غيرتي تحرقني ... ســاعدوني !!

السلام عليكم

مراحب بنات كيف حالكم ..؟ ..

بكتب لكم الي أعانيه باختصار ,, و ياليت تفيدوني بآرائكم ..

و هل أنتوا تعانون مثلي ؟؟

أنا صار لي متزوجه من 9 أشهر .. و أنا بطبعي غيوره حتى على اخواني و خوالي ..

يعني ما اخليهم يشوفون البنات الي يظهرون في التلفزيون ..

المهم ..

فأيام الخطبه بعد العقد ما كنت أحس أن عندي مشكله .. لأن كانوا اخواني يسمعون كلامي .. فما

حسيت انها مشكله كبيره ..

بعد العرس .. اكتشفت ان زوجي يحب يشوف الأفلام الانجليزيه ..

و فشهر العسل كنتتت أحتررررررررررررررق إذا أقعد حذاه و هو يتم يتابع فلم أجنبي ..

تفاهمنا و شرحتله إن هالشي ما أحبه و يضايقني صار ما يشوف جدامي .. يعني إذا كنت مب

موجوده يشوف و إذا أنا كنت جالسه معاه يحط أفلام كارتون ( و هالشي بعد يضايقنيييييييي )

لأني أحس إني صاكه عليه و أنا أمنعه من الاشياء الي يحبها بس ف نفس الوقت ما أحبه يشوف ..

و أنا أفر و أشوف القنوات .. قلبي يعورني أخاف يطلع منظر ما يعجبني ..

برى البيت أمووووووووت قهر إذا رحنا المجمعات من الاشكال الي تمر علينا .. و أحس أن وايد ناس يشوفونه ..

حتى إذا كانوا يشوفونا أحنا الاثنين تنبط جبدي ..

فما استانس اذا اطلع معاه ..

و لا استانس اذا اقعد ف البيت معاه

احس حياتي كلها غيره و قلق ..

مليييييييييييييييييييييييييييييييييييييييييييييييييييييييت ,, مليييييييييييييييييييييييييييييييييييييييت

شاسوي .... ساعدونننننننننننننننننننننننننننني !!!