بسم الله الرحمن الرحيم
حبيت اليوم احط لكم تجربتي مع ميني السينابون
شوفوا هذي صورهم اول ما طلعتهم من الفرن وحطيت عليهم صوص الايس كريم
وهذي صورهم بعد ما حطيت عليهم صوص الهيرشي مع الجوز المفروم
وهذي صورة عائليه للميني سينابون يتنتظرون الاعدام الجماعي هههههههههههههه
والحين تفضلوا الطريقه مع المقادير:
كيس عجينه البيف باستري المربع الصغير بدرجه حراره الغرفه
سكر خشن
زبده لينه
دارسين مطحون
كاكاو بودره
الطريقه :
تفردين شريحه وحده من العجينه على سطح مرشوش بالطحين
وبعدين بالفرشاه تمسحين العجينه بشويه زيده
وترشين السطح بالسكر الخشن
وبالمشخال الصغير ترشين الدارشين لين يختفي السكر
وبالمشخال ترشين الكاكاو البودره لين يختفي الدارسين
وتلفينه على شكل اسطوانه من الناحيه القصيره يعني بالعرض مش بالطول
وعقب تقطعينهم بالسكين سبع او ثمان قطع وتصفينهم في صينيه
ملاحظه هامه :
تحطين نفس الطبقات اللي سويتيها في العجين على الصينيه
يعني تدهنين الصينيه بالزبده وبعدين بالسكر والدارسين والكاكاو وبعدين تصفين السينبون
تدخلينهم الفرن لين ينتفخون ويحمرون شوي
ملاحظه هامه بعد :: لا تكثرين من الزبده في العجينه لانها بتطلع دسمه وايد
مقادير الصوص :
ملعقه اكل كبيره زبده لينه + ربع علبه حليب مركز + ملعقتين اكل كبار جبنه فيلادلفيا + ربع كوب ماي + ملعقتين اكل كبار نيدو بودره
تخلطينهم في خلاط العصير ولين جهز السينبون تصبينه عليه وهو حار وبعدين الهيرشي والجوز المطحون
وبالعاااااااااااااااااااافيه
ترى للامانه فكره البيف باستري شايفتها في احد المنتديات وطبقات الحشو والصوص شايفته في منتدى اخر وجمعت الراسين بالحلال وطلع هذا الطبق ههههههههههه
مع تحياتي : خطابه الحلويات ...... اقصد ثوب نشل
