انا بمشكلة احس مالها حل............مع زوجي

ا

ام منوف

عروس جديدة

17-05-2007 | 09:28 PM

السلام عليكم ورحمة الله وبركاته
بدخل في الموضوع على طول من اسبوعين كنت خارج البيت في زيارة تاخر زوجي علي فرجعت مع اخوي للبيت طبعا زوجي ماتوقع جيتي لان المفروض هو اللي يردني المهم دخلت البيت وكان نايم وشفت الجوال غير جواله طلع معاه جوال من وراي غير اللي اعرفه ماتتخيلون ويش صابني شلت كل اغراضي وكلمت هلي يجون ياخذوني لان هذه مو باول مرة قبل كذا عرفت انه يرقم بالاسواق ومرة كفشته يكلم واحدة صدقوني مدلعته دلع والحمد لله مو مدح فيني بس مزيونة وهو اقل من المقبول شكليا طبعا يعني المفروض يحمد ربه علي ويحافظ علي بس للاسف ماقدر اللي بيده المهم تناقرنا وخرج وقفل علي باب البيت عشان لا اطلع وهلي عرفوا كل شي طبعا مايدرون على اللي قبل المهم اعترفلي لما رد انه جواله ويكلم عن طريقه بنات بس يحلف انه ماقابلهم بس مايهمني حلفانه لان قبل حلفلي كثير على المصحف ويرد لحركاته المهم اتحايل علي وحاول يرضيني بكل الطرق والحين لي اسبوعين على المشكلة بس بنفسي مو قادرة انسى ابدا كابوس احسه ماعاد اقدر اثق فيه ابدا واحس اني ماني طايقته حيل متغيرة عليه وبس ارفع صوتي وصايرة عصبية حيل حتى مع عيالي عندي ولدين ولي 5سنين متزوجه تعبت مدري ويش اسوي حتى الحين تاركني بالبيت وطالع من العصر بره لاني قتله اطلع جلستك بالبيت مطفشتني وللحين مارد والله واعلم ويش يسوي حاسة حياتي مرة صعبة غير الشكوك والاوهام اللي تجيني زوجي معي جاف جدا وكلام الحب مايقوله لي ابد بس في جواله اللي شفته كاتب رسايل حب وطالب منهم مقابلات رومانسية مع اني ماقصرت معاه بشي فوق راسي من كل النواحي يعني مع اللي سويته معاه وهو كذا يجازيني بالخيانة وهو يقول انا ماخنتك يشوف الخيانة لما ينام مع واحدة دايم يقولي احمدي ربك اني بس اكلم ماقابل بالله ايش رايكم اعطوني حل لو فيه حل ساعدوني ........

أ

أحاسيس منثوره

عروس مبدعة

17-05-2007 | 09:39 PM

الله يعينج الغاليه

ادعي ربج والله اختي انا مب متزوجه ان شاء الله خواتي يساعدونج

والله يهديلج زوجج

o

om gala

عروس مبدعة

17-05-2007 | 09:52 PM

هههههههههههه حبيبتي سامحيني عشان الضحكة بس يقولون شر البلية ما يضحك ........

حياتي الحال من بعضه ........... الحين كل الرجال كذا إلا من رحم الله ...وياما يسوون .. من ورى زوجاتهم ... يعني زوجك جنبهم يعتبر نقطة في بحر .........

المهم ... أنا زعلت مع زوجي كم مرة ورجعت لأهلي وفكرت بالطلاق ......بس بالنهاية أراجع نفسي وأرد له ........... و حتى قبل فترة زعلت زعل كبير مرة وعزمت عالطلاق ... بس طبعاً صار عندي بنوته وكانت معي عند أهلي أحس ما ارتحت هناك تعرفين عيالك مع عيال أخوانك أو أهلك إذا كان لسى عندك أخوان صغار ........... مع إن أهلي يحبوني ويحترموني مرة أكثر من باقي خواتي وما قصروا معي بس عشان بنتي حسيت فعلاً إن نار الزوج أهون من جنة الأهل و كمان عشان كلام الناس لأنه مهما كان سبب الطلاق ومهما كان الغلط راكب الرجل من راسه لساسه ..الناس راح ترجع الخطأ كله عالمرأة........ وزي ما يقولون ظل رجل ولا ظل حيطة ......

حبيبتي ...... مالك غير الصبر واللجوء لله تعالى وخاصة في صلاة آخر الليل أو قبل آذان الفجر ... وأدعي الله له في السجود خاصه ... إنه يرجعه لكم ويصرفه عن الحرام ...

ن

ندايم

مشرفة سابقة

17-05-2007 | 10:19 PM

هلا الغاليه...

الله يعينج و يعوض صبرج خير...

خليني ابدأ معاج بالاشياء اللي كتبتيها...

ام منوف:
شلت كل اغراضي وكلمت هلي يجون ياخذوني

غلط تطلعين...هذا بيتك...انتي احق فيه...مب هو...

ام منوف:
صدقوني مدلعته دلع والحمد لله مو مدح فيني
بس مزينة وهو اقل من المقبول شكليا طبعا يعني المفروض يحمد ربه علي
ويحافظ علي بس للاسف ماقدر اللي بيده

مب معناه انه شكله اقل عن المطلوب ماعنده ثقه بالنفس...(( الثقه اهم ))

الحين هني و اسمحيلي انتي غلطانه...

مدلعتنه و حاطتنه تاج على راسج حتى بعد خياناته الاولى...

انا ما اقول تعصينه...لا هذا زوجك و من حقه عليك تطيعنه...

بس في ازواج تستاهل...(( من قدرهم لسجدت المراه لهم ))

انا قصدي...عاملي بحكمه و حنكه و عقل...

يعني ممكن يقول انا خنتها و هي زادت في الدلال..(( عشان تثبتين انج احسن ))

بس هو بيقول عيل مره ثانيه و ثالثه بخون...لانها تدلعني و تهتم فيني!!!!!!

كوني حازمه...كوني دلوعه (( لنفسك ))

دلعي نفسك...ثقي في نفسك...انتي تدلعينه هو...

تزرعين الثقه في نفسه انه مرغوب...الحين دلعي نفسك انتي

اهتمي بنفسك عشانك مو عشانه...

ام منوف:
احسه ماعاد اقدر اثق فيه ابدا واحس اني ماني طايقته حيل متغيرة عليه وبس ارفع صوتي وصايرة عصبية حيل حتى مع عيالي

الثقه مو كلمه ترجع بسرعه...الثقه تعامل و احساس...

انتي الحين صعب تثقين فيه...و بتظلين تشكين فيه على اقل حركه...

بس هذا الشئ متعـــــــــــــــــــــــــــــــــــــب...

انتي بتتعبين و عيالج...

ترى مالهم ذنب...قلت لج حبي نفسج...

تجاهلي الشكوك في اشياء ثانيه...

اذا يتج الافكار السلبيه ...اطرديها...اقري

سلي نفسج في شئ مفيد...في رايج اذا ظليتي نكديه

و معصبه و تصارخين...هذه قوة شخصيه؟؟؟

ابدا..بالعكس كوني رااااايقه و هاديه...

و اصلا لو تعبتي و كنتي نكديه...بهذا تفتحين له المجال

و تعطينه الاعذار للخيانه..بيقول مجابلتني و كله مبوزه و معصبه!!!!!!

ام منوف:
لاني قتله اطلع جلستك بالبيت مطفشتني وللحين مارد والله واعلم ويش يسوي

غلط...كيف تطردينه من البيت...هذا معناه انك ماعاد ترغبين فيه...

و ممكن يعاندك و يسوي اشياء ثانيه...

و بعدين انتي اللي قلتيله اطلع...الحين تقولين الله يعلم شو يسوي؟؟؟

ترى ما ارتحتي لما كان عندج!!!!!!

شوفي...كوني وسط....لا تدلعينه فوووووق المعقول...

و لا تكونين قاسيه و جافه فوق المعقول...

خلي قلبج يتصرف مرات بس باشراف من عقلج...

كوني واثقه في نفسج...لا تطلبين و تشحتين منه الحب...

خليه هو اللي يعطيج اياه...

بين فتره و فتره دلعيه...

قعدي معاه ناقشيه في المواضيع اللي يحبها...

دام بس يتكلم في التلفون...معناه و ده يطلع اشياء في خاطره..

وده يتكلم مع احد...لا تقولي بساله شو تبا تقوب....لاااااااا

شوفي شو اهتماماته و اطلعي عليها...

و ناقشيه فيها...بيني مهتمه فيها بعد....

و خلي ربك في بالك دووووووووووم...

ادعيه...و اطلبيه...ما بيردك خايبه باذنه تعالى

الله يسر اموركم و يصلح حالكم...

اللهم اجعله لها سكنا و اجعلها له سكنا

و اجعل بينه و بينها مودة و رحمه...

@

@ green apple @

مشرفة سابقة

18-05-2007 | 12:18 AM

لا حول ولا قوة الا بالله ربنا يهديلك حالك ويريح بالك

بس كلمة صغيرة << اللى فية طبع مش بيغيرة

لوشن من صنع يديكى لكعوب زى المرمر >> وداعا للتشقاقات >> مع حبيبة خطيبها
لو عندك مشكلة فى اظافرك او خشونة بجلد ايديكى الحل عندى مع *** حبيبة خطيها
لذوات البشرة الدهنية^^ المحترقة من اشعة الشمس ^^ ماسك هدية ليكم من حبيبها خطيبها
كعبك زى كعب الاطفال بالظبط ... طريقة مجررربة
بتعانى من النمش ؟؟ عايزة تتخلصى منة ؟؟ الحل مع ** حبيبة خطيبها **
وصفة للقضاء على قشرة الشعر ومن اول مرة << بالصور >> مع حبيبة خطيبها

كيفية عمل شامبو طبيعى ومفيد فى بيتك مع ** حبيبة خطيبها **
اصنعى البلسم المفضل لكي ومثبت شعرك بايديكي ** مع حبيبة خطيبها **
اسهل طريقة لاستشوار الشعر فى البيت ..بالصور .. حبيبة خطيبها

رحلة عنائى مع شعرى .. من شعر تااالف .. لشعر كلة حيوية .. تجربتى بالصووور
ملف كامل للتداوى بالاعشااب مع*** حبيبة خطيبها ***
لكل من تعانى من الام القدم * العلاج الطبيعى لهذا الالم ** حبيبة خطيبها
للباحثات عن الرشاقة..تمارين تساعد الحمية فى انقاص الوزن .. حبيبة خطيبها
اعملى الرجيم المناسب ليكى حسب فصيلة دمك .. حبيبة خطيبها

س

سرايا الحب

عروس رائعة

18-05-2007 | 01:07 AM

الله يعينج الصراحه اختي :sad:
صح ان زوجج غلط وياما ناس تغلط .. بس حبيبتي ادري ان الموقف صعب بس لا تحاولين انج تخسرينه
سامحيه هاي المره .. بعدين حبيبتي ليش اتدخلين اهلج في الموضوع انتي تقدرين اتحلين مشاكلج معاه ..
بعصبيتج وصراخج ما راح تحلين شي .. ادري انج زعلانه وضايق خلقج والي صار مش هين .. اجلسي معاه بهداوه و كلميه بلين قوليله هل قصرتي معاه في شي.. الريال يريد اهتمام زياده صدقيني على ايدج بيتغير باذن الله .. غيري من اسلوبج معاه ابعدي عنج الصراخ و الضيق .. خليه يحس انج انتي الي يثق فيها وانتي الزوجه والصديقه والحبيبه .. لا تلومينه بالي صار يمكن يحس بغلطته .. يوم بيدخل البيت قوليله هلا حبيبي بينيله انج ناسيه الموضوع وان ماصار شي .. صدقيني هو بيستغرب وبيحس .. مرات الريال يتلوم على الي سواه .. خليه يتوله انه يجلس في البيت ويتوله على شوفتج وشوفت عياله .. لا تطردينه وتبينيله انج طفشانه منه انتي جذيه تسمحين لغيرج انها تاخذه منج .. ترضين انه يترك الحلال ويدور على الحرام في الشارع :angry:
فكري حبيبتي والله اني اريد مصلحتج لانج اخت غاليه
الله يبعده عنه بنات الحرام ويسر اموركم ويصلح مابينكم

بأيدج تغيرينه يا شطوره :shy:

•

•● Candy ●•

عروس مشرقة

18-05-2007 | 01:17 AM

الله يعيينج حبيبتي ويهديه لج

صراحه من كثر المشاكل صار الواحد يخاف يتزوج

الله يوفق الجميع ان شاءالله

ع

عيون من ماس

عروس مشرقة

18-05-2007 | 04:59 AM

الصراحه أنا مع كلام الأخت ندايم كلامها 100% صح وعقلاني

غ

غرٍوٍب

عروس مبدعة

18-05-2007 | 09:57 AM

انا اشوف ان المواقف هذيس لازم تنأخذ بحزم وعصبيه مو بمثاليه فالتصرف هو ما كسؤ بياله شاي هو خانها ليه لسى اسوي نفسي اني العاقله

الرجال لازم ينكرش كرشه تهزه بس لاتطلعين من البيت

احرجيه واجرحيه من ناحيه الثقه

انا متملكه بس لو فمككانها احس انه ماله امان دمر الثقه مره

الله يكون فعونك ويصلح حال زوجك ويسعدك

ويحفظنا

غ

غرٍوٍب

عروس مبدعة

18-05-2007 | 10:07 AM

[grade="00008B FF6347 008000 4B0082"]
انا اشوف ان المواقف هذيس لازم تنأخذ بحزم وعصبيه مو بمثاليه فالتصرف هو ما كسؤ بياله شاي هو خانها ليه لسى اسوي نفسي اني العاقله

الرجال لازم ينكرش كرشه تهزه بس لاتطلعين من البيت

احرجيه واجرحيه من ناحيه الثقه

انا متملكه بس لو فمككانها احس انه ماله امان دمر الثقه مره

الله يكون فعونك ويصلح حال زوجك ويسعدك

ويحفظنا[/grade]

m

mume_25

عروس نشيطة

18-05-2007 | 10:54 AM

[CELL="filter:;"][ALIGN=right]الله يعينج اختى . اهم شى فكري بعيالج[/CELL]

س

سمراءالسودان

مشرفة سابقة

30-05-2007 | 03:00 AM

الله يكون في عونك

ع

عيني تحبك

مشرفة سابقة

30-05-2007 | 03:32 AM

انا مع كلام الاخت ندايم كلام العقل
واحب ازيد ان الرجل مايحب الانسانه اللي مش واثقه بنفسها
وسامحيه واغفري له لان اذا ماتعلمتي تغفرين راح تكونين ضحيه
عسى الله يهديلك زوجك ويجعله قرة عينك

غ

غزالة الحب

عروس مبدعة

30-05-2007 | 03:45 AM

وانا مع ندايم

واذا مانفع اشتري نفسك واعصابك احسن من تعيشين كل يوم بكابوس ويصيبك جنون

واليهال مو انتي السبب بضياعهم انتي تحملتي

ابوهم السبب

اشمعنا اهو ما يفكر نفس التفكير باليهال ؟؟

الصراحة لو انا

اسامح مرة

اسامح على نزوة
مو على طول

بعدين بالنهاية افقد احساسي بالكرامة واصير مذلولة

سامحيني اختي بس مبين ان هذا طبع فيه

لاتزعلين مني من قوتة شاري خط ثاني وانتي معاة بنفس السرير وماتدرين

شنو تترجين منة واشلون تثقين فية بعد ؟؟

واذا على كرامتج سامحتي شنو الاشياء الي بتزعلين منها وماراح تسامحينة ؟؟

هذا رايي

بس انتي قلبج وايد رهيف وضعيف وسهل تصدقين

لاتسوينة

س

سمنة غنم

عروس متألقة

11-06-2007 | 04:49 PM

لااله الا الله اختي انا مقدره شعووورك واذكرك انه ليس التسرع بالامور هي الحل وقبل كل شئ دائما اذا عملتي اي عمل لزوجك دائما اخلصي النيه لله لان الاخلاص اساس الحياة لاتاخذين اي كلام من الناس وتطبقينه الابعد تفكير وقبل كل شيئ غاليتي الجاي الى الله واحسني الظن فيه وتذكري قوله انا عند حسن ظن عبدي بي ان ظن خيرا فله وان ظن شرا فله فالذي خلق زوجك قادر على تغييره بلحظه لو ايقنتي بهاذا الكلام لهدا قلبك واطمان واذكرك اختي بشئ والله انه له تاثير عجيب عليك بالصدقه فهي تدفع عنك البلاء وتطفئ غضب الرب فالعبد لايخلى من الذنوب فالمشاكل والمحن والامراض والهموم كلها بما كسبت ايدينا :1_81::1_81:اليكي اختي كيف تخرجن الصدقه ووالله لها شئ عجيب وسوف تدعين لي كل يوم اخرجي ريالين وانوي الريال الاول لزوجك واطفالك واهلك والمسلمين والثاني للذي طاله اذى منك لحد ماتاصلين شهر ثم اعطي المبلغ لمستحقه وهاكذا كل شهر يعني يكون 60 ريال شهري وتذكري دائما ان امر ابن ادم كله خير له واسفه على الاطاله