محتاجه لنصيحتكم .... لا تبخلون علي

الله يرزقك بالذريه الصالحه
أختي أنا بكل صراحه ماجربته ولكن للأمانه فيه عدة حالات في الصحف وفي التلفزيون ينتقدون الهاشمي وأنه تسبب في تدهور حالاتهم الصحيه
فأنا أنصحك بعدم الذهاب إليه وأتمنى من الأخوات الباقيات إعطائك معلومات أكثر

أنا رحت له..

التلفون وايد صعب انهم يردون عليج.. يعني انتي وحظج.. احنا قلنا نتوكل على الله ونروح المركز اللي في البريمي لأنه أقرب لبوظبي

المركز وايد زحمة.. عالم من كل مكان خاصة الخميس والسبت وايد صعب الإنتظار (انتي وحظج.. الأولوية للي يسجل اسمه قبل ويبتدون التسجيل من بعد صلاة الفجر خاصة الخميس والسبت) احنا بعد الإحتجاج والإعتصام دخلونا بعد 12 ساعة انتظار (اثنى عشر ساعة)

باقي الأيام تقدرين تجين من الساعة 8 الصبح تسجلين وتنتظرين شوي بس (مو أكثر من ساعتين) لكن لو تأخرتي وسجلتي الظهر يمكن تنتظرين أربع ساعات على حسب..

ماراح تشوفين الهاشمي ولا حد من اللي صادفناهم شافه..
بتحصلين بنات ياخذون اسمج ويسألون عن مشكلتج وبعدين تعطينهم المبلغ و تنزلين برع وتاخذين الأعشاب من شباك المركز

أول مرة ياخذون 500 درهم للي جايين من بوظبي، والعمانيات 400، وبعد شهر تراجعينهم وياخذون أقل بمائة، يعني تدفعين 400 أو 300

كل الناس ياخذون نفس الشي (ماء زعفران مقراي عليه+ زيت زيتون مقراي عليه+ شريط كاسيت الرقية الشرعية بصوت الهاشمي وسماعة الأذن بس بدون المشغل)

اللي يختلف( الأعشاب وخلطة العسل مع الأعشاب)

أنا عن نفسي ماتحملت ماء الزعفران لأنه طعمه غير عن اللي أنا متعودة عليه، كأنه حاط فيه عطر فوق الزعفران
العسل فيه حبة سوداء يمكن مريمية وطلح نخل وأشياء ثانية لكن كميته وايد بسيطة في العسل
والأعشاب تقريباً نفس اللي في العسل لكن بدون طلح

خذته كم يوم وتركته

الشهر اللي فات استخدمت اللي قريته في المنتدى هذا وارتحت له وطبقته مرة ثانية هذا الشهر

أول ثلاثة أيام من الدورة على الريق أشرب (القرفة مطحونة+حبة حمراء+شوية فلفل أسود+ ماء)
ومن خامس يوم للدورة لمدة عشرة أيام شرب كوب مغلي فيه شرائح زنجبيل طازج 3 مرات (كوب بعد كل وجبة)

أحس أنه نظم علي الدورة وما خلاها تجيني بسرعة (كانت تجيني كل اسبوعين أو ثلاث)
بس صراحة هذا الشهر رجعت آخذ الكلوميد أتمنى توائم

تقدرين تسوين خلطة العسل بروحج بتلاقين في المنتدى (خلطة العسل وغذاء الملكات وطلح النخل)
وإذا كان عندج هرمون الحليب مرتفع زيدي على هذا الشي شرب شاي المريمية كوبين في اليوم يومياً

والرقية تقدرين تحطين على محطة الحقيقة ويومياً يبثون الرقية وقعدي سمعيها
واقري المساء يومياً سورة البقرة (وحاولي تزيدين وتقرين سورة الأنبياء ويس)

كثري من الإستغفار خليه على لسانج على طول وتصدقي بنية صافية بدون ماحد يدري
وأهم شي الدعاء.. ادعي وخذي بالأسباب

((رب هب لي من لدنك ذرية طيبة إنك سميع الدعاء))
((رب لاتذرني فرداً وأنت خير الوارثين))

اهلين عزيزتي تبين الصراحه ماينصحون بالهاشمي اعرف وحده جاها فشل كلووووي

ياريت تشوفين موضوعي وتجربتي واتمنى انك تستفيدين وربي يرزقك ويرزق كل
محروووووم