احكي لكم بقى قصة الولادة

احكي لكم بقى قصة الولادة بس اضحكم الاول ا الحمد لله الاكتئاب عندي من قبل الولادة وانتوا طبعا عارفين بس بصراحة كل ما الاقي الحالة حتشتغل ابص في وش يحيي حبيب قلبي :ok:
اضحكوا تاني
انا خلاص مش بنام حتى لو يحيي نايم انا من فرحتي خايفة انام يكون اللي انا فيه حلم اصحى منه انا باكتب لكم دلوقتي الساعة 7 صباحا والبيت كله نايم ( شوفتوا اختكم بقى طلعت محدثة يحيي ) هههههههههههههههههه:shy:

اليكن القصة
يوم الجمعة كنت انا وجوزي مش بنكلم بعض وكنت بصراحة سايقة فيها على اذان الفجر لاقيت نفسي بدعي بزهق ( يارب والنبي نفسي اولد طبيعي انت الوحيد اللي عالم بحالي عجل لي بيها يارب واكتب لي اللي فيه الخيير )
ومافيش نوم خالص ومش حاسة باي حاجة
الساعة 9 صباحا انا لسة مانمتش من غيير سبب كل الحكاية اني متخاصمة مع جوزي
بدا معايا الساعة 9 احساس بالزق لتحت قلت ياما انت كريم يارب البيي شكله بينزل في الحوض زاد معايا شوية اخدت برشامة بسكوبان ونمت بعد الزق ما راح الولادة مش في دماااااااااااااغي خالص
كل الناس قايلة لي الطلق زي مغص الدورة بس زيادة شوية او الم في الضهر او الاتنين انا اللي كان عندي بس زق
المهم نمت وصحبت الساعة 12 الضهر ولا كاني نايمة الساعة 9 قمت ملاقيتش حوزي اتحرق دمي انه نزل من غيير مايقوللي قمت باتصل بيه لاقيته جه اتخانقت شوية حوالي 5 دقايق
واخدت الجهاز ودخلت كلمتكم وعملت شريط الحمل لاختنا الماسة وواضح ان وشها حلو
المهم بعد ماعملت لها الشريط رجع الزق تاني قمت اخدت برشامة تانية
وللحظ الحمد لله ان الدكتورة بتبقى في عيادتها من 12 ل 3 عصرا يوم السبت والتلات
اتصلت بيها في العيادة قلت لها قالت لي جميل يبقى البيبي بيزق نفسه في الحوض زي ما انا قلت
قلت لها بس الزق ده متعب اوي قالت لي انا قدامي ربع ساعة تقدري تلحقيني قلت لها ممكن قالت لي تعالي
قمت لجوزي بكل عوجان :
:انا نازلة
: رايحة فين
:للدكتورة
: كنتي بتكلميها ليه
بكل عوجان
:عادي حاسة بشوية تعب
: ماشي
وقام لبس كنت انا لبست طبعا ونزلنا
اضحكم تاني
عشان جوزي يعرف انا حاسة بايه اتصل بمامته قالها احنا رايحين للدكتورة دلوقتي
قالت له ليه قالها مش عارف خدي اساليها
وطبعا كلمتها وسمع وعرف انا حاسة بايه ( سوسة اوي )
نزلنا من البيت واول ما نزلت حسيت بزقة جامدة وقفت
قاللي لما تحسي بتعب قوليلي انا حامسك الساعة
في سري وبيني وبين نفسي انا متاكدة انها مش ولادة
بعدها ويادوب وقفنا التاكسي
التانية
قلت ليه بص في الساعة
قلت له ايه 5 دقايق بكل استهزاء
قاللي لا 4
بيني وبين نفسي مستحيل
وصلنا العيادة كنت خلاااااااااااااااااااااااااص مش قادرة بس اول ما الزقة تروح كاني مافييش حاجة خاللللللللللللللص
دخلت للدكتورة كشقت قالت لي انتي 3 صوابع
على المستشفى عدل
جوزي يقولها طل نروح نجيب الشنطة
قالت له ع المستشفى عدل
روحنا المستشفي قولوا كانت مثلا الساعة 5 حضروني شوية وماما وحماتي جم المستشفي في الوقت ده جوزي هرب
جت الدكتورة كشفت كام يا ستي 4 صوابع يعني كام سم قالت حوال 6 او 7 سم واول ما مشيت انا خلااااااااااااااااااااص صريخ غيير عادي وعمالة اقول حاعمل حمام وحش وقرفانة من نفسي ( مع العذر )
على كده جت تاني في ساعتها طلبت كرسي عشان انزل العمليات في ثانية لاقيها بتقول لا انا عاوزة ترللي وشالوني وانا على صرخة والممرضات بيجروا بي جري
ووصلنا لاحسن مكان
العمليات
ماتستغربوش
اول ماوصلت هناك حطوا لي كمامة على بقي حسيت وقتها وكاني دايخة ومش في الدنيا حاسة بالالم بس مش زي ما كنت سامعاها لاكن مش خايفة
: بالة يا ياسمين زقي لتحت يالة هايلة جمبلة وانا مش عارفة ازاي انا بزق
شوية وراحت
: ياسمين لما تيجي تزقي جامد وفعلا زقة جامدة وسمعتها بتقول نيموهالي شالوا المحلول وحطوا لي ابرة وماحسيتش غير وانا في الاسانسير وبتصحيني
ياسمين انتي ولدتي حمدالله ع السلامة
والجمد لله الف حمد وشكر ليك يارب في 3 ساعات الم كان يحيي في العالم الخارجي عقبال يا رب كل الحوامل لما ربنا يوعدها بولادة زي دي
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآمين
حابقى اسلم عليك بعدين بقى
مواااااااااااااااااااااااااااااااااه