بنات شركوني في موضوعي لأنه مهم ؟؟؟؟؟؟؟

مجنونت بلدها : والله ما اعرف شاقو لك


حبيبتي يمكن امك من كثر ما تسمع بالقصص والسوالف والبلاوي


اللي تصير من النت .. تخاف عليك


ولا تلوموينها يمكن من خوفها عليج اتسوي جذي

والله حبي لج ماراح خساره
أنتِ الوحيده التي تشاركني في مئساتي
ومشكوره على المرور صديقتك مجنونت بلدها

وين رحنا حناااااااااااا؟؟؟؟

يازعم اغيييييييييير

حبيبتي امج تخاف عليج وكل الامهات جذب قواي لها عن المنتدى واللي تسوينه وحتى قولي لها عن مواضيعج وردودنا عليج كنها عايشه معاج الجو ... بتطمن جذي

اني حطيت موضوع وفلانه وفلانه ردوا علي وعجبهم ويايمه تعالي شوفي معاي هالموضوع اشرايج,,,

والله يعينج ويوفقج

كل الأمهات جدي
لأنهم يخافون على بناتهم من كثر القصص اللي يسمعونها

حبيبتي احس هالشي طبيعي ..

حتى انا ابوي كان وايد يتحسس من هالشي .. اذا كنا قاعدين عالكمبيوتر تحسينه كل شوي ايي يشوفنا شو نسوي ..

واحياناً يسألنا ويحاول يفهم شو يعني منتدى ومن هالكلام ..

وامج اكيد تسمع الكلام من الحريم مثل ما ابوي كان يسمع من الرياييل حتى انه سألنا انتوا تدخلون الجات .؟ ههههههه يحليله صدمنا ذاك اليوم كيف عرف الجات ..

فلا تتضايجين .. تعرفين شو تسوين .. اخذيها يمج وافتحي لها موقع عروس على ركن الطبخ او البشرة والشعر واونج تراوينها صدقيني بتفرح وبتستانس ..

حاولي ماتطولي على الكمبيوتر علشان ماتزعل وماتحس إنك متعلقة فيه

هلا الغاليه...

الله يخلي امج و يحفظها...

ما سوت جيه الا من خوفهاعليج...

و انتي قاعده روحي لها و قولي لها تعالي امي براويج شئ...

قعديها على الكمبيوتر و انتي كوني جنبها...

راويها المنتدى...قولي شو رايج في اللي كاتبتنه فلانه...

او راويها مسابقات الطبخ...قولي لها شو رايج اي وحده ارشح...

خليها تحس انج تثقين فيها...

و انج تحبين تشاركينها في كل شئ...

الله يسر اموركم ....

هههههههههههههههه والله ضحكتيني يختي كل الامهات نفس الشي عادي اني امي بعض مرات تجي تسالني انتي شنو تسوين ساعات هنا هو شنو هذا المنتدى الي بس ليل ونهار فية اكيد كلام عادي ومالة اهمية كلت يمة تعالي اكعدي معاي وشاركيني ههههههههههه صدكيني راح تحبينة تكول لا خليني بعيدة بس تشوفني تكول لي روحي نامي كافي هههههه
يعني كلنا بالهوى سوى حبيبتي لا تزعلين

عادي عزيزتي
كل ام وابو يخافون على عيالهم ومو معناه انها شاكه فيك
بس من هالقصص طبيعي بتخاف عليك
كل الاهل يراقبون عيالهم الا ماندر
بس مراقبتهم تختلف من شخص لشخص ناس تبان مراقبتها وناس لا

حبيبتي امي احبها ومشتاقه حق سوالفها وشلون كانت تقطع واير النت علي
من تزوجت حسيت بمكانة امي وخوفها علي ....

الصراحة من حقها، أم وتخاف على بنتها، والله ما تنلام، اصلا من البلاوي اللي تارسة البلاد، الامهات والابهات لازم يحطون عينهم على عيالهم، واذا انتي ما تسوين شي غلط لا تزعلين، قعدي معاها وسولفي عن حياتج ولا تكثرين وقت على الكمبيوتر، وازني بين حياتج الاجتماعية والشخصية