انا هنتقب قريبا ومحتاجة مساعدة اخواتى فى منتدى عروس .... ارجوكم

انا رايي النقاب لازم يكون شرعي يعني التونيكات بشكل عام بتكون ضيقه شويه مش هكدب واقول مش شيك لا بالعكس شيك لكن انتي مفروض تلبسي الزي الشرعي للنقاب ..

الف مبروك عالنقاب وان شاء الله نشوف الذريه الصالحة اميييين:shy:

الف الف مبروك على النقاب عقبال كل البنات

شوفى ياقمر على حسب ألى بشوفه عندى فى الجامعه البنات بتلبس عبايات زى بتوع السعوديه ودول الخليج بس بناتى فى اشكال كده تليق بالشابات وبيلبسو النقاب عليها وبيحطو شال ثانى فوق الخمار زى السعودين بتبقى توحفه ومحترم اوى وده بصراحه الاستايل ألى شدنى اوى فى المنقبات

اسفة انى اتاخرت فى الرد بس عشان كنت مشغولة جدا فى التحضير لملابس النقاب وبصراحة محتارة جدا جدا لان للاسف اللبس الواسع واللى يكون مناسب للنقاب مش كتير ومش استايلات متنوعة وجزاكم الله كل خير على ردودكم وياريت لو اى حد عنده افكار تانية يفيدنى بيها ضرورى جدا:9_33:

اختي العزيزة هانيا الف مبروك للنقاب وعقبالي يارب لان انا كمان نفسي اوي اني اتنقب

بصي هقولك حاجه الواحد اهم حاجه يرضي ربنا بس برضه لازم يحافظ على شياكته لان النقاب ميمنعش الشياكه وانك تبقى استايل

الاستايل الخليجي بصراحه بشوفه توب احلى من التونكات يعني العبايه تكون مطرزة وشيك داخل فيها الوان متناسقة هتكون شيك اوي وكمان محترمة جدا تليق بنقابك

متلبسيش الطرح الواسعه والطويله قوي البسي الطرحه الي بتبقى طبقتين طبقه تلفي بيها الراس كويس وطبقة تانيه تبقى فوقها منظر بس وممكن تكون لونين مع بعض

ومش لازم تلبسي حاجه واسعه قوي صحيح انك متلبسيش حاجه مخصرة بس الاعتدال حلو

وصدقيني اي حاجه هتلبسيها هتكون حلوة وجميله لانك هترضي ربنا بيها وهتكون منورة في كل حاجه

ربنا يرزقنا جميعا نعمة النقاب ويمن علينا بيها

تحياتي للجميع

شكرا جدا جدا على ردودكم وبجد انا مبسوطة بيكم مووووووووت وفعلا حاسة ان بقى ليه اخوات تانين .......... ومستنية منكم اى افكار تانية ... وايه هيه الطرحة اللى بطبقتين؟ يعنى لو ممكن تصورهالى وتوريهالى ابقى شاكرة ليكى جدا جدا
انا عندى اقتراح ممكن يفيد ناس كتير اوى بنادى بيه القائمين على المنتدى انهم يخصصو قسم للمنقبات وده عشان فعلا المنتقبات بقو فئة كبيرة جدا بسم الله ما شاء الله وكثرة عددهم تخلينا نطالب بكده وعشان كمان عايزين نخلى المنتقبات دايما ناس استايل وشيك عشان نغير اى فكرة وحشة ممكن يكونو الناس اخدوها عن المنتقبات انهم بيكونو مبهدلين فى نفسهم او مش شيك فانا بطلب من ادارة المنتدى الاهتمام بالموضوع ده جدا

مبارك اختي الحبيبة

الله يباركلك يارب ويارب يثبتك ويفرح قلبك

ما شاء الله تبارك الله

أحسنت ياغالية بارتدائك للزي الشرعي الكامل

انتي تسألي عن موديلات واشكال للنقاب

حبيبتي الحمد لله شكل الزي الشرعي محدود جدا

شوفي ياسكر

هاقولك على حاجه حلوه

انتى هاتلبسي نقاب ليييييه؟؟

علشان تطبقي أمر الله صح؟؟

وتعملي اعلى درجة بالزي الشرعي سواء فرض او فضل او او او عايزه تعملي احسن حاجه وتنولي اعلى الدرجات صح ياحبيبتي

انا بقولك كدا ليه فى الاول

علشان لما تيجي تلبسي حاجه وتنقي لبسك تفكري كدا هابقا رضيت الله بالظبط ولا لااااء فيه حاجه ناقصه لسه

على اكمل وجه يعني مش نص نص او ناقص حاجه صغيره كدا ولا كدا

لان انتي الان في أعلى درجات الحجاب ما شاء الله تبارك الله

شوفي الرابط دا ان شاء الله يفيدك

http://www.3roos.com/forums/showthread.php?t=207030

فالزي الشرعي محدود

لو طبقتي كل الشروط الىل فيه بالظبط هاتلاقي أشكاله محدوده ياحبيبتي

عايزه موديل للنقاب

الاسدال او عباءة الرأس او بيسموها بمصر الملحفة

دي اكتر زي متوفر فيه جميع الشروط للزي الشرعي ياحبيبتي

ساتره ومسدله من الرأس وفضفااافه ولا زينه ولا زخرفه ولا نقوشات ولا ضيق

فيها كل الشروط ان شاء الله

وسبحان الله اختلفت المسميات لكن النتيجه واحده ان شاء الله مادام متوفر فيه كل الشروط اللى بالرابط الىل انا اديتهولك ياغالية

وانتى شوفي كدا اقري الشروط وصفات الزي الشرعي كويس وشوفى اى زي قدامك هاتعرفى تحددي دا شرعي او لا

مبارك ياحبيبتي الله يتقبل منا ومنكم صالح الأعمال

وفرحينا ياغالية لما تلبسيه طيب

شكرا على مشاركاتكم وانتظر المزيد

مبرررررررررررروك عليكى يا قمر