شلونكم يا أحلى بنات في أحلى منتدى =)
أخباركم ؟؟ عساها بخير ؟؟
عندي لكم طريقه للكيرلي
انا من زمان اعرفها لكن من الاستفسارات اللي عن الكيرلي
قررت اني انزل لكم الطريقه عشان افيدكم و حتى اللي شعرها صعب يضبط و يصير كيرلي
راح تضبط معاها هالطريقه =)
و الحلو فيها ان تقدرين تسوينها بروحج بالبيت و تطلع روعه ..
و تقدرين تتحكمين بشكل الكيرلي .. صغار او كبار =)
اول شي راح نحتاج هالأشياء =)
1
كاب حراري من براون Braun
و ترى حده حده زيييين و يهبل و رووووعه
و مايخترب يظل معاج مده طويييييييييييله ..
انا اللي عندي كان مال عمتي و عندها اياه من اكثر من 10 سنين تخيلوا ؟؟
(( قولو مشالله لووول ))
2
هذه اللفافات للشعر تتحكمون بطيها و فردها ..
تلقونها بمحلات الشعر .. (( بنات الكويت تلقونه بالأذينه ))
بنات الخليج و العرب تلقون منهم في Boots
3
فوم + جل خفيف جدا + رشاش لحماية الشعر من الحراره
4
سيبراي ..
عذروني ماصورته لان خذته مني بنت خالتي
الطريقه شلووووووووون ؟؟
1 لازم الشعر يكون نظيف و حطون عليه بلسم =)
و خلوه مبلل بنسبة 75% ..
يعني نشفو اغلبه و خلو فيه بلل شوي لكن حرصوا على ان الفروه تكون ناشفه مو مبلله
2 نحط الجل
(( انا حطيت اللي لونه وردي من CLAIROL مجموعة herbal essences
ريحته حلوه خفيف حيل و مو مثل الجل العادي اللي يمسك الشعر حيييل ))
نوزعه على الشعر لكن مو وايد منه .. شوي بس =)
3 ناخذ الفوم ( الموس ) انا استخدم اللي من كادوس ..
و انا هم حاطه من ويلا اللي ياختي تستخدمه ..
انتو اخذو الفوم اللي يناسبكم و شرط انه يكون ULTRA strong ..
اخذو منه بحجمم كف اليد و حطوه على الشعر و لا يلامس الفروه
4 الحين شنو نسوي ؟؟
نبدي نلف الشعر ..
مثل الخطوات اللي مبينه بالصوره ..
A
ناخذ خصله و نمشطها بمشط..
(( اذا تبون الكيرلي يكون كبار اخذو خصل كبيره ..
و اذا تبونه صغار اخذو خصل صغيره .. و تحكمو انتو بحجم الخصله ..))
B
C
الحين تاخذون الأطراف و تلفونها على بعض نفس الصوره
و تتبعون الطريقه على الشعر كله
مع مراعاة ان الخصل كلها تكون بنفس اتجاه اللف
( هذه خطوه مهمه جدا لكي يضبط الشكل الصح )
5 الحين ناخذ السيبراي من بوتس من ماركة botanics
و نرش على الشعر الملفوف الي راح يكون مرفوع كله لي فوق
عشان يحمي من الحراره =)
6 ناخذ الكاب الحراري و نحطه على حراره متوسطه
و قعدو لين تنشف الخصل تماااااااااااما !! =)
7 نشيل الكاب و نقعد بالخصل لمدة ساعه كحد أدنى
و ممكن تطولون أكثر =)
8 الحين نرد نحط الكاب لمدة ربع ساعه بس
9 نبدي نفل الخصل مثل الصوره ..
نفتح أطرافها و نفرها لين تنفتح الخصله
و نكرر الخطوه على كاااامل الشعر
وبتستانسوووووون من الشكل اللي مبين
10 نرش السيبراي على الشعر لكن مو بكثره =)
و نعيماااااااااااااااااااااا و شكلكم بيكون غجري و حلو
ملاحظه : اللي شعرها بسرعه يضبط بالكيرلي تحط بس خطوة الفوم
و خطوة الرشاش اللي يحمي من الحراره
بدون السيبراي =)
و بس =)
ان شاء الله الموضوع عجبكم =)
