حاسة بتأنيب الضمير

اللهم صلي على محمد و آل محمد

يابنات البارح مانمت حاسة بتأنيب الضمير

مثل ماتعرفون انا ملكت من شهرين و بقى على زواجي شهر

و خلصت من تأثيث الشقه و الحمدلله كل شي اخترته وصل الشقه و ترتب في مكانه

لكن مر اسبوع من ملكتنا وجاء زوجي مره خلال ها الاسبوع و بعدها انا منعته من
جيته بيتنا او انه يشوفني

و الولد راعى راغبتي و نفذها لي و حاول كذا مره بطريق غير مباشر انه مشتاق لي
و انه وده يشوفني بس انا ارفض و يتقبل ها الشي مني

و البارح وهو يكلمني يسولف معي
يقول ان اخوه يروح بيت زوجته مرتين في الاسبوع وكم ساعه يجلس عندها
و ان ها الشي امر طيب و حسيت من كلامه ان ليش ان كذا ما حس بأيام الملكه وحلاوتها
و السبب انا:angry:
ها الكلام حسسني اني ظلمته و سلبت منه ايام سعيده المفروض انه عاشها
بوقتها وحلاوتها وطول الوقت و انا فكر فيه و في ظلمي له:confused: :confused:

و الامر الثاني اذا كلمني ما احب يطول معي في المكالمه استجيب معه في المكالمه
لكن من يطول اكثر من ساعه و نصف اطفش و اتملل منه ومن كلامه وروح اشتغل و ارتب غرفتي
وهو يكلمني :sad:

و الامر الثالث
من اسبوعين تقريبا حسيت اني ما ابغاه يكون زوجي:sad:
ودي انهي علاقتي فيه قبل الزواج و اتصل زوجي عليي و قلت له انا متضايقه
من شي ابغيك تدعيلي ان الله يدلني على الطريق السليم حاول يخفف عني همومي
الى ان ريحني كثييييييييير من كلامه وتعوذت من الشيطان الرجيم :shy:

والليله جاني نفس الشعور
اني ما ابغاه و ان حياتي مصيرها الفشل مع ها الانسان
و ان لازم اتحرك قبل الزواج و انهي الشي هذا:sad:

مع ان زوجي ملتزم كثيييييييير و كلامه معي دائما يثبته لي بأحاديث نبويه
ودائما يذكر لي احاديث عن الحياة الزوجيه و يرسل لي عند اخواني اشرطة محاضرات
عن الحياة الزوجيه
و اهل زوجي طيبين كثير لدرجة ان ام زوجي تتصل علي و تكلمني و تتطمن علي
و اقول لها يمه لاتتصلين انا بنتك و انتي امي المفروض انا الي اتصل عليك مو انتي
قالت لي وش فيها اذا الام تتصل على بنتها و تتطمن عليها:shy:

احيانا اقول في نفسي ان الاحساس الي احس فيه انا السبب
لأني لو سمحت له يجي ويجلس معي كان عرفته اكثر وصار الامر طبيعي


يا بنات شورو عليي الله يخليكم
انا البنت الكبيره في البيت ما اقدر اقول ها الكلام حق اهلي
لأنهم راح يهزؤني و يهاوشوني:angry:
تكفووون