طلع فيني خمول في الغدة الدرقيه..اللي فيها مثلي تنصحني!!!

وينكم ؟؟
انتظر ردودكم!!!

السلام عليكم

هل تم اكتشاف المرض بعد الولاة اختي ؟
يعني اثناء الحمل لم تكوني تعاني من شىء؟

و من متى والده ؟
و في اليوم الكم من الدورة تم عمل الفحص؟

تحياتي ..

انا والده صارلي 10 شهور
ولحد الحين ارضع بنتي والدوره ماتجيني من ولدت
واكتشفت هالمرض من كم يوم بس
وبالصدفه
لما شفت شعري له شهرين يطيح بشكل فظيع فقلت خلي امر عالدكتوره اشوف شسالفة شعري ...يمكن من الرضاعه
لكن بعد التحليل طلع انه فيني قصور في وظيفة الغده الدرقيه ..وقالت انه هذا اللي مسبب لي سقوط شعري والخمول اللي فيني..
وقالت انه بعد استخدامي للثيروكسيد 100مايكروجرام عندي موعد ثاني بتحدد فيه اذا انا احتاج هالدوا مدى العمر ولا خلاص اتنشطت الغده عندي ومااحتاج شي..
وقالت انه بعد العلاج بلاحظ انه تساقط الشعر خف وايد +بينزل وزني مع استعمالي لهذا الدواء


باختصار الاسئلة اللي سألتكم عنها
جاوبت عليهم الدكتوره وماقصرت



بس يا دكتوره بنت النيل ليش سألتيني عن الولاده و الدوره واكتشافي لهالمرض في هالفتره!!
هل له علاقه بالدوره؟؟!!او بالولاده!!!
وهل برأيج الرضاعه لها علاقه بعد ؟؟؟ولا مالها شغل بالغده الدرقيه؟؟

يالغالية انا استخدمها ليه تقريبا سنتين متقطعه لاني اطفش وابطلها فترة بس فعلا اذا ما استخدمتها احس بخمول ويوم استخدمها ما احس بشي ومالها بأذن الله اي اعراض واتوكلي على الله وخذيها

عادي اختي لاتحاتين

خمول الغده اذا كنتي مستمره على علاجج ان شاءلله بتشوفين نفسج احسن ومع الايام تخفف لج الحبه من 100 الى 50 او اقل اذا تحسنت حالتج ان شاءلله

واتوقع انه تاخذين الحبه على طول

هاي حبيبتي
انا الغده الدرقيه انشالت بالغلط في عمليه المهم انا صارلي 19 سنه بتعالج وعلى فكره انا عندي 20 سنه بس اهم شي تعملي تنظيم للاكل لان الوزن الذائد خطير وله اعراض سيئة وانا الحمدلله متابعه نظلم غذائي بحاول
احافظ على وزني على قد مااقدر
ملاحظة : انتي هتستمري في اخد الدول عالطول بس الدول هيقل كل ما نحفتني وبقيتي في وزن صحي

هلا حبوبه ..


وان مثلك اكتشفت من شهر خمول بلغده الدرقيه ..

ونتايجها سرعه خفقان بلقلب .. ارق .. قلق .. تعب عااااااااااااااااااام


ب الجسم كله .. وعطاني دوا بس لمى استخدمت الوا اسبوع وقفته لانه سبب لي زياده وسرعه اكبر من قبل في ضربات القلب اسمه arcalion 200 وحبتين بعد الفطور وخايفه مدري وش اسوي ..

يا ريت احد يفيدنا ..لان فعلا مش قادره على التعب و الماي الي يطلع من الجسم ..وزني 65 على طولي ممتاز يعني ما ني سمينه .. بس تعب الله لا يوريك يا اختي الله يعينك ان شاء الله ويعيني ..

وانا معاك على الخط :) اي شي تبغينه لا تترددي :)


والهم اشفي كل سقيم يا رب

تمنياتي للكل بالشفاء العاجل

عااااااااااااااااااااادي الغدة ماتخوف..وهى اصلا السبب الرئيسى لها نقص اليوود وانا أكتشفتها عندي بصدفة وانا صغيرة عمرى كان تقريبا17 سنة وماكنت اهتم للادوية..كان على بالي ان مش مهم بس لاحظت ان شعري ووووايد خف وصار يطيح يعنى فرق 180 درجة وكسل ونسيان نسيان مش طبيعى..فانصيحة واظبي على العلاج ولاتنسينة.........<قولى ها الكلام لنفسج
هل في امكانيه اني اتشافى منه نهائيا ولا كل وحده يصيدها تتم طوووووول عمرها تاخذ الحبوب؟؟؟؟
الى اعرفة على طول...بس أكيد مافى شى بعيد العلم يتقدم
وشلون الوزن ؟؟هل بيزيد مع استعمالي لهالحبوب ؟؟ هالحبوب تفتح الشهيه؟؟ولا تحبس السوائل في الجسم؟؟؟
اذا نقص فى الثاريوكسين اي يزيد..بس اذا زيادة تضعفين وفى استثناءات يعنى حالات مايصديهم ها الشى ((اسئلى الطبيب احسن))..الحبوب ماتفتح الشهية عادي...لا طبعا ماتحبس السوائل
وتساقط الشعر بوقف بعد استعمال الدوا؟
اي يوقف..انشاالله
انشاالله اكون قدرت اجواب بطريقة صحيحة..

تسلمون والله على ردودكم
ماتقصـــــرون


انا اللي قالتلي اياه الدكتوره ان الثايروكسين اللي آخذه نسبه واااااايد قليله 100 مايكروجرام
وتذكرت شي توني
انا قبل لا اكتشف اللي فيني كانت تجيني خفقه فالقلب بشكل كنت احاتيه بس ماربطته بالغده
ومن خذت العلاج ماصارت تجيني هالخفقه
وغير النسيان اللي مب طبيعي...احس اني صايره غبااااااء
اما الوزن بدا ينزل تدريجيا مع الدوا الكل ملاحظ مع اني مااسوي اي نوع من الريجيم ..
.الدكتوره تقول لاني بديت اعالج الغده وصارت تشتغل مع العلاج صارت طبيعيه الحمدلله
بس اللي صاير هالايام انها لما اكشفت علي باللمس قالت انها وارمه واحتاج اسوي الترا ساوند فسويت فطلع عندي حجبها اكبر من الطبيعي وحولتني على اختصاصي غدد صماء ..
لأنها طبيب عام....مادري ليش وارمه مع انه تحليل الدم طبيعي صار من بعد شهرين علاج

على فكره انا منتظمه حرفيا بالحبوب كل يوم حبه ...

حبيبتى انا هقلك بس حاجه انا بقالى سنتين باخد الحبوب دى ومابتعملش اى حاجه و هى لا تزود الوزن بس بالاكل يزيد وعلى فكره انا اليوم اللى مابخدها فيه ببقى عصبيه جدا وتعبااانه ومابقدر اتحرك خاالص وساعات ضغطى بيوطى جامد لدرجه انه بيوصل 60 على 45

حبيبتى بصى هى وارمه لان فى شئ بالمخ بيفرز الهرمون المنشط للغده فا الغده مابتقدر تشغله وللأسف بيتراكم عليها وهو دا اللى يزود حجمها ولكن لا تقلقى الحجم ممكن يتباشر مع الطبيب ويقل تدريجيا لكن بالنسبه ازا كانت عنقوديه فيستحسن تجرى عمليه وتستأصليها وانا فعلا استأصلتها ومرتاحه اكتر بكتير مما كانت عندى والحمدلله على كل شئ لا تخافى حبيبتى الموضوع صغير جدا واى استفسار انا تحت امرك بس ابعتيلى على الخاص

ربنا يشفيكى و يخفف عنك

لا الموضوع مااحسه مستاهل استئصال
وانا ماكنت متأذيه من الغده لهذي الدرجه بس كسل وخمول وتساقط الشعر ومرات خفقان في القلب بس هالمشاكل انحلت كلها الحمد لله مع الادويه ..بس باقي الغده الوارمه ...والدكتوره قالت انها مش بشكل يقلق لا ...بس علشان اتطمن حولتني على اختصاصي

السلام عليكم ورحمة الله وبركاتة
انا عن نفسي فيني غدة درقية من زمان والدكتور قال اخذ الدواء على طول بس الفترة الاخيرة مليت من الدواء بس حسيت بتعب وشعري صار وايد يتساقط نسيت اقول فيه خمول واخذ الثيروكسين :sad:
اللهم اشفي مرضانا ومرضي المسلمين:1_3:

اختي كتكووته يعني جاتك هالغده بعد ولادة قبل ماافيج شي؟

لاني صرااحه وسوست بعد ماجبت بنتي صاادني تسااقط رهيب ونسياان موطبيعي غبيه غبيه وكله معصبه وتعباانه وارق موطبيعي

اشلون اعرف اسوي تحليل دم والا كيف؟؟؟؟

عروس الدوحه
سوي تحليل دم لأن نفس اعراضي قبل..انشالله مايكون فيج شي!!!
مرات يكون طبيعي تساقط الشعر بعد الولاده

GAZAL
تحملي توقفين الدوا ترا يقولون ان الغده تخمل زياده مع اهمال العلاج
اخذيها عاده انج كل يوم تاخذين حبه
انا اخذها مع فيتامينات والحمدلله كل شي اوكيه الحين
عندي علبة الايام كل اسبوع اعبيها ..واخلي العلبه جدام عيني عشان ماانسا اخذ علاجي

السلام عليكم
هلا اختي انا بعد فيني خمول في الغده الدرقيه من سبع سنوات اذا ماكان اكثر ولا تحاتين الغاليه طول ماانتي تاخذين الحبوب ماراح يزيد الوزن بالعكس ممكن تضعفين واذا انتظمت راح يوقف تساقط الشعر نهائيا وفيه احتمال انها تروح امي الله يجفظها كانت عندها الغدة بعد والحين الحمدلله تشافت وماتاخذ حتى الحبوب بس اهم شي الحين تواضبين على الحبوب وعلى موعد التحاليل واتمنى الشفاء لج ولي ولجميع المسلمين