المشي والحمل

راعية العين 20-05-2007 29 رد 1,706 مشاهدة
ر
السلام عليكم
شحالكم يا كروشات بنات أبا اسألكم من أي شهر تبدون تمشون وكم المدة لانى أبا امشى وأنا الحين في السابع بس أحس نفسي ما أقدر أمشي أكثر من نص ساعة
h
انا بنص السابع تقريبا
وكل يوم امشي شوي نص ساعه تقريبا الى ساعه الا ربع بس مشي خفيف ...
ا
عليكم السلام ورحمه الله وبركاته

انا سالت دكتوري نفس السؤال قالي المشي زين للصحه عامه، بس ماله خص امه لازم تمشي بالشهر الفلاني وكم دقيقه وكم ساعه.

امشي لو بحوش بيتكم وسوي تمارين استرخاء بسيطه

الله يثبت لج حملج ان شاء الله، ويسهل عليج ولادتج.
أ
بالسابع نص ساعه
بالثامن ساعه الا ربع
التاسع ساعه او اكثر
ا
مراحب

انا الحين توني داشة الثامن ولا بديت امشي

ولا افكر امشي الا اخر اسبوعين من التاسع ( مع اني بكر ) شفتو الكسل
s
انا فى أخر السادس وأحب المشى بس قالولى خطر المشى فى السادس والسابع
يسوى ولاده مبكره
والاحسن فى التاسع
s
انا فى أخر السادس وأحب المشى بس قالولي خط المشى السادس والسابع
يسوى ولاده مبكره
والاحسن فى التاسع
ا
انا بعد قالوا لي المشي من التاسع احسن لأنه يسهل الولاده


والله يسهل عليك
s
انا ناوية امشي من نص الثامن ان شاء الله
s
راعية العين حبيبتي لا تمشين من الحين الله يهداج

انتظري للتاسع مو زين
ش
انا عن نفسي كنت امشي بدون ما احدد الشهر والحمدالله
.
المشي من بداية السابع والسهالة من الله الله يقومنا بالسلامه انا في السابع بس ما راح امشي لأن ولادتي قيصرية
د
اختي المشي افضل شي التاسع
وعن تجربتي في بكري مامشيت الانص التاسع مدة يوم نص ساعه
وبــــــــــــــــــــــــــــــــــــــــس
والحمد لله ولااهون من ولادتي
والتساهيل كلها بيد الله
ر
مشكورات خواتى على ردودكم أنا ناوية أبدأ امشي نص ساعه مشي خفيف لانه أنا البيبي عندى في حملى الاول ما دار و ربيت بعملية فقلت يمكن المشي يخلى البيبي يدور هالمره
M
انا ان شا الله بعد اسبوعين بمشي بكون بنصف الثامن وكم يوم يعني يبقى على التاسع اسبوع
وماانصح بالمشي في السادس والسابع اكتفي بشغل البيت وسلامتكم والله يهون عليكم ويقومكم بالسلامه
ع
محد نصحني امشي قبل التاسع حتى الدكتورة
انتي ليش مستعيله وايد بعدج في السابع وماله داعي المشي الحين
توكلي على الله وابدي المشي من اول يوم لج في التاسع والتساهيل بيد ربج صدقيني
ياما ناس مشت وما ولدت الا بعد ما دشت العاشر وبزور وقوة وناس ما مشت وولدت اول التاسع وبسهاله
الله يسهل عليج يا رب
U
انا بديت امشي من ثاني اسبوع بالثامن لانه قبل كنت مشغولة
كل يوم نص ساعة على البحر باليل وحافية عشان الجو والهدوء


وعاد من باكر بزيد عشر دقايق

والله يسهل ع الجميع
د
انا في الشهر الثاني
هل ينفع امشي ولا لا
h
بالنسبة لي باقي لي 5 ايام واولد
بس للحين ما مشيت ولا افكر بالمشي
لأني ساكنة بالطابق الثالث واذا نزلت من الدرج
ما اقدر اركب مرة ثانية
والله يسهل على الجميع
غ
انا بديت امشي من آخر السابع مشي خفيف نص ساعه او اقل وعلى راحتي مب مشي رياضه
يعني اتمشى فالحوش .. بس تحملي تمشين وايد ولفتره طويله لا سمح الله يمكن تستوي عندج
ولاده مبكره .. خلي المشي والكراف حق الشهر التاسع والله يسهل علينا وعليج يارب
X