااااااااان والله لو كان بيظر ولدك ماكان قلته لكي


اسالي عنه بالصيدلية وكرتونه ابيض وعلية وردة صفراء

ممتااااااااز



واذا معاة ربو يعني مايقدر يتنفس هذا وصفته والله لحريم لاني مجربته على كذا وحدة بيوتالين هذا يوسع الشعيبات الهوائية انتي اسالي عنه وقبل لاتعطينه عشان تطمنين اقري الروشته او الوصة


والله يشفية ويشفي مرضى المسلمين

حبيبتي اسمعي لاتكثرين لها حليب الحليب يزييييييييييييد الكحة

بالأمس عطيتها عسل وصارت احسن بس ردت الكحة عليها الصبح ..... اليوم انشالله راح اشترى لها دواء اللي الأخت وصفت لي اللي عليه الوردة الصفراء وراح اعمل لها بخار ... هي فيها حساسية هى واختها يعنى زيرتيك ما ينفع معاها دواء الحساسية او كلاريتين.........

ماعليها شر انشاءاللـــه

انا توني سمعت هالوصفة تخلطين شوية كركم مع عسل وانشاءالله الكحة بتخف عنها.