بنات اللي يستخدمون حبوب دوفاستون!!

استخدمت الدوفاستون فترة مع حبوب ثانية عشان تترتب علي الهرمونات وفي وقتها ماكنت أريد حمل.. بس الدكتور نبهني اذا استخدمت هذي الحبوب (لمدة خمس سنوات مثلاُ ) بيسبب سرطانات في الرحم، فتركتهم فترة

أما الحين أريد أحمل وآخذ الكلوميد والجلوكوفاج

تسلمين على ردج فديتج .. بس انا ماتجيني الدوره بدون حبوب لان فيني خلل في الغده الدرقيه ؟؟ والله خرعتني انه يسوي سرطان في الرحم الله لايقول

يعني هالاعراض اللي قلتها طبيعيه ؟؟ وهل معناته ان مابيضير حمل هالشهر ؟؟

وجزاكم الله خير

هاذى اعراض طبيعية لا تخافين انا مثلك استخدمها من مدة وماتنزل الدورة الى اذا اكلت هالحبوب


بالعكس انشااللة الدفيستون آمن لانة يستخدم ايضا كمثبت للحمل واذا مافية حمل بينزل الدورة

عزيزتي زوجة اخوي عندها مشكلة في الغدة الدرقية وعطوها حبوب قالولها تاخذينها مدى الحياة..
خلت وحدة صينية خبيرة في المساج الإنعكاسي للإقدام(الريفليكسولوجي) وطبعاً ماقالت لها شو عندها..
شخصت لها الصينية بواسطة المساج على الأقدام انها عندها مشكلة واشرت على رقبة مرة اخوي (ماتعرف تتكلم انجليزي ولا عربي)..
سارت اتسوي له مساج الريفليكسولوجي مرتين أو ثلاث مرات بالأسبوع ماأذكر بالضبط وخلال أشهر بسيطة تركت الأدوية بلا رجعة

خذي بالأسباب دوري على وحدة شاطرة وخليها تسويلج مساج باطن الأقدام مرتين بالأسبوع ومابين فترة وفترة سوي تحاليل

الله يشفيج وجميع المسلمين والمسلمات آمين

انا استخدمها في اليوم ال14 لمدة عشرة ايام وو الدورة معاية ماشيه تمام و مو شرط ان الوحدة اذا حست بالم يعني الدورة بتنزل و الله يعطيج على قد نيتج

أنا أستخدمتها بحملي الثاني، وكنت ماخذتها من 10 قبل الدورة، وكنت أحس بأعراضها وقلت خلاص مافي حمل هالشهر،، بس الحمدلله حملت ولكن الله ماكتب يستمر الحمل...

قموره 111:
تسلمين فديتج على ردج .. وطنتيني الله يطمج دنيا واخره انشالله

أميرة البحار:
تسلمين على اهتمامج وانشالله بادور على وحده زينه والله يحقق لج مرادج انشالله

هدى:
مشكوره حبيتي وعطيتيني أمل وانشالله ماتنزل هالشهر يارب

رانيا البحرينيه:
الله يعوضج انشالله .. والله سمع منج واكون حامل .. بس ابي اعرف ليش اللي فيهم تكيسات اذا صار حمل مايثبت ؟؟ يعني شالحل ؟؟ بعد معاناة الادويه والابر اذا صار حمل يطيح:( .. الله يكتب اللي فيه الخير انشالله

يارب ترزقنا بالذرية الصالحة عاجلا غير اجل

الله يرزقك الدرية الصالحة يااااارب

:icon9:اختي الكريمه انا فعلا يحدث لي نفس الاعراض انا في اليوم السابع واشعر بقدوم الدوره الدكتور قالي اخذه لمده 10 ايام يارب يامالك الملك انت القدير ارزقنا جميعا بالذريه الصالحه امييييييييين

عندي سؤال بخصوص الدوفتسون
بعد كم يوم من تتركونه تجيكم الدوره ؟؟
لأن صار لي اليوم ثالث من تركته وماجتني
وان شاء الله أكون حامل وما تجيني
بس ما ادري متى اروح احلل عشان اعرف

انا اعرف ان الفاستون ينظم الهرمونات في المبايض لكن ما ادري اذا كان له علاقه بالدوره
وان شاء الله تكوني حامل ياعسوله انت وكل من يتمنى الحمل

السلام عليكم

انا الحين استخدم دفاستون علشان تنزل الدوره توني امس متصله للددكتوره وقالت بتعطيني كلوميد وياهم من قبل كنت اخذ فيميرا (( اضن هذا اسمه ))

باخذ الدفاستون لمده عشره ايام وعقب ثلاثه ايام يااما حامل وما تنزل او حامل ويثبت الحمل (( ادعو ليي اني اكون حاااااامل ))

الله يرزقني ويرزق كل محرومه بالذريه الصالحه

تحياتي
ربي لا تذرني فردا وانت خير الوراثين

اختي هذه وصفات خصوصي للغده الدرقيه وان شاء تستفيدين:

لعلاج الغدة الدرقية:
1) قرفة + حب الرشاد + بذر الكتان تشرب 3 مرات فبل الأكل لمدة 21 يوم .
2) أكل السمك والثوم .
3) عسل أصلي + حبة بركة + نقاط من غذاء ملكات النحل تؤخذ على الريق لمدة شهر .

للأمانه هذا منقول

الله يشافينا جميعا بحق واحد احد