ساعدوني في مشكلتي

السلام عليكم ورحمة الله وبركاته
اخواتي انا اول مرة اشارك معاكوا بس الردود اللي قريتها شجعتني ان اكتب
انا الحمد لله متزوجة من سنتين وبحب جوزي وهو بيحبني ولسه ما خلفناش ومش هيه دي المشكلة
المشكلة ان جوزي طيب جدا وانا عصبية جدا ومابعرفش اتحكم في نفسي ودايما يزعل مني لما اتنرفز
وحاجه تانيه ان هوه دايما في شغله الصبح وبالليل يعني انا تقريبا بشوفه على الغدا تقريبا ساعة وبالليل لما ييجي ساعة لانه بييجي متأخر وانا بكون عاوزة انام لاني بشتغل وبصحى بدري
المهم ان المشكلة دلوقتي اني دايما اتخانق معاه عشان دايما قاعده لوحدي وهوه يقوللي انا ذنبي ايه مأنا في شغلي
المهم اني انا عارفه ده بس ما بقدرش امسك اعصابي وغصب عني الاقي نفسي اتضايقت وزعلت واليوم بقه نكد
مع اننا بنحب بعض جدا وماتقولوليش المشكلة عشان ماخلفتش لأ الحمد لله انا بحمد ربنا وجوزي بياخد مقويات وربنا يكرمنا
المشكلة انه اجازته يوم واحد بس في الأسبوع
دلوني اعمل ايه وجزاكم الله كل خير
اختكم في الله