اجازتي واجازتك .... هالمررره غير

السلام عليكم ورحمه الله وبركاته

هلا حبيباتي ،،،، الاجازه قربت وان شاء الله الجميع يقضي

إجازه سعيده .... عزيزاتي تمضي الايام وتسري الليالي وتمر السنين وبعضنا يرى

ان الايام تمر واللحظات تسرررررع بنا ولكن الى اين ؟؟؟

عزيزاتي ..... بصرراحه ماني عارفه وش راح اكتب بس اللي عارفته اني نفسي اكتب موضوع

يكون مفيد عن الاجازة وكيف راح نستفيد منها يعني سررر ياقلم واكتب اوه سوري قصدي

الازارير اضغطي ياحروف واكتبي ههههههههههههه

بنات مشكله كل اجازة نعاني منها وهي هل كلمه اللي نقولها في نهايه كل اجازة

يوه مسرررررررررررررع مرت العطله وإنتهت واحنا ماسوينا بها شي ( يعني قصدهم استفدنا منها)

طيب وش رايكم نخطط للاجازه عشان فعلاً ما نتحسرررر عليها وان كان الحسررره فينا فينا

لاننا كلنا نحب الاجازة ......

داريه ان ماعندي سالفه جالسه ادور من يوم ماكتبت على كلمه الاجازه ،،،،،

يعني مثلا نسوي جدول ولا نخلي ايامنا تررروح كذا في الاجازة انا عن نفسي اول شي

نوووووووووم اسبوع ايه لاتلوموني ابي اشبع هدت حيلنا الدرررررررررراسه وهذا وجهي

شكلي انام نص يوووم واشبع ههههههههههههههه

وبعدين الجدول هذا لازم نحرص فيه على صله الرحم قووووووووووولوا ليش ؟!

وعاد هذي يبيلها كلام هذا الشي وصانا به الرسول الكريم ولنحيي معاً شعار نا سوويا

( معاً نحيي سنه رسول الله ) للي يقولون ايام الدوام والدراسه محنا فاضين نتزاور الحين ما وراكم

شي يعني اسبوع نسقيه كل يوم ربوع أوخميس مره بيت خالك ومره بيت عمك وامسكي اعمامك بالدور

وخوالك وبالتناوب عشان ماحد يزعل وخالتك وعماتك وطبعا الزياره جماعيه يعني مو بس وحدك ا

امك واخواتك وياكثر تلقين امك وابوك مبسووطين منك حتى بنات خالات وعماتك يقولون وش هل

الزيارة الحلوة قولي افتكينا من اللي كان رابطنا ( قال لك الدراسه ) واعملوا دوريات كل اسبوع

تشووفوا بعض وزوري جاراتك اللي من زمان عنهم .... وكذا تكوني احييتي سنه رسولك

واستفتي من اجازتك بشي مفيد واكيد بتكوني قدووة لغيرك ...

طيب هذا عن صلت الرحم ،،،، مـــــــــاذا عن الاعمال الاخرى ( تفقدي سكان الحي )

لا تستغربي نعم فكذالك كان يفعل رسولنا الكريم ابحثي فقد تجدين من هم محتاجين ولا احد

يعلم عنهم ساعديهم واهديهم ولو إبتسامه تكتب لكي صدقه زوريهم في الله ادخلي عليهم

السرور فمن ادخل على قلب مؤمن سرور كتب الله له الاجر ،،،،

سوي جدول تحفظين فيه انتي واخواتك اجزاء من القران وخصصي ورد يومي بعد صلاة المغرب

او العشاء او اي وقت وفي نهايه كل جزء قدمي جائزه لكي تتنافسوا ...

ارفعي سماعة التلفون ودقي على وحده من زمان ماكلمتيها صديقه او جارة اش كثر راح تفرح

يوم تعرف انك تسالين عنها وان سؤاك لله وليس للمصلحة ،،،،،

سوي حفله للاطفال فرسولنا الكريم اهتم بالاطفال هو ايضاً سوي حفله ونادي كل اطفال العيله

وسوي لهم مسابقات وهدايا واناشيد وحرررررررررركات يا سلام قد ايش راح ينبسطوا الاطفال

لما نعطيهم احنا الكبار من وقتنا ونلعب معاهم وانا بحكم تخصصي ( دراسات الطفوله )

اتعلمت اقدر هذا الشي لان الطفل محتاج من يسمعه ويعلمه بالتوجيه مو بس نصرفهم ونقلهم

روحوا العبوا ،،،

طيب وش كمان يــــــــــــالين الزمان ....

ايه ماما وبابا لاتنسوهم سوي القهوة وروحي اجلسي مع امك وابوكي وسولفي معاهم

واضحكي وفرحيهم .


ياسلام معقوله انا اللي كتبت هذا الكلام انا وبالصررراحه يابنات قمت اكتب اللي طلع من فكري

ويمكن تلاحظون ان مافي تنسيق بس عاد اهم شي نستفيد ...

يلاه عاد شجعوني عشان اكتب المزيد ....