@ تمنيت اكون مو طبيعيه ,,, عشان اريح قلبي @

السلام عليكم ورحمة الله وبركاته
ببساطه بقولكم القصه
كنت اتكلم مره مع صديقتي على المسن وكنت اقراء خبر عن تاثير اللاب توب على البنت الي تحطه على رجولها انه احتماليه والله اعلم يجيها عقم فقلت لصديقتي هالكلام قالت ييييوه يافيلسوفه انتم وهالزواج والاطفال الحمد لله الذي عافانا مماابتلاكم
بجد بنات وقفت دقيقه افكر فعلا صديقتي بجد محظوظه مريحه راسها لاهي راغبه بالزواج ولاشئ وانا الي حارقه نفسي باني اتمنى افتح بيت واجيب عيال
والي يصعب الموقف ان مابيدك حيله جالسه تنتظرين وماشاء الله الناس تتخطف من قدامك والحمد لله على كل حال
اعرف ان كل واحد ونصيبه
بس بجد اقولها ليتني مثل هالبنات الي ماافكر بالزواج عن قناعه
اااااخ يابنات بجد نفسي نفس كل البنات يكون لي بيت واطفال وحياة مستقله
حاولت الهي نفسي لكن لابد ترجعين ويسيطر عليك الحزن من المجتمع الي محسسك بالنقص حتى لو كنتي كامله دامك ماتزوجتي
الحمد لله عمر اهلي ماحسسوني اني لازم اتزوج لكن اقصد الناس الي تقابلينهم وكيف لو كنتي بوضع صحي معين والناس مضخمينه

مره كنت مع اهلي بالسياره وكانت جمبنا سياره وفيها بنوته ماشاء الله تجنن قال ابوي لامي مزحه جيبي لنا مثلها(للمعلوميه ابوي مو ذاك الزود على الاطفال بس قالها مزحه))
قالت امي ان شاء الله تجيبها فيلسوفه وقتها يابنات بكيت من كل قلبي وتمنيت افرح اهلي بحفيده ولاحفيد لهم تمنيت افرحهم بانهم يشوفون اول بناتهم ببيت زوجها
امس وانا بعزيمه كان ولد قريبتنا العبه واسولف معاه قلت له لاشعوريا بمزحه تصير ولدي وقتها تاملت بنفسي ورحمت روحي
صارت طاقاتي اكرسها لصديقاتي المتزوجات والي مو متزوجات في حل مشاكلهم ولاافكار تبسط ازواجهم
للاسف احس بوحده وفراغ كل وحده من قرايبي تزوجت ولهت بنفسها ولالسا تدرس وماهي بحالي
فيني عاطفه وحب ابغى الزوج الصالح ابي اهبه هالحب ولاابي الحرام وادور على من يبادلني المحبه بطريق يغضب ربي
بنات لو كتبت وكتبت ماراح انتهي
والله كنت ماافكر بالزواج يعني متى ماجايجي لكن بعد خطوبتي الي تفركشت واكيد خيره صرت ابغى اهرب عن هالموضوع بموضوع جديد ينسيني لان خلاص احس بجرح داخلي مع مرور الوقت على الموضوع ولحد الحين مسيطر علي بالرغم من اني انا الي انهيته
ولاني قلت هذا الي جاني وبيرضى بوضعي الصحي الي مو الكل يرغب فيه لكن جاء شئ اقوى من اني اخذه



يااااااارب اشكوا لك ضعفي وقلة حيلتي
سامحوني مجد فضفضه لعل وحده من قلبها تدعي لي بهالجمعه ومايهمني تكتب اوترد المهم تدعي لي بقلبها
لاني مو مثل كل البنات في فرص الزواج في مجتمعي الي مثل حالتي زواجها نادر
وسبحان ربي لايعجزه شئ
يار يارب بدل حالي الى ماهو افضل واسخر لي وبنات المسلمين اللهم امين
يارب اعلم ان ماكتبته لي خيره في كل حياتي ولكني امتك لاارى الا الظاهر