smilly;3753381:
(f) السلام عليكم ورحمة الله وبركاته
اولا اود ان اشكر حبيبة قلوبنا كلنا بنت عذاري
والله ماادري شلون اشكرها
ادعي لها من كل قلبي الله يوفقها ويعطيها العافية وجازيها على هالمعلومات والوصفات القيمة
اللي ماتبخل علينا فيها
مشرفتنا وخبيرتنا وطبيبتنا الله يخليكي لاحبابك وخليكي لنا
منورة المنتدى بوجودك شقول عنك ذهب وله الماس وله لولو
ماتعرف الانسان اله بابداعه وارآيه وبصماته الطيبة
تشكرين يالطيبة
بصراحة اكثر ركن ادش عليه في منتدى عروس اهو ركن بنت عذاري وركن العناية بالجسم
لان عندنا اهمال كبير لانفسنا وجسمنا وفي اشياء ماكنا نعرفها وطبعا كل شي يختلف من بشرة لي بشره
لكن بنت عذاري ماقصرت في شي كفت ووفت
ويارب نفرح فيها وانشوفها عروس :clap: كلوووووووووش
بس تعبت وانا ادور على ايفا بس صج صج صار هجوم وخلصوه في كل روامز البحرين ...<<< متاثرة,
فما كان لي خيار اله دوف
واليكم التقرير :shy:
هذي الأدوات
صورة ثانية للأدوات
صورة الصبار
صورة الصبار بعد انتزاعه من أوراقه <<< ليش هالعنف
تعبني يتمزلق من يدي هههههه
بعد ضربه في الخلاط
ضرب الخليط ضرب مبرح
صورة الكريم بعد ماانتهيت من ضربه
ماعرفت اصغر الصور (:
الصبار لوع جبدي لانه الظاهر كان شايب ولونه اصفر بس لما بنت عذاري قالت انه مفيد توكلت على الله وسويته لانه كنت ناوية اشتري غيره
وكنت خايفة تظهر ريحت الصبار في الكريم ومااشتهي استخدمه بس الحمد لله الريحة اوكي
وصج الكريم يخلي البشرة ناعمة زي الأطفال<<< اتسوي دعاية
عزيزتي بنت عذاري عندي كم سؤال لك سمحي لي ادري دوخناج بكثر الاسئلة لكن ماعندنا خبيرة غيرك (f) (f)
اول شي ابي خلطة او كريم يوحد لو الويه لان بشرة ويهي مسكينة ملونه من الشمس ومن كثر ماتقشر ويهي وبشرة ويهي حساسة
وحاليا استخدم qv بس نفس الشي اللون الابيض ماراح ماادري شسوي
ونفس الشي اهالات اسفل العين كنت باخذ لها الكريم من نفس الماركة بس الخاص بالهالات بس ماادري اذا له تاثيرات او اوكي
وسؤال مهم بين فترة والثانية يظهر لي حبوب بعد الحلاوة خاصة في منطقة الابط شو الحل ماادري استخدم الالة ؟؟؟
كان عندي اسالة وايد بس من حسن حظك نسيتها :gum:
اذا تذكرت برجع مرة ثانية
كل الود وكل التحايا لك عزيزتي
ودمت في حفظ الكريم ورعايته(f)
هلا حبيبتي
انا شفت تطبيقك الرائع ونقلته لموضوع تطبيقات كريم اللؤلؤ
وشكرت فيه لان ماشاء الله الطريقه روعه بالشرح والصور:clap::D_smil1:
وبخصوص استفساراتك انا ضد الكريمات المبيضه لبشرة الوجه
وانصحك بالوصفات الطبيعيه والعنايه اليوميه والاسبوعيه والشهريه بها
سويلك مثل الجدول تتبعينه لبشرة وجهك
على ثلاث فترات يوميه وبرنامج خاص كل ثلاث ايام من تقشير وماسك طبيعي مناسب لنوع بشرتك
والواقي طبعا مهم لحماية بشرتك وانصك بواقي ايجو او روك او استي لودر
ومافهمت البياض من شنو؟
واي كريم خذتي لهالات؟
جربي سيروم العين idealist من استي لودر روعه او العلاج من استي لودر ..ادفانس نايت ريبير
بيحل مشكلتك
وبالنسبة للحبوب بعد ازالة الشعر جربي الطرق المنزليه من مخفف خل التفاح
او مخفف البيكنج صودا ..وغسل المنطقه بغسول سيتيل المطهر
او خذي مجروش ثلج وعليه قطرات خل تفاح وجليسرين سائل وادهني به المنطقه
واذا ماتحسن الوضع تحتاجين كريم مضاد موضعي لمنع التهيجات بعد الازاله
وجربي الماكينه وشوفي ردة فعل بشرتك معاها اذا احسن اتركي الحلاوه اصلا لانها ترهل
وربي يحفظك من كل شر:9_33:
