ماخــاب من أستشــار .. وأنا أبي مشورتكم.؟

بسم الله الرحمن الرحيم:9_33:

أسعد الله صباحكم خواتي بالخير والبركه
اليوم حابه استشيركم بموضووع يعني تقدروون تقولون مقلقني شووي وأنا حبيت اخذ مشورتكم من صفات شفتها ولمستها في أخواتي العضوات وفعلاً حبيت هالمنتدى كثير وحبيت العضوات اللي فيه وربي علشان ما اطيل عليكم موضوعي هو ياخواتي اني تقدم لي شاب مش من ديرتي وهذا الشاب صار له9 شهور تقريباً من تقدم لي وهو من طرف بنات خالتي بالسعودية يعني أخو صديقاتهم وهو على حسب اللي سمعناه عنه وعن هله واللي يعرفونه شاب محافظ مصلي عارف ربه ووظيفته حلوه ما يدخن ولا يشرب ولا راعي سهرات ولا خرابيط يعني بيت مسجد دوام ولله الحمد هو شافني مره يوم كنت بزيارة لبيتهم مع بنات خالتي وقال لخواته انه يبغا يتقدم لي وفعلاً خذت أخته رقم أختي وكلمتها أنه أخوها يبي يجي ويتقدم ان شاء الله..
اللي محيرني ياخواتي ان هذا الشخص سعودي وانا إماراتيه يعني اذا تزوجت بروح السعودية وبعيش عنده طبعاً مع أنه عيشتهم مره حلووه وانا ولله الحمد ماعندي اعتراض على البلد نفسها لاو الله لان اللي يهمني الرجال نفسه وطبعه وكيف بقدر أعيش معااه لو في اخر الدنيا.. بس هالشي مخوفني يعني اني ابتعد عن هلي وديرتي وثاني شي انا موظفه يعني زواجي منه امكن يخليني استغنى عن وظيفتي والله ياخواتي هذا الانساان رائع بكل ماتحمله الكلمة وخلوووق وقلبي مرتاح له كثير بس حيرتي في هالشيئيين هل أخلي ديرتي وأنتقل لديرة ثانية وثاني شي هل استغنا عن وظيفتي وأوكل أمري لله وللعلم هو كل شهر ينوي يجي مع أهله وأنا اتعذر لهم بأي شي وأخر شي قالوا لي طولتي واايد عليناا وأخونا مستعجل صراحه وأنا منحرجه شنو أرد عليه وشنو أقول لهم وبنات خالتي يقولوون لا ترفضيين والله راح تندمين أنتي شوفيه وملكي بالأول وأمكن لين صرتي قريبه منه وحبيتيه تنسين هالشي اللي محيرج فشنو رايكم ياخواتي اتمنى اشوف تفاعلكم معااي وردودكم اللي تريح القلب... مع العلم هو طلب من أخته أنه يكلمني علشاان يقنعني وأنه هو أستخار ربه كثير ومرتاح لي وشاريني وهالشي فعلا ريح قلبي أكثر بس للحين ما رديت عليها :2_106:شسوي دلووني .... والسموحة على الإطاله فديتكم