السلام عليكم ورحمة الله وبركاتة
اخباااركم حبيبباتي
والله اني اعاااني معاااانااه مايعلم بها الا رب العالمين وتعباانة وقلبي يعورني من صج مجررروحه
انا باقولكم السااالفة وعطوني راايكم بصراااحة :sad:
خطيبي الحمدالله يقدرني بس صاار موقف من كم يوم وانا لين الحين متأثرة منة اولا انا دبدوبة والكل عاجبة منتي يعني متن متاسق قبل لا نكتب الكتاب شافني طبعا النظرة الشرعية :qaq:
وعجبتة وقالة ابوي شفت البنت مربربة قاااال ابيها المهم بعد كتب الكتاب قعدنا وسولفنا وقااالي ياااحلوة ابيج تضعفين لي انا حبيتج عشان جمااالج واخلاقج بس لو تضعفين بتكونين احلى وشووو قلت لة طبعااا انشاء الله :shy:
المهم اتفقنا انا وياااه ان مانعمل خطوبة عشااان نوفر لكن تحت ضغط امي وامة خضعنا للأمر الواقع وسوينا الحين تبتدي المشكلة لما دخلنا المجلس انا وياة بعد الزفة تتوقعون شو قااااالي
متى بتدخلين ناااادي رياااضي هااالشي قهرني لكن مابينت قعدت ابتسم وفي وجهة بدون رد بداال مايقولي طالعة قمر والا كلام حلو يقولي متى بتسوين رياضة
الموقف الثاني بعد مشادة كلامية بيني وبينة تدرون شي قولي انا ماكنت ابي اسوي خطوبة عشااان مانصور وقلت لة ليش قال لانج دبدوبة وانا كنت ابيج تضعفين ونصور للعرس احلى الصور بصرااحة مااازعلني بس جرحني جرح عمري ما انساااة (w)
حااولت انسى بس ماقدرت كلمتة ترن في اذني :confused:
وهو حاااس انة زعلني بس ما عتذر لا قاااعد يتملحس ويكلمنة حبيبتي وروحي بس لين الحين الشي حاااز في خاااطري قولو لي شلون اتصرف وانا م قااادرة انسى :sad:
جرح خطيبي نقطة سودة بحياتي ماا اقدر انساااهااا
ر
17-05-2007 | 12:12 PM
ح
17-05-2007 | 01:08 PM
تبين الصراحه مالومج .. يعني هو شافج ويدري انج دبدوبه .. ومقتنع في جمالج واخلاقج .. ليش كل شوي يعايرج ؟
شوفي حبيبتي بقولج .. انا مثلج دبدوبه وخطيبي ضعيف .. طبعا شافني وقبل لايشوفني امه قالت له ترى البنت بعافيه .. غير جذيه لما قربت الملجه واااايد متنت والحين حتى ماحب اشوف الصور .. وطبعا كل يوم والثاني احس من نظراته انه يبيني اضعف .. قلت له شوف انا بضعف انشالله لكن ابيك تكون واقف معاي وتشجعني .. اذا عايرتني ولا قطيت علي كلمه جارحه بيأثر واااايد على نفسيتي وصج صج بتحطم ..
اشتركت في الدايت سنتر ومشيت .. والحين ضعفت بس مب وايد .. بس صدقيني جمال الروح يطغه على كل شي .. صج كان يجرحني أول الأيام بس بعدين لما شافني جاده في الموضوع واتعب عشان اوصل للوزن اللي ابيه قال لي خلاص وقفي ..
انتي فهميه ان بكلامه وجرحه لج مابتقدرين تخطين خطوه ايجابيه .. انسي كل اللي قاله لج .. كل وحده منا لازم بتسمع من خطيبها كلمه تغث .. لكن اذا تميتي جذيه شايله عليه مع الايام بتكرهينه .. بس اهم شي تقعدين معاه مثل ماسويت انه وتتناقشين في هالموضوع ..
طمنيني عليج وبكون معاج على طول انشالله
شوفي حبيبتي بقولج .. انا مثلج دبدوبه وخطيبي ضعيف .. طبعا شافني وقبل لايشوفني امه قالت له ترى البنت بعافيه .. غير جذيه لما قربت الملجه واااايد متنت والحين حتى ماحب اشوف الصور .. وطبعا كل يوم والثاني احس من نظراته انه يبيني اضعف .. قلت له شوف انا بضعف انشالله لكن ابيك تكون واقف معاي وتشجعني .. اذا عايرتني ولا قطيت علي كلمه جارحه بيأثر واااايد على نفسيتي وصج صج بتحطم ..
اشتركت في الدايت سنتر ومشيت .. والحين ضعفت بس مب وايد .. بس صدقيني جمال الروح يطغه على كل شي .. صج كان يجرحني أول الأيام بس بعدين لما شافني جاده في الموضوع واتعب عشان اوصل للوزن اللي ابيه قال لي خلاص وقفي ..
انتي فهميه ان بكلامه وجرحه لج مابتقدرين تخطين خطوه ايجابيه .. انسي كل اللي قاله لج .. كل وحده منا لازم بتسمع من خطيبها كلمه تغث .. لكن اذا تميتي جذيه شايله عليه مع الايام بتكرهينه .. بس اهم شي تقعدين معاه مثل ماسويت انه وتتناقشين في هالموضوع ..
طمنيني عليج وبكون معاج على طول انشالله
ن
17-05-2007 | 01:10 PM
ليكي حق تزعلي
معظم الاولاد مش بيعرفوا يقولوا كلام حلو
يمكن هو عشان بيحبك عايزك دتيما في الافضل
حبيبتي خديها بنيه طيبه انه بيحبك وبيتمنالك الصحة والخير
لو مش بيحبك مكنش ارتبط بيكي
متزعليش منه
عادي
وحاولي تضعفي شويه وان شاء الله هتشوفي وتسمعي احلى الكلام ان شاء الله
معظم الاولاد مش بيعرفوا يقولوا كلام حلو
يمكن هو عشان بيحبك عايزك دتيما في الافضل
حبيبتي خديها بنيه طيبه انه بيحبك وبيتمنالك الصحة والخير
لو مش بيحبك مكنش ارتبط بيكي
متزعليش منه
عادي
وحاولي تضعفي شويه وان شاء الله هتشوفي وتسمعي احلى الكلام ان شاء الله
ا
17-05-2007 | 02:48 PM
وانا بعد مثلج خطيبي يحن علي متى بتضعفين ويلله سوي رياضه مع اني مب متينه وزني 67 بس اهو يبيني رشيقه والبطن يرووووح مع انه هذي صعب اقوله انته شفتني قبل((النظره الشرعية)) بس يقولي ابيج احلى يقص علي بهالحجي والله الحين اسوي رياضه واحاول اضعف مع انه كل من يقولي اصلا انتي مب متينه وانتي ضعفتي عن قبل بس هو يقولي لا للحين.... اووووووف امته نضعف وتنحل هالعقده والله يعينا جميعا ويجملنا في عيون ازواجنا آمين يارب العالمين
ل
17-05-2007 | 02:57 PM
نقصي وزنك بدجون لايدري انه عشانه لان الرجال بوجه عام يحبون الرشيقه
s
17-05-2007 | 03:11 PM
الله يعينك
بصراحه كلنا نعاني من هالشئ
انا اقولك خليه يعرف انك زعلانه وانه المفروض يكون عنده اسلوب ارقى من كذا
وانتي يا غاليتي اشتغلي على نفسك بدون ما يدري وفاجئه بجسمك بعد وقت
اهم حاجه ادعي ربك يوفقك معاه لانه الحياه صعبه لو من اولها حتقولي متضايقه مره صعب لازم يكون عندك طموح وعزيمه انك تغيرين فيه هذا الشئ
والله يوفق عرايسنا للخير والصلاح:shy:
بصراحه كلنا نعاني من هالشئ
انا اقولك خليه يعرف انك زعلانه وانه المفروض يكون عنده اسلوب ارقى من كذا
وانتي يا غاليتي اشتغلي على نفسك بدون ما يدري وفاجئه بجسمك بعد وقت
اهم حاجه ادعي ربك يوفقك معاه لانه الحياه صعبه لو من اولها حتقولي متضايقه مره صعب لازم يكون عندك طموح وعزيمه انك تغيرين فيه هذا الشئ
والله يوفق عرايسنا للخير والصلاح:shy:
ش
17-05-2007 | 03:30 PM
رومنسيه قطريه
والله العظيم عادي بتنصدمين واجد من طريقه كلام الرجاجيل
واخذي الامور بروح رياضيه واقلبيها ضحك ومزح لان الحساسيه الزايده تبعدكم عن بعض
على الاقل هو احسن من رفيج زوجي يقول لج بويهج مو من وراج
الله يسلمج رفيج ريلي زوجته متينه ماقال لها اضعفي ولا قال لها انتي متينه يستحي منها راح يشتكي حق زوجي طبعا زوجي قال لي انا احتقرته قلت ليش مايول لها بينه وبينها ليش قاعد يتشكى ويفضحها الحمدلله ان زوجك سيده وماينافق بالعكس هذا معناه انه شاريج ويحبج
فيه مثل يقول بكيني ولا تضحك الناس عليا
واذا قال اضعفي قولي له انا دمي وجسمي اميري
انا اسوي جذي بريلي
كل مايقول خفي شوي اقول ليش تبغيني اسوي مثلك تكسر الخاطر جنك مجاعه افريقيا ومن هالحجي للين ماتعود علي وعلى مزاحي
وخلك واثقه من نفسك انتي موقطعه ثوب يفصلها على كيفه من الحين اقول لك
والله العظيم عادي بتنصدمين واجد من طريقه كلام الرجاجيل
واخذي الامور بروح رياضيه واقلبيها ضحك ومزح لان الحساسيه الزايده تبعدكم عن بعض
على الاقل هو احسن من رفيج زوجي يقول لج بويهج مو من وراج
الله يسلمج رفيج ريلي زوجته متينه ماقال لها اضعفي ولا قال لها انتي متينه يستحي منها راح يشتكي حق زوجي طبعا زوجي قال لي انا احتقرته قلت ليش مايول لها بينه وبينها ليش قاعد يتشكى ويفضحها الحمدلله ان زوجك سيده وماينافق بالعكس هذا معناه انه شاريج ويحبج
فيه مثل يقول بكيني ولا تضحك الناس عليا
واذا قال اضعفي قولي له انا دمي وجسمي اميري
انا اسوي جذي بريلي
كل مايقول خفي شوي اقول ليش تبغيني اسوي مثلك تكسر الخاطر جنك مجاعه افريقيا ومن هالحجي للين ماتعود علي وعلى مزاحي
وخلك واثقه من نفسك انتي موقطعه ثوب يفصلها على كيفه من الحين اقول لك
r
17-05-2007 | 03:39 PM
حبيبتي ... معلييه ...
يمكن هو ماعنده اسلوب و مايعرف ينسق الكلام بصورة لبقه ...
بس اكيد في النهاية هو يحبج و شاريج ....
انتي ماعليج منه .. ولا تعتبرينها جرح لانوثتج لانج واثقة من نفسج ...
يعني قوليلخ بهدوء كلامك ... جرحني شوي .... و ماكان في وقته .. و من هل كلام و هو انشالله بيدارك الي قاله ... و مابيعيدها
وانتي حاولي ماتاخذي المساله بحساسية وايد ... و قوليلي انشالله بضعف بس بعد متني مو عيبي الحمدلله انا حلوة في كل الاحوال ... الريال يحب البنت الواثقة ...
الله يوفقكم انشالله
يمكن هو ماعنده اسلوب و مايعرف ينسق الكلام بصورة لبقه ...
بس اكيد في النهاية هو يحبج و شاريج ....
انتي ماعليج منه .. ولا تعتبرينها جرح لانوثتج لانج واثقة من نفسج ...
يعني قوليلخ بهدوء كلامك ... جرحني شوي .... و ماكان في وقته .. و من هل كلام و هو انشالله بيدارك الي قاله ... و مابيعيدها
وانتي حاولي ماتاخذي المساله بحساسية وايد ... و قوليلي انشالله بضعف بس بعد متني مو عيبي الحمدلله انا حلوة في كل الاحوال ... الريال يحب البنت الواثقة ...
الله يوفقكم انشالله
ا
17-05-2007 | 04:04 PM
اهم شي ياعمري انك تجلسين معاه وتفهمينه ان هذاالشئ يزعلك ويجرحك وياثرعلى نفسيتك ولاتتكلمين باسلوب ينرفز خليهاباسلوب دلع وحزن لاني عارفه انك مقهوره واذاتكلمت في هاالموضوع بتنفخين وتصارخين لانك مجروحه اضغطي على نفسك شوي وخذي منه وعد انه مايجرحك مرهثانيه بسمنتك بل عكس المفرض يساعدك ويشجعك ويكون الداعم لك انت قوليله هاالكلام واناواثقه انه بيندم لانه يحسب بكلامه هذابتنقهرين وعلى طول تحاولين تنحفين مايدري مسكين ان هذا الشئ يجرح حرام هو يحبك والله يعين كل الحريم على رجالهم والله يسعدك ياعمري
ق
17-05-2007 | 04:21 PM
من ناحيته هو صج غلطانه بس لا تحطين ف بالج جي مشكله بسيطه ممكن تاثر على علاقتكم
اعتبريها كلمه واناقالت وشي وصار وحطي ف بالج ان الدنيا ماتسوى
خلج هاديه شن علاقتكم تكون اوكيه
واذا تبين نادي رياضي انا بقولج ع الخاص
والله يوفقج ياربي
اعتبريها كلمه واناقالت وشي وصار وحطي ف بالج ان الدنيا ماتسوى
خلج هاديه شن علاقتكم تكون اوكيه
واذا تبين نادي رياضي انا بقولج ع الخاص
والله يوفقج ياربي
ب
17-05-2007 | 04:25 PM
حبيبتي يارومنسية قطر لاتضايقين روحج ...
صدقيني في وايد رياييل يجرحون ومايحسون انه جرحو شخص .. وخاصة احنا البنات وايد حساسات
فلو انتي حسستيه انج مضايقة .. من كلامه صدقيني بيقولج انا ماكنت اقصد اجرحج ولا كنت اقصد اضايقج
مجرد وجهة نظر .... شرات ريلي اذا قال لي كلمة على طول ابين اني زعلت ماحط شي بخاطري واول كلمة يقولها
ياحبيبتي انتي زعلتي انا والله ماقصد اضايقج انزين خلاص انا اسف ...
وقولي له الرياييل يحبون البنت المربربة ... وانت تحب العصقولة ...
ليش عيل وافقت عليه ؟؟؟ قولي اللي خلقني خلق مليون غيري ؟؟؟ اذا انت فعلا تحبني بتتقاضى عن وايد اشياء
وانتي شوي شوي اضعفي وصدقيني تقدرين ... لا تعطيه فرصة يعلق وربي يوفقك يارب
بعطيج مثال .. شوفي الممثلة الهام فضالة ... ماشاء الله وايد مليانة وقصيرة ... بس تحسيها كلها انوثة
وجسمها وايد حلو ... تحسي فيها انوثة طاغية ... والله انا اقول في خاطري ابى اصير مثلها اذا عرست ...
انتي اكشخي سوي مثل الهام فضالة .. شوفي كيف ريلج بيموت عليج ...
وشوي شوي اضعفي لين تصدميه .... وربي يسهل عليج ياحلوة
صدقيني في وايد رياييل يجرحون ومايحسون انه جرحو شخص .. وخاصة احنا البنات وايد حساسات
فلو انتي حسستيه انج مضايقة .. من كلامه صدقيني بيقولج انا ماكنت اقصد اجرحج ولا كنت اقصد اضايقج
مجرد وجهة نظر .... شرات ريلي اذا قال لي كلمة على طول ابين اني زعلت ماحط شي بخاطري واول كلمة يقولها
ياحبيبتي انتي زعلتي انا والله ماقصد اضايقج انزين خلاص انا اسف ...
وقولي له الرياييل يحبون البنت المربربة ... وانت تحب العصقولة ...
ليش عيل وافقت عليه ؟؟؟ قولي اللي خلقني خلق مليون غيري ؟؟؟ اذا انت فعلا تحبني بتتقاضى عن وايد اشياء
وانتي شوي شوي اضعفي وصدقيني تقدرين ... لا تعطيه فرصة يعلق وربي يوفقك يارب
بعطيج مثال .. شوفي الممثلة الهام فضالة ... ماشاء الله وايد مليانة وقصيرة ... بس تحسيها كلها انوثة
وجسمها وايد حلو ... تحسي فيها انوثة طاغية ... والله انا اقول في خاطري ابى اصير مثلها اذا عرست ...
انتي اكشخي سوي مثل الهام فضالة .. شوفي كيف ريلج بيموت عليج ...
وشوي شوي اضعفي لين تصدميه .... وربي يسهل عليج ياحلوة
C
17-05-2007 | 04:45 PM
اخذي الامور بروح رياضيه واقلبيها ضحك ومزح لان الحساسيه الزايده تبعدكم عن بعض
ويمكن هو من النوع اللي يحب يمزح بهالطريقة
والله يوفقج انشاالله
ويمكن هو من النوع اللي يحب يمزح بهالطريقة
والله يوفقج انشاالله
ا
17-05-2007 | 05:21 PM
معظم الرياييل مايعرفون يتملحسون
يعني اللي مب عاجبه يقوله فالويه
انا عارفه شعورج بالضبط
لاتضايقين بكره اذا تزوجتوا وعاش معاج بيحبج علشان جوهرج قبل مظهرج واصلا بيحب شكلج الخارجي
بس انتي حاولي تضعفين ياحبيبتي لاتقعدين تصيحين على كلمه بالعكس اخذيها حافز لج وتغيري واضعفي
عالعموم هاليومين الرياييل شايفيييييييين بلاوي واجسام فالتلفزيون افتحي التلفزيون وفري القنوات بالدور اتحداج تحصلين وحده جسمها مب اوكي
هالشي يغير تفكيرهم
اتمنى لج التوفيق
يعني اللي مب عاجبه يقوله فالويه
انا عارفه شعورج بالضبط
لاتضايقين بكره اذا تزوجتوا وعاش معاج بيحبج علشان جوهرج قبل مظهرج واصلا بيحب شكلج الخارجي
بس انتي حاولي تضعفين ياحبيبتي لاتقعدين تصيحين على كلمه بالعكس اخذيها حافز لج وتغيري واضعفي
عالعموم هاليومين الرياييل شايفيييييييين بلاوي واجسام فالتلفزيون افتحي التلفزيون وفري القنوات بالدور اتحداج تحصلين وحده جسمها مب اوكي
هالشي يغير تفكيرهم
اتمنى لج التوفيق
ك
17-05-2007 | 06:00 PM
الكلام مؤلم صح بس الفعل اصعب ايضا
دام انه يقولج جذي ضعفي بدون توتر
ياما رجال يكتبون قصايد مدح بزوجاتهم وهم من وراهم عندهم علاقات والعياذبالله
خليه يصارحج بكل اللي بخاطره بس قوليله الاسلوب خله الطف شوي
والله اعلم
دام انه يقولج جذي ضعفي بدون توتر
ياما رجال يكتبون قصايد مدح بزوجاتهم وهم من وراهم عندهم علاقات والعياذبالله
خليه يصارحج بكل اللي بخاطره بس قوليله الاسلوب خله الطف شوي
والله اعلم
ش
17-05-2007 | 06:32 PM
ولاتزعلين منه ياقلبي كلام الرياييل دائما دفش وانشاءالله الله بيهدي سركم
غ
17-05-2007 | 07:07 PM
السلام عليكم
ما اعرف شقولج
الرياييل دومهم دفشين فشي طبيعي منه انه يقول هالشي
بس بصراحة من حقج تزعلين........................
لا تاخذين بخاطرج وحاولي تفهمينه ان الواحد هب من السهل انه يضعف
وانج بتحاولين وما في داعي للتذكير
ما اعرف شقولج
الرياييل دومهم دفشين فشي طبيعي منه انه يقول هالشي
بس بصراحة من حقج تزعلين........................
لا تاخذين بخاطرج وحاولي تفهمينه ان الواحد هب من السهل انه يضعف
وانج بتحاولين وما في داعي للتذكير
s
17-05-2007 | 07:12 PM
لاتزعلين منه حبيبتي اي زوج يتمنى زوجته احلى وحده صح كلامه يعور بس عادي خديها بروح رياضيه
انا عكسك ضعيفه ويقول اسمني هه كنت قبل ازعل الان تعودت اضحك ويارب تضعفي ويبعد جرحك
انا عكسك ضعيفه ويقول اسمني هه كنت قبل ازعل الان تعودت اضحك ويارب تضعفي ويبعد جرحك
ر
20-05-2007 | 09:08 AM
حصابي _ قطر:
تبين الصراحه مالومج .. يعني هو شافج ويدري انج دبدوبه .. ومقتنع في جمالج واخلاقج .. ليش كل شوي يعايرج ؟
شوفي حبيبتي بقولج .. انا مثلج دبدوبه وخطيبي ضعيف .. طبعا شافني وقبل لايشوفني امه قالت له ترى البنت بعافيه .. غير جذيه لما قربت الملجه واااايد متنت والحين حتى ماحب اشوف الصور .. وطبعا كل يوم والثاني احس من نظراته انه يبيني اضعف .. قلت له شوف انا بضعف انشالله لكن ابيك تكون واقف معاي وتشجعني .. اذا عايرتني ولا قطيت علي كلمه جارحه بيأثر واااايد على نفسيتي وصج صج بتحطم ..
اشتركت في الدايت سنتر ومشيت .. والحين ضعفت بس مب وايد .. بس صدقيني جمال الروح يطغه على كل شي .. صج كان يجرحني أول الأيام بس بعدين لما شافني جاده في الموضوع واتعب عشان اوصل للوزن اللي ابيه قال لي خلاص وقفي ..
انتي فهميه ان بكلامه وجرحه لج مابتقدرين تخطين خطوه ايجابيه .. انسي كل اللي قاله لج .. كل وحده منا لازم بتسمع من خطيبها كلمه تغث .. لكن اذا تميتي جذيه شايله عليه مع الايام بتكرهينه .. بس اهم شي تقعدين معاه مثل ماسويت انه وتتناقشين في هالموضوع ..
طمنيني عليج وبكون معاج على طول انشالله
مراااحب يالغالية حبيبتي اولا مشكورة على مرورج والحمد الله هو تفهم الموضوع
ر
20-05-2007 | 09:32 AM
ناني فيس / مشكورة ياغالية على مرورج
الحلم الضايع / الله يعطيج العافية على تعليقج
لمسة حنان / عساج على القوة
sama-moon/ ماقصرتي ياعيوني
شونيز / مشكورة على تعليقج واهتمامج
دلوعة باباتها /الله يخليج لباباتج يااارب
ايمي15 / الله يوفقج ويستر عليج
sarah-uk/ صج حبيبتي كلامج عدل كل وااحد يببي الزين لنفسة
قلبي قاسي / يااااارب الله يوفقج ويفتح ابواب الرزق بويهج
بنت حسب ونسب/ حبيبتي كلامج عين العقل ويرفع المعنويات
cute Mother/ باخذ بنصيحتج احسن ان الروح الرياضة ترفع المعنويات
انجي قطر/ صاجة يالغالية بكرة بيندم على كل كلمة قالها لين اكتشف جوهري
كنوز/ حبيبتي الله يعطيج العافية ويتكلم قدامي احسن مايخربط ويسويلة سوالف
شمس حياتة / صاجة يالغالية كلام الريايل وااايد دفش بس قلبهم نظيف
غلا القلب / عساج على القوة وباخذ نصيحتج بعين الاعتبااااار
الحلم الضايع / الله يعطيج العافية على تعليقج
لمسة حنان / عساج على القوة
sama-moon/ ماقصرتي ياعيوني
شونيز / مشكورة على تعليقج واهتمامج
دلوعة باباتها /الله يخليج لباباتج يااارب
ايمي15 / الله يوفقج ويستر عليج
sarah-uk/ صج حبيبتي كلامج عدل كل وااحد يببي الزين لنفسة
قلبي قاسي / يااااارب الله يوفقج ويفتح ابواب الرزق بويهج
بنت حسب ونسب/ حبيبتي كلامج عين العقل ويرفع المعنويات
cute Mother/ باخذ بنصيحتج احسن ان الروح الرياضة ترفع المعنويات
انجي قطر/ صاجة يالغالية بكرة بيندم على كل كلمة قالها لين اكتشف جوهري
كنوز/ حبيبتي الله يعطيج العافية ويتكلم قدامي احسن مايخربط ويسويلة سوالف
شمس حياتة / صاجة يالغالية كلام الريايل وااايد دفش بس قلبهم نظيف
غلا القلب / عساج على القوة وباخذ نصيحتج بعين الاعتبااااار
ا
20-05-2007 | 10:26 PM
والله حاله ياشيخه
المربربه يبونها تضعف
والعصقوله اللي مثلي يبونها تتربرب
ياربي وش نسوي عاد من زينهم هم الله واكبر يعني اللي مافيهم عيب
اسمعي ياحبيبتي
<==== ترى احياناً تكون افكاري مدمره بس كيفك عاد يمكن تنفع لان انا مخطوبه ووملكه مثلك
وفاقع قلبي خطيبي ... امتني ... ابي ارداف ... ابي صدر ... ابي خدود
وفي يوم من الايام طفح كيلي به ... تدرين وش سويت .. خخخخخخخخخ .. هو مكرش شوي عنده كرشه ......... قمت ابتليته بها واشغلته في نفسه .. شيل الكرشه هذي .. كنك شايب .. ماحب هالكرشه ومن هالكلام .. الين نسي موضوعي وانشغل بكرشته
انتي شوفي لك شي فيه واشغليه بنفسه ... بعدين لاتعطينه وجه ينتقد فيكي شي والله يابكره ماعاد يعجبه فيكي لو تعوووود ... اذا جاء بينقد عليك شي ... اعطيه العين الحمرا
بعدين حبيبتي انا كنت مملكه سنه وزواجي تاجل سنه بعد ... ولاحظت فيني عيب سبب كثير مشاكل بينا وانتي اعتقد فيكي هالعيب .. انك تتوقعين منه اشياء او كلام معين وتتفاجئن انه ما قاله لك .................!!
انتبهي من هالنقطه .. ترى هو شخص مستقل وكيان خاااص لاتتوقعين انه بيكون على مزاجك واللي بتتوقعينه منه بيسويه ..
ممكن تعودينه على وضع معين ... لكن تتوقعين واذا ماصار توقعك تزعلين .... لاااااا بتتعبين مثلي زماااااااان قبل مافهم زين
الله يوفقك ويكتب لك السعاده حبيبتي ويتمم زواجك على خير
المربربه يبونها تضعف
والعصقوله اللي مثلي يبونها تتربرب
ياربي وش نسوي عاد من زينهم هم الله واكبر يعني اللي مافيهم عيب
اسمعي ياحبيبتي
<==== ترى احياناً تكون افكاري مدمره بس كيفك عاد يمكن تنفع لان انا مخطوبه ووملكه مثلك
وفاقع قلبي خطيبي ... امتني ... ابي ارداف ... ابي صدر ... ابي خدود
وفي يوم من الايام طفح كيلي به ... تدرين وش سويت .. خخخخخخخخخ .. هو مكرش شوي عنده كرشه ......... قمت ابتليته بها واشغلته في نفسه .. شيل الكرشه هذي .. كنك شايب .. ماحب هالكرشه ومن هالكلام .. الين نسي موضوعي وانشغل بكرشته
انتي شوفي لك شي فيه واشغليه بنفسه ... بعدين لاتعطينه وجه ينتقد فيكي شي والله يابكره ماعاد يعجبه فيكي لو تعوووود ... اذا جاء بينقد عليك شي ... اعطيه العين الحمرا
بعدين حبيبتي انا كنت مملكه سنه وزواجي تاجل سنه بعد ... ولاحظت فيني عيب سبب كثير مشاكل بينا وانتي اعتقد فيكي هالعيب .. انك تتوقعين منه اشياء او كلام معين وتتفاجئن انه ما قاله لك .................!!
انتبهي من هالنقطه .. ترى هو شخص مستقل وكيان خاااص لاتتوقعين انه بيكون على مزاجك واللي بتتوقعينه منه بيسويه ..
ممكن تعودينه على وضع معين ... لكن تتوقعين واذا ماصار توقعك تزعلين .... لاااااا بتتعبين مثلي زماااااااان قبل مافهم زين
الله يوفقك ويكتب لك السعاده حبيبتي ويتمم زواجك على خير