الحاجز الرحمي او الرحم ذو القرنين

اختي عندي سؤال وش معنى الحاجز الرحمي او الرحم ذو القرنين؟؟

ممكن توضحين لي معناه ؟؟

السلام عليكم ورحمة الله وبركاته

اختي الحبيبه انا ععانيت 4ستوات من الرحم في حاجز وشلته قبل فتره الحمدلله لانه يعيق الحمل مايوصل الاما ولا الاكسجين للجنين وانا شلته وان شاء الله مقبله على انابيب دعواتكم لي ان الله يكتبيلي واحمل بتوام ذكور ياحي ياقيوم هذ السنه وتنجح العمليه الانابيب ياحي ياقيوم

السلام عليكم ورحمة الله وبركاته

اختي الحبيبه انا ععانيت 4ستوات من الرحم في حاجز وشلته قبل فتره الحمدلله لانه يعيق الحمل مايوصل الاما ولا الاكسجين للجنين وانا شلته وان شاء الله مقبله على انابيب دعواتكم لي ان الله يكتبيلي واحمل بتوام ذكور ياحي ياقيوم هذ السنه وتنجح العمليه الانابيب ياحي ياقيوم

زهور بنفسجيه: شكرا اختي على السؤال ... و نبهتيني اني ما عطيت المعلومه كامله

الحاجز الرحمي او الرحم ذو القرنين ...هذي تشوهات خلقيه للرحم ...يعني الوحده تنولد فيها هذا الخلل

و هو عباره عن حاجز في منتصف الرحم يا يكون كامل بحيث انه يفصل الرحم الي جزئين منفصلين او تجويفين ...يعني يصيره كانه رحمين صغار... و هذا انقسام كلي

او يكون جزئي بحيث انه ما يفصل الرحم بشكل كامل بس جزء منه


و هذي الانواع تسبب
الاجهاض المتكرر...لان الرحم بالغالب ما يتحمل الجنين

يسبب الولاده المبكره ...لان الرحم يكون حجمه اصغر فما يقدر يتحمل الجنين يوم يكبر

الجنين يكون في وضع الجالس بالرحم لان الحاجز مثل ما قلنا يصغر مساحه الرحم و بالتالي ما يكون للجنين مساحه او مجال انه ينقلب

و الحاجز ممكن ازالته بعمليه جراحيه ....اذا لزم الامر

للتوضيح بشكل اكثر شوفي الصوره هذا رحم طبيعي


ركزوا على الجزء العلوي من الرحم

و هذا صوره الرحم ذو القرنين و الحاجز الجزئي



شوفي الجزء العلوي كيف نازل الي منتصف الرحم و قاسمنه الي جزئين

هذي المعلومات بشكل مبسط و ان شاء الله اكون قدرت اوصل المعلومه

تحياتي

اختي راما بنت فهد ....اول شي الحمد الله على السلامه لازاله الحاجز ...و ثاني شي شكرا على المشاركه و الرد على الموضوع و اسعدني تجاوبك للموضوع ....

و ربي يوفقج و يرزق الذريه الصاله ... و يثبت لج الحمل و يتمم لج على خير و يرزقج باطفال بصحه و عافيه ...و نسمع اخبار الحمل عن قريب ان شاء الله باذن الله

وحده من هليه جي

حملت اول مره بكلوميد اهيه الدوره منتظمه عدنها

وطرحت فالشهر الثالث

واكتشفو الموضوع ..وتاكدو من الاشعه بالصبغه

طبعا سوت منظار داخلي الجراح قاللها اذا شاف الامر يستدعى انه ينشال بيشيله

طبعا انشال الحاجر ..بس اهيه ماكان عندها انقسام كامل ...يعني نص

حملت مره ثانيه بعد بكلوميد وطرحت فالشهر الرابع

فقررولهااا عمليه ربط

واحينه حامل بعد بكلوميد وسولها الربط فالشهر الثالث واهيه احينه بتدخل الخامس

وطبعا حامل بتوم والله يعطيها ويرزقهااااا ويرزق كل محرومم

اختي مرمر تعانين من نفس هالحاله ؟؟؟؟؟؟؟؟ ماخبرتينا تجربتج

مشكور اختي مرمر على التوضيح

تصدقين اول مرة اعرف هالشي !!

الله يشفي الجميع يارب

بس قولي لي اختي هل انت تعانين من هالشي ؟؟

وهل لها اعراض يعني الدورة تكون طبيعتها غير منتظمة مثلا ؟


بس الحمدلله ان في علاج لهذا الشي :ok:

مدمنه سريلاك: شكرا اختي على مرورج و مشاركتنا بقصه قريبتج... و الله يتمم لها الحمل على خير ... و يقومها بالسلامه .. و يرزقها بالذريه الصالحه ان شاء الله .... و طمنينا عليها يوم بتقوم بالسلامه ان شاء الله

زهور بنفسجيه: حتى انا ما كنت اعرف لين طلعت اعاني منه ...و على العموم هو ماله اعراض ان البنت تقدر تعرف قبل الزواج ...لان في الغالب يكتشفونه اذا تكرر الاجهاض اكثر من مره او صارت ولادات مبركه ...لكن ما اعتقد انها تاثر على الدوره و انتظامها لاني ماقريت في و لا مكان انها تاثر على الدوره ...لكن ممكن تسبب تاخر الحمل بنسبه قليله ...لكن من اهل علاماتها تكرر الاجهاض....و الحاجز اذا ما ياثر وايد مافي داعي ينشال الا اذا كان ضرره كبير

و الحينه اني لقصتي...كنت بقولها بس قلت خل اشوف في تجاوب و بعدين بقول تجرتي

انا اول شي تاخرت بالحمل ...و يوم صار الحمل كان مهدد بالاجهاض ....يعني اول 4 شهور من الحمل كنت دايما انزف على الخفيف و قالت لي الدكتوره انه ممكن يستمر لين تولدين و لكنه الحمدالله توقف بالشهر الرابع ..يعني اربع شهور من القلق و حرقه الاعصاب و من انه يسقت باي لحظه ..و بعدين ولدت و لاده مبكره بالشهر الثامن ...و البيبي كان جالس في الرحم ..يعني بعده راسه فوق ...فسولي قيصريه ...و في القيصريه شافوا الحاجز و هو جزئي...و جبت بنتوتنتي ربي يخليها لي .

و الحينه افكر في البيبي الثاني ...انا طرحت الموضوع لاني كنت ابي اعرف اكثر من تجارب غيري مين شال الحاجر و عن الاجهاضات لانها تخوف و القلق يذبح الاعصاب...و عن كم تاخر الحمل ....علشان اعرف انتظر يصير الحمل طبيعي و لا ما اضيع وقت اكثر و اروح اشوف لي دكتوره

و بس هذي قصتي

و تحياتي

ليش الحمل يتاخر فمثل هالنوعيه من الرحم ؟؟؟؟ حتى لو نشال الحاجز

انا بنت عميه عندها خلل فهرمون الــ LH و FSH

عسب جي تاخذ كلوميد

اول مره احملت من رابع شهر فزواجها ,,, وعاد لما طرحت قالوها الدكاتره لاتحملين لين يسون

العمليه او يتاكدون من هالموضووع وعدت سنه بطولها لين خلصت من هالسالفه

ردت تاخذ كلوميد وحملت ع طول ,,,, اهيه الشهر لي تاخذ فيه كلوميد سبحان الله تحمل

ع طول ....يعني ما تتأخر

وبدايه السنه الثانيه من زواجها احملت بثاني

بس للاسف طرحت ...فدكاتره قالوا انهم غلطوا وكانو المفروض يشيكون ع عنق الرحم

فالاسبوع 12 من الحمل ,,, لانه اثبتت الدراسات العلميه انه 30% من النساء لي عندم

هالنوعيه من الرحم يصاحبها سلس في عنق الرحم

عسب جي احينه سولها العمليه ..وقاللوها اثناء العمليه شافو فيه قصر فعنق الرحم

والله كريم هالمره وتكون الثالثه ثابته ,,,,

انا من حبي لبنت عميه ....صرت دايما اسوي سيرج في قوقل وابحث عن هالحاله

ودايما اقرا لي عندها رحم ذو قرنين حتى لو وصلت لتاسع تكون ولادتها بعمليه قيصريه

الانه الطفل يجي مقعدي ,,,, وفيه بنات قريت حالاتهن يحملن بدون علاج


اختي انتي حملتي بعلاج او بدون ؟؟؟؟


وايد شغلات قريتها

وانشا الله بتابع معاكم الموضوع ,,,

وانشا الله تعم الفايده ع الكل

ويرزق كل محروووووووووووووووومه ياربيه

السلام عليكم بنات..
مو أول مرة أسمع بهذا الشي عائلة صديقة اختي عندهم وراثة يحملون ويولدون عادي
بس وحدة منهن في حملها الأول رحمها ما تحمل الحمل أكثر من الشهر السادس وولدت بنت قاصر وشوي مأثر على نمو البنت

وبعدين سوت عملية عشان يشيلون الحاجز ويسير الرحمين رحم واحد

سريلاك: انا حملت طبيعي بدون علاج ...لكن تاخرت سنه من زواجي بس ما اعتقد شكل الرحم كان سبب التاخر لان عندي مشاكل ثانيه و يا الدوره ....

و هو غالبا ما ياثر على تاخر الحمل الا بنسبه قليله يعني بس 30% او اقول حتى من الي عندها رحم طبيعي ...ما اذكر وين قريت هذي المعلومه ...يعني اذا يبتي اثنين وحده برحم طبيعي و الثانيه لا ...ممكن الاولى تحمل من اول شهر لكن الثانيه تحمل بعدها بي ثلاث شهور ...يعني الفرق بسيط ما اتوقع ياثر وايد

لكن بما ان بنت عمج شالت الحاجز يعني ممكن تربي تطبيعي ان شاء الله ...لان الرحم خلاص يصير طبيعي

اميره البحار ..شكرا على المرور .و المشاركه.. و صح هو ما ياثر على الحمل وايد ..يعني يصير الحمل بشكل طبيعي ...لكن بس ممكن يكون في مشاكل خلال الحمل ..اجهاض او و لاده مبكره ...لكن صديقتج لازم المره اليايه اتوقع يسون لها ربط علشان ما تصير لها ولاده مبكره...و ربي ييسر لها ان شاء الله

مشكور اختي مرمر على تفاصيل قصتج

والله فرحت لج حيل يوم عرفت ان عندك بنوته الله يخليه لك

وانشاء الله تحملي باقرب فرصة :shy:

اختي مرمر

والله يعني فيه امل تربي طبيعي ...:woot:

بس انا لي اعرفه حتى لو انشال الحاجز ,,,مايرجع الرحم كمثري فيه تجويف واحد

يكون على شكل قلب ....:1_3: يعني شرات شكل القلب له تجويفين ..بدون حاجز طبعا

لنه هذي خلقة الرحم ومايقدروون يشلون الانحناء لي نازل فالوسط والا بصير تجويف

لذلك انا لي فهمته من لي قريته انه الرحم هذا ذو القرنين او المسكنين يجعل وضع الطفل مقعدي

وانشا الله اكون فهمت غلط وانتي صح ....لني خاطري تربي طبيعي

حليلها بسها من العمليات ,,,, مره عمليه التنظيف ومره عمليه السبتم او الحاجز

ومره عمليه الربط :sad: :cry:


بس اختي عنديه سؤال

انا مره قريت موضوع عن العمليه القيصريه ؟؟؟؟؟ وعن اسباب اجراء هذي العمليه

ومن الاسباب لي قريتها

إذا كان رحم الأم قد تعرض لعملية جراحية غير العملية القيصرية

مثل استئصال ورم ليفي كبير

يعني لو كان وضع البيبي طبيعي عند بنت عميه ...بيسولها قيصريه

الانها مسويه عمليه لي اهيه ازاله الحاجز بس عن طريق المنظار الداخلي من المهبل

يعني ماسولها شق ؟؟؟ هالشي ينطبق في مثل حالتهاا ؟؟؟


بالنسبه لختي اميرة البحار اختي معارفج يربن طبيعي والا قيصري ؟؟

بصراحه اختي سريلاك ما ادري بس اذا انشال الحاجز اتوقع انه يكون صار رحم طبيعي

و دواعي القيصره ممكن تكون وايد ...صح ان اغلب الي عندهم حاجز يكون الطفل مقعدي بالتالي ايبون قيصريه ...لكن هي بعد عندها توم ...يعني بعد يمكن يكون قيصريه هذا احتمال وارد ....لكن ان شاء الله اتيب طبيعي ..

على العموم القيصريه ما تخوف ...ممكن الواحد يسويها ببنج كامل ...و هذا يتعب وايد و خاصه بعد ما يقومون من البنج ...

و ممكن بنج موضعي الي هو بنج نص الجسم بس ...و هذا في نظري اخف و انا سويته و احلى شي فيه انج تشوفين البيبي اول ما يطلعونه مب مثل البنج الكامل راقده و لا تعرفين شي ...بعد ممكن اذا وحده تخاف يعطونها منوم ...انا قالوا لي تبين منوم قلت لا ...و دكتورة البنج وحليها يلسه تسولف وياي طووووووووووول العمليه بس علشان تشتت انتباهي و تنسيني العمليه ..و كل ما تشوفني بديت اخاف و اطالع الدكتورات على طوووول ترجع تسولف و تسالني ...ما خلت شي ما سالتني عنه ..طلعت من العمليه مستانسة يقولون لي اهلي و لا جنه كنتي بغرفه العمليات ما شاء الله عليج ...قلت لهم لا دخلت دقيت سوالف و طلعت ...و الحمد الله

على العموم كل شي بيد رب العالمين ياما ناس وصلوا لين باب غرفه العمليات و رجعوهم لانهم ولدوا طبيعي ...و رب ييسر لبنت عمج ان شاء الله و يقومها بالسلامه هي و البيبيات ان شاء الله

اختي زهور تسلمين و ربي يرزقج بولد الحلال الي يسعدك و يهنيكي و يحط على راسه اذا مب متزوجه و اذا متزوجه بالذريه الصالحه عاجلا ان شاء الله

الله كريم يختي ,,,تراها الدنيا ابتلائات

لاكن الحمد لله قضاء اخف عن قضاء وانشا الله اتمم حملهاااا ,,,وتشوف ضناها جدام عينها

حتى لو بقيصريه ,,تراها بعد وسيله ووايداات حريم ايسونها والحمد الله مافيهن الا الخير

وانشاا الله يا مرمر الله يرزقج جريب ويعطيج لي تبينه ويرزق كل محروووم في هالدنيا

يارب انت كريم ونحن عبادك ضعاف