بسم الله نبدا
هلا فيكم اخواتي اليوم رايحة اقدملكم طبخة طيبة وهيا الفول باللبن واللحم
المقادير يعني علي البركة ما بدها تعيين بس بنحتاج الي
فول اخضر مقمع ونطيف
لحمة خالية من العظم او حسب الرغبة
كشك او كما بتسمونه اعتقد جميد
راس بصل لازالة زفرة اللحمة بالاضافة الي حب هيل 4 او خمس حبات
مكعب ماجي
الطريقة اولا بنسلق اللحمة مع البصل والحب هيل حتي نري الزفرة بدات تطهر علي الوجه بنتركها
تقريبا ثلث ساعة تغلي بعدها بنشيل اللحمة وبنغسلها منيح من الزفرة وهذه افضل طريقة
للحصول علي لحمة نظيفة وخالية من الزفرة للطبيخ
بعدها نضع ملعقة زيت كبيرة في طنجرة علي الغاز وبنضيف الفول وبنقلبه دقيقتين تقريبا
وبنزيد اللحمة عليها وبنحركهم شوية مع بعضهم وبعدها بنزيد عليهم المية حتي تغطي الوجه فقط
وبنتركهم علي الغاز حتي يغلو علي شعلة حامية بعدها بنوطي الشعلة وبنغطي الطنجرة وبنتركهم
حتي يستوي الفول واللحم
وبنكون قبل ما نبدا باي شي مكسرين الكشك وناقعينه بالمية حتي يصير لين ومنيح للطبخ
وبنصربه علي الخلاط
بعدها بنشوف الفول واللحم اذا استو وبنضيف الهم الكشك مع التحريك علشان ما يفرط اللبن بعدين
بنستمر في التقليب حتي يغلي اللبن وبعدها بنوطي الشعلةوبنتركهم علي نار هادية مدة النص ساعة تقريبا[
طبعا ما بننسي نحط الملح والماجي وقبل ما تستوي بشوية بنقلي سنين ثومة ونحطهم علي الوجه
ان شاء الله الطبخة اعجبتكم وصحة والف عافية
هذه الصور التوضيحيةللخطوات بالترتيب
