ساعدوني الله يخليكم بنات

رمسي حد كبير عندكم وانت تثقين فيه وامج تحترم اراءه ==حلوة اراءه -خخخخخخخ


المهم مثلا خالتج اختج الكبيرة


او ممكن تجسين نبضها انه اذا تقدم لج واحد وانت في هاالسن هل بيقبلونه


او ترمسينها عن بنات عمتج وليش انهم ما عرسوا وهم تخطوا العشرين وان الدراسة مب سبب


وانهم ممكن يكملون بعد الزواج ويتوفقون



واذا هي تعرف ربيعتج رمسيها عنهم وشوفي شو رايها في البنت واخلاقها



او ممكن انج تقولين لها ان هذي سالفة تخص وحدة من ربياتج وانه بيتقدم لها واحد مب من مستواهم

لكنه انسان ما ينعاب وان اهل البنت يعرفون وحدة من اهل الولد وشوفي ردة فعلها


اما مسألة الاصل والفصل فهذي صعب الاهل يتنازلون عنها في الغالب


وانت صلي استخارة والله ييسر لج الخير

وعليكم السلام ورحمة الله وبركاته

انا اتفق مع كلام الاخت hamdooty

وصلي صلاة استخاره

وتوكلي على الله

الله يكون بعونج

بس في ملاحظه : بداية موضوعج ذكرت هذي العباره
بنات انا مالي في مشكلتي غير الله وانتوا

وهذا خطأ لازم تقولين مالي الا الله ثم انتم

فأرجوا الانتباه لهذا الخطأ

انا اتفق مع كلام الاخت hamdooty

وصلي صلاة استخاره

ما قصرو البنات حبيبتي انتي احجي مع اي وحدة خالاتج اي وحدة كبيرة وحتى يمكن تكدرين تتكلمين مع امك واحجي لها صراحتك حبيبتي وعلى فكرة انتي مو صغيرة يا عمري يعني بنت بسن الزواج وفي اصغر منج يتزوجون فهميهم هذا الشي
ويارب يقدم الي فية الخير يا وردة ربي يسعدك ان شاء الله

السلام عليكم بنات حبيت اقول لكم اني امس صليت استخارة وارتحت للموضوع بعدين بنات انا صار لي موقف يوم صغيرة الله لايعوده من موقف شي يكسر النفس واذا قلت لهم اياه ماادري هل امي راح ترضى بانه الزواج ستر للبنت او لا وابى رايكم فيه بعد
لما كنت صغيرة في مرحلة الاعدادية كان يدرسني مدرس خصوصي وحاول في مرة من المرات انه يعتدي عليه وانا صرخت وهو خاف بس بعد كان يتجرا عليه لدرجة انه الدناءة وصلت فيه لدرجة فظيععععة وخبرت امي بالموضوع لكني قلت لها انه يقول كلام بذي وماصارحتهم بموضوع انه حاول يعتدي عليه ودي والله يابنات افاتحها بها الموضوع هيه وابوي في نفس الوقت واغير وجهة نظرهم ويعرفون بالفعل انه زواج حق اللي في سني ستر بس

الله يكون بعونك
واشالله ربنا يسخرلك اللي في الخير00

وعليكم السلام

الله يوفقك ان شاء الله
البنات ماقصروا

لكن سالفتك مع المدرس لاتقوليها لأهلك
لأن الحمدلله ماصار فيك شي هو حاول لكن صراخك منعه

يمكن وقت الي تقولين لهم سالفة المدرس الان خصوصا مع سالفة خطوبتك وخوفك من رفضهم للخطيب
بيقولون هي ماقالت لنا ها الكلام الا حتى نوافق على طلبها " راح يعتبرونها سياسه"
لو كلامها صحيح المفروض من اول الشي قالت لنا

با النسبه لموضوع خطبتك
البنات ماقصروا في الرد و انتي سنك يسمح للزواج

اتمنى لك التوفيق

hamdooty;3766083:
رمسي حد كبير عندكم وانت تثقين فيه وامج تحترم اراءه ==حلوة اراءه -خخخخخخخ


المهم مثلا خالتج اختج الكبيرة


او ممكن تجسين نبضها انه اذا تقدم لج واحد وانت في هاالسن هل بيقبلونه


او ترمسينها عن بنات عمتج وليش انهم ما عرسوا وهم تخطوا العشرين وان الدراسة مب سبب


وانهم ممكن يكملون بعد الزواج ويتوفقون



واذا هي تعرف ربيعتج رمسيها عنهم وشوفي شو رايها في البنت واخلاقها



او ممكن انج تقولين لها ان هذي سالفة تخص وحدة من ربياتج وانه بيتقدم لها واحد مب من مستواهم

لكنه انسان ما ينعاب وان اهل البنت يعرفون وحدة من اهل الولد وشوفي ردة فعلها


اما مسألة الاصل والفصل فهذي صعب الاهل يتنازلون عنها في الغالب


وانت صلي استخارة والله ييسر لج الخير

مشكورين بنات على ردودكم بس بعدني خايفة لاني اهلي من النوع اللي يدخل يعني لو امي وافقت خالتي بتدخل وبتاثر فيها وعماتي بيدخلون يثرؤن فيها وامي من النوع اللي ماله شخصية ماادري والله اني خايفة بس افتح جدامهم سيرة الزواج من كثر ماعقدوا فيني والله انا شكلي بعنس والسبب هم "يلا الله يعين" واحب شغلة انه بنات عماتي من البنات freeوانتوا عارفين قصدي يعني عماتي بيدخلون بيقولون حق امي بنات درسوا وخلصوا جامعة وانتي بنت مامداها هالسنة بس اتخلص ثانوية وناويين اتزوجينها وهم يعرفون سبب انه بناتهم محد خطبهم بسبب سوالفهم فعماتي وخالتي بتدخل يبوني اكون نفسهم والله متحضرة على قولتهم وخالتي اعرف لو انفتحت هالسالفه بتقول لي انتي يعدج صغيرة واتفكرين بها السوالف بتقول لي فكري في دراستج ومستقبلج عقل فكري بالعرس وبتقول والله الريال في هالزمن يبى حرمة عندها شهادة والله اني خايفه وفي نفس الوقت قلبي متعلق بها الانسان والله لو رفضوها ماادري شو بيصير فيني وانا طالبه مساعدتكم الله يخليكم

ساعدوني خواتي الله يخليكم انا مالي خوات في الدنيا غيركم ولاانا وحيدة امي وابوي وكل اخواني اولاد انتوا خواتي وعايلتي الثانية الله يخليكم دوروا لي حل

ساعدوني خواتي الله يخليكم انا مالي خوات في الدنيا غيركم ولاانا وحيدة امي وابوي وكل اخواني اولاد انتوا خواتي وعايلتي الثانية الله يخليكم دوروا لي حل

هلا وغلا حياتي انتي اول شيء قبل لا تفكرين في الموضوع صلي صلات استخاره وهل هل والولد ينفع لج ولا لا وثانيا قولي لامج اذا فيه احد تقدم لج هل توافقين ولا انتي اول شيء جيسي نبض امج هل يوافقون ولا لا وان شاء الله ربي يوفقج وان شاء الله تنولين اللي في بالج وصدقيني اذا كان من نصيبج راح تأخذينه وربي يوفقج ان شاء الله ويوفق بنات المنتدي كلهم

حياتي والله ..

اول شي الله يعطيج طولة العمر .. وكل عام وانتي بخير مقدما ..

ثانيا .. اقولج ياخبــر اليوم بفلوس .. باجر ببلاش .. توكلوا على الله وخل يتقدم لج وشوفوا شنو يصير ..

يمكن يكون الولد من نصيبج ..

حبيبتي ولا تحاتين فديتج :):)

والله يوفقج ويرزقج ان شاء الله ..

قولي حق صديقتج تخلي مرت عمهه الا هي امه تكلم امج وريحي نفسج من لمحاتاه

اذا لج نصيب فيه بتاخذينه حبيبتي

بس ادعي ربج انه يوفقج

الله يجمعكم مع بعض انشالله

السلام عليكي ورحمة الله وبركاته :9_33:
اختي صغيرونة صلي وادعي واستخيري الله دائما في امرك ولا تحيري نفسك كثيرا فكل شيء قسمه الله لكي في هذه الدنيا سوف يكون لكي ومن نصيبك ان شاء الله سواء كان هذا الشاب او غيره واتمني لكي من كل قلبي ان يكون هذا الشاب من قسمتك ونصيبك ان شاء الله
نصيحة مني ركزي وفكري في دراستك اولا وبعدها فكري في زوج المستقبل واذا كان هذا الشاب يحبك بالفعل وانت متأكدة من ذلك فبالتأكيد لن يمانع في اكمالك لدراستك حتي تنهيها وبهذا تكوني قد تخلصتي من سبب من جملة الاسباب التي ربما يرفضون اهلك الزواج بسببها
كما ان حديثك عن رفض اهلك لهذا الشاب شيء في علم الله لا انت ولا اي احد يقدر علي معرفته الان دعيه يتقدم بكل ثقة لخطبتك من اهلك مؤقتا واذا رفضوا لا قدر الله دعيه يكرر المحاولة مرة اخري واذا تكرر الموضوع دعيه يتقدم ثالث ورابع و...........
حتي يعلموا ان هذا الشاب يحبك ويريدك رغم رفضهم المتكرر له
اما اذا قبلوه اهلك ان شاء الله هكذا تكوني قطعتي الشك باليقين واصبحتي انت وهو علي ارض ثابتة بموافقة ومباركة الاهل لهذا الزواج المبارك ان شاء الله
كل اب وام يحبون الخير لأبنائهم وهم اصلح الناس للخبرة بالحياة والمشورة بالرأي فلا تحزني او تنزعجي مما قد يقرروه لكي رغما عنكي وحتي اذا حدث واخذوا بمشورة عماتك او خالاتك ففي النهاية والدك ووالدتك هم من سيقرروا ما هو الاصلح والانفع لكي وتذكري دائما ان رضا الله سبحانه وتعالي هو من رضا الوالدين
وتذكري دائما يا اختي الحبيبة ان الحياة لا تمشي علي وتيرة واحدة فربما يكون اليوم سيء لكن
غدا يكون مشرق بأذن الله تعالي
وفي الختام ادعوا من الله ان يكلل هذا الزواج بموافقة والدك وامك بارك الله فيهم لكي ان شاء الله
واتمني منكي عندما تنولي الموافقة ان شاء الله ان تكتبي لنا وتفرحينا معكي ان شاء الله
والسلام عليكي ورحمة الله وبركاته :9_33:

صلي صلاة الاستخاره يا عمري وان شاء الله ربي راح يسهلك اموره و يعطيكي اللي فيه الخير