رددددددددددو بسررعه

صحيح اختي وزنها قليل مقارنة بوزن ولدي وهو مكمل شهرين

احس تسالي الدكتورة اذا طبيعي وتشوفي شو تقولك

هي تقول بنتابع يوم تكمل اربعه اشهر الوزن
وانا بعد خايفه عليها بس قلت يمكن لانها تعتمد بس على صدري وما اعطيها اي شي ثاني
ومشكوره عالرد حبوووووووبه

حبيبتي لاتخافين ان شاء الله خير

انا بعد وزن ولدي مقارنة بعمره وايد ضعيف وكل ما ياه يوم ويضعف اكثر


ان شاء الله تمتن

لا اختي لا تحاتين ان شا الله ما في الا الخير يا رب

انا بعد ولدي ولدته ووزنه 3.670 ويوم وصل الشهرين كان وزنه بس 4.500 يعني حتى اقل من كيلو والدكتورة قالت ان وزنه ناقص وان المفروض يكون وزنه على الاقل 5 كيلو .. لكني لاحظته لما كمل ال3 اشهر انه يصيح مهما يرضع مع انه يرضع طبيعي وصناعي فاضطريت اني ابدأ معاه الاكل والحمد لله لما كمل ال4 اشهر كان وزنه 6.400 :shy:

والحين باقي حوالي اسبوعين على موعده تبع ال6 اشهر واتوقع ان شا الله ان وزنه بيكون احسن بعد

حبيبتى لاتخافين بس يمكن الحليب ماناسب البيبى وبعدين حاولى تنضمين وقت رضاعته وتطلعينه فى الشمس علشان الشمس تقوى العظام وشربيه مويه التمر مره مفيده واطلبى من الدكتوره تعطيكى فيتامين ووووووووووووووووووووالله يعطيك العافيه ويفرح قلبك فيه

هلا اختي..

اذا عندج قوة ومقدرة على التحمل سوي مثلي !!

بنتي لما ولدتها كانت صغييييرة وضعيفة ... يادوب 3 كيلو.. ولأنها طويلة فما كان مبين فيها ملامح ولا شيء...

وانا قررت اني ارضعها طبيعي وبسس...

لاحظت انها هادية وتطول في النوم.. والكل هنأني وقال عوذيها ومدري شنو..
بس انا حطيت عليها وصرت كل ساعتين اوقظها من رقادها بالنهار طبعاً عشان ارضعها...
كانت تطول بالنوم لدرجة غريبة ... يعني لو اخليها على هواها كانت بتظل لي كل 5 ساعات تقعد مرة وحدة ترضع...
اهو صج مريح عشاني ... بس مب زين لها خصوصاً ان وزنها قليل...
والحمدلله ما كملت شهرين الا وزنها صار وايد تمام وطبيعي..

انا ما قولج خربي نومته طول اليوم ( تالي يغربلج وتنقهرين مني خخخ ) بس زيدي عدد الرضعات..
اذا ترضعينه الحين كل ساعتين.. رضعيه كل ساعة ونص...
وان شاء الله يكبر ويستقوى عظمه... وحتى لو ما متن .. اهم شيء يصير وزنه في السليم.