عندي مشروع ررررهيب ... تأجير وبيع الفساتين والملابس للعرايس

السلام عليكم ورحمة الله وبركاته

خواتي الغاليات ... عندي فكرة باني اخذ فساتين الاعراس والحفلات والاكسسوارات ومستلزمات الحفلات واعرضهن في صالة كبيرة عندي في البيت

والاتفاق بيكون كالتالي:

صاحبة الفستان تطرشلي الفساتين وتحددلي اذا تباهن للبيع او للايجار وتحددلي السعر بالضبط الي تباه
وتحدد فترة معينة مثلا مدة شهر او شهرين اذا ما انباع تاخذ الفساتين وتعطيني رسوم العرض الي سويته لها 5%

أقل مدة للعرض شهر ... (يعني جنها تاجر مساحة عندي لعرض الفستان) يعني اذا كان الفستان على 5000 درهم وعرضتة لها كحد ادنى شهر ومحد اشتراه او أجره ملزومة تدفع لي = 250 درهم (5% من قيمة الفستان)

لكن اذا عطتني اياه عشان ابيعه بـ 5000 درهم انا حره احط سعر البيع بالسعر الي يعجبني والي اشوف انه ما ياثر عليها ... هي بس عليها انها تستلم فلوسها


لكن عندي شرط بان مب اي فستان اوافق عليه اني اعرضة
بس الفساتين الي بختارهن وبيكونون وايد فخمات وراقيات
لان نحن نبى نتميز ببيع وتاجير الفساتين الفخمة والراقية ..

وانا يمعت فساتين خواتي وحريم اهلي وكلهن فساتين غاليات وحلوات
وطبعا سعر البيع والايجار لازم يكون في متناول الجميع
يعني مب وحده مفصلة الفستان على 2000 درهم وتبى تاجرة على 1900 درهم
لازم نكون حقانيين في هالشي



انا فلتي في الشارجة ... والصالة الي مجهزتنها وايد حلوه وكبيرة
وارضيتها سراميك وبتكون الصالة مجهزة بمانيكان ومرايات وغيره عشان الوحده اذا يت
وحبت تختار تقدر تختار على راحتها

وان شاء الله عقب كم يوم بطلع رخصة من التنمية الاقتصادية بمزاولة بيع الفساتين في البيت
عشان اضمن حقي وحق البنات الي بيتعاونن وياي

الي عندها فستان وحابة تعرضة تطرشلي على الخاص مع صورة الفستان والسعر

ها شو رايكن