مشكلة ربيعتي

هلا خواتي

كتبت مرة قبل عن مشكلة ربيعتي

http://www.3roos.com/forums/showthread.php?t=242280

والحين هي طفشانة مرة
بدت تهدى وتقولي صدج ما ابي ايلس في البيت بس باتحمل عسب يرد لي خطيبي

الحين قالتلي سالفة ما كنت اعرفها وهي انها طلعت ويا الريال كم من مرة بعلم امها واخوانها عسب يتمسك فيها ويتحمل ابوها
وتقول لي انه كان اخلاق وايد ويتضايق لا طلع وياها لانه ما يبى ياذي سمعتها وابدا ما تمادى في اي شي، بس يتغدون ويردون وكل واحد في سيارته

المهم، قالت لي انها زارت بيتهم مع امها وهو كان دوم يبيها تتقرب لاهله ودوم يقولها تعالي عندنا والبنت تخاف انه اهله يتكلمون عليها ويقولون قاطة عمرها فكانت ذائما تتهرب

اهله وايد زينين معاها بس تقول احس ما حد منهم يبادر ويتصل، يعني امه وخواته ما يتصلون عليها وكل ما تقوله اهلك ليش ما يهتمون فيني يقول انا مانعهم يتدخلون في الموضوع لين ابوج يرد لي خبر

هي مرة اتصلت على وحدة من خواته وقالت لها ابى اطلع وياج، وسارت بيت اهله وعقب طلعت ويا اخته كوفي شوب وطبعا من غير امها ويوم سالوها وين امج قالت امي شوي تعبانة (امها صدج كانت تعبانة بس هي كانت تبى تعطيهم سبب يتصلون عليها)

المهم عقب ما ردت البيت اتصلت على الريال وقالت له وايد استانست ويا اختك ومن هالكلام، هو قالها حلو ما اتفقتوا متى بتعيدونها؟ جان تقوله لا بس انا سمعتهم ان امي تعبانة عسب يتصلون علي

ومر اسبوع ما حد كلمها، فهي قالت له ليش ماحد معبرني يعني انا عروس وانا اللي اتصل وبعد ما حد يتصل علي، هو وايد عصب وقالها انا ما احب سوالف الحريم وبعدين صار يهديها ويقول لها ما حد انتبه على كلامج اصلا والا اكيد كلهم يحبونج، وثاني يوم الصبح امه كلمتها وكلمت امها واعتذرت منهم. شوي والا هو يتصل عليها ويقول لها حبيت اكلمج واحنا هاديين انا ما احب سوالف الحريم وما ابيج بيوم تقولين امك او اختك. قالت له ابدا ومشكورة وايد على تلفون الوالدة جان يسوي نفسه ما يعرف انها اتصلت عليها وانها اكيد متصلة من نفسها

ومر الصبح، العصر اتصل عليها وقال لها انا الحين في البيت مع اهلي وليش ما تمرين عندنا، حاولت تتهرب كالعادة بس ما قدرت وقالتله انزين بايي، يوم امها درت ما خلتها تسير وقالت بيقولون قاطة عمرج عليهم واحنا اصلا مب عاداتنا البنت تسير وهالاكلام (طبعا الام ما تعرف سالفة الخلاف اللي صار بينهم)

البنت اتصلت اعتذرت له وقالت الحين الشارع ازمة وما بايي وهو ما علق. الليل تكلموا جان تقول له انا تاخرت في اللبس وايد علشان جي تاخرت وما قدرت ايي، قال الحين فهمت لان انا استغربت وايد وقلت منو غير راييج وعدت السالفة

ثاني يوم الصبح اتصل عليها وقالها ليش ما تسيرين حق امي هي لحين بروحها في البيت وبتستانس لا شافتج، تهربت وقالت لو حصلت وقت بسير وهو يعرف ان ما عندها شي بس ما تبى تسير

عقبها يومين ما كلمها، جان تتصل هي عليه كان وايد مشتاق وولهان عليها، واتفقوا يطلعون ثاني يوم
ثاني يوم تتصل عليه ما يرد لين اخر اليوم هي طرشت له مسج انا صدج خايفة عليك ، رد بمسج انا بخير وابى اكلمج بعدين

مر ثلاث ايام والبنت على اعصابها، اليوم الرابع كلمته وقالت ابى اشوفك، ولما طلعوا قال لها انا بدات اعيد النظر في الوضوع، انا احبج واذا عرست ما باخذ غيرج بس الحين انا غيرت رايي وما ابى اعرس

هي الحين تقول لي في وقتها ظنت المشكلة ابوها بس الحين يوم بدات تتذكر كل التفاصيل تقول يمكن تصرفها يوم ما سارت بيت اهله هو السبب


انا اشوف اللي تصرفته صح لان هي بعدها مب مالجة عليه وما يصير تسير بيتهم، بس ارد واقول بعد اهلها وايد زودوها والريال ما قصر وياها بشي وبالعكس يوم شكتله سوالها اللي تباه فممكن تتنازل له شوي

انتوا شرايكم؟ والاهم هي تبى تحاول ترد له الحين وتقول لي هو بعده مب مرتبط بحد بس ما تعرف كيف وشو الاسلوب اللي تكلمه فيه