قصة حملي الثاني بعد سنتين من الإنتظار

بسم الله ارحمن اللرحيم

بدايتا حملت بعد زواجي بشهرين وانجبت ابعمليه قيصريه ..عشان جذيه قررت أأخر حملي الثاني الى بعد سنتين او هذي نصيحه من الدكتوره .. بعد السنتن قررت أروح الحج قلت خلني بعد أأخر خمسة شهور لأنه موسم الحج قرب جه شهر الحج والله ما كتب لي اني اروح بعدهه توكلت على الله وانتظرت شهر .. شهرين .. ثلاثه .... أربعه أو كله ما في شي قلت يمكن هذا الشي طبيعي لين يمكن ما وصلت الى ثمان شهور قلت بتوكل على الله او بروح اسوي فحص الى الهرمونات ... نتيجة الهرمونات طلعت انه التبويض عندي ضعيف علشان جذيه راح ايسون لي فحص على الرحم وايعرفون السبب ..سويت فحصين للرحم والإثنين طلعو الحمد لله مافي اي شي .. رحت اتعالج في مستشفى خاص علاجي كان بالكلوميد أخذته أول شهر حبه وحده أو مانفع الشهر الثاني حبتين أو بعد ما نفع الشهر الثالث ثلاث حبات باليوم والحمد لله نفع معاي والبويضه حجمهه صار كبير وأخذت إبرة تفجير او قالت لي الدكتوره ان هالشهر انشاء الله راح تحملين فرحت وايد لكن بعد ما صار حمل رديت أخذت ثلاث حبات كلوميد او بعد حجم البويضه صار كبير او فرصة الحمل كلش ممتازه او بعد الله ما كتب او ما صار حمل في داك الشهر قلت خلني ارتاح من الكلوميد لأنه ابجد تعبني ...او قلت يمكن احمل ادا وقفت علاج ..الدكاتره شكو اني أعاني من التصاقات في الأنابيب ابسبب العمليه او هذا ما ايسبب عدم حمل ردو سوو لي تحليل دم او طلعت نتيجته كلهه زينه ..آخر مره زرت الدكتوره قبل سنه نصحتني اني اسوي تحليل الصبغه او عطتني أوراق للتحليل علشان اتحولني الى دكتورة علاج عقم او كانت اتقولي انه احتمال كبير اني اعاني من إلتصاقات او ما راح أحمل إلا بالأنابيب ... طلعت من عند الدكتوره الدنيا مسوده في وجهي قعدت أصيح طول ما آنا كنت في السياره أو كان بالتحديد 28 شهر أربعه السنه الي طافت او ما تدرون اشكنت أعاني فقلت الى زوجي ايوديني عمره أزور بيت الله عشان يمسح على خاطري او بالفعل رحت وارتحت رجعت متكله على الله ..ان الله ما راح ايخيبني .. أو قلت ما راح اسوي فحص الأنابيب لأني كنت خايفه من النتيجه لين ما مرت الشهور وآنه دايما ادعي ربي ان الله يزقني او يرزق الي ما عندهم أو حامده ربي على النعمه الي رزقني اياهه ولدي علي وفي نفس الوقت كان عني أمل ان الله في يوم من الأيام راح يرزقني .. سافرت أقدم امتحانت لأني ادرس عن طريق الإنتساب والبنات الي معاي نصحوني أروح الى مراخه عند ما ارجع من السفر ... بعد ما رجعت مباشره او كان بعد ايام الدوره رحت الى المراخه وانتظرت بعد شهر شهرين ثلاثه او ما في فايده لين ما جه موسم الحج والله كتب لي او رحت او دعيت ربي ان الله يرزقني او يرزق الي ما عندهم إعيال في ليلة اي رديت فيهه من الحج بنت خالتي كانت زايرتني او هي بعد نفس حالتي تأخرت بالحمل الثاني وآنه سمعت انهه راحت الى مراخه غي الي مرختني او نفعتهه سألتهه عن المراخه او قلت خلني اروح مو خسرانه شي رحت بعد ما رديت من الحج بشهرين تقريبا قالت لي المراخه ان الرحم عندي كلش نازل وأحتاج الى ثلاث مرخات او تدرون قالت لي سبب نزوله بعد بدون ما آنه أقول لهه قالت اني ما راح أحمل من أول شهر راح أحمل من ثالث شهر بعد المراخ .. أو كنت أسألهه ليش مو من الشهر الثاني .. قالت يمكن أيصير أو كل هذا رزق من عند الله والحمد لله والحمد لله ... حملت من ثاني شهر ابأذن الله ..
دعواتكم خواتي ان الله ايثبت حملي او يرزقني الدرية الطيبه ..
ملاحظه : بنت خالتي الثانيه راحت امترخت معاي ليوم واحد بس او من أول شهر حملت والحمد لله
أي استفسار منكم آنه حاظره والله يرزق كا محرومه يا رب