زوجي و البيت - منتديات عروس

k

koool

عروس جديدة

15-05-2007 | 10:32 PM

بسم الله الرحمن الرحيم

بطرح عليكم مشكلتي و اللي منكده علي حياتي من كم سنه....انا متزوجه و عندي عيال ...عايشه في بيت اهل زوجي في غرفه.... مشكلتي اني كل ما اكلم زوجي في البنا او الايجار ...اما بيعصب..او ايطنش او ينكت.... ابدا ما احس انه ياخذ الموضوع بجديه.... و انا صراحه مب طايقه حياتي في بيتهم.... احس انه مبادئي و اسلوبي ما يتماشى و ياهم .... وابغي اربي عيالي على طريقتي ....بس طال ما انا عايشه وياهم هم يدخلون في كل شي .... حتى في لبسنا او وقت رقاد الصغاريه... دايما ينتقدوني و بينون اني ما اعرف كيف اتصرف.... والاهم من ها كله انه اخوانه في البيت و انا ما اخذ راحتي ابدا..... احس انهم يبون يتصيدون علي اي حركه .... ولا على هذا كله يدخلون حجرتنا من دون استاذان...تخيلوا ... حتى وانا في حجرتي لازم البس جلابيه و شيله .... صراحه مب حاله .....في الفتره الاخيره بديت احس بالضيج و قلبي يتم يعورني كل ما دخلت البيت .... احس اني بمرض :sad: .... بس ريلي عايبنه الوضع و ما يفكر انه يطلع من بيت اهله .... يقولي انتم عندم احسن ....
الله يخليكم عطوني حل ... ابغي احس بستقرار نفسي ... ابغي احس انه لي بيت ... ابغي اقنعه باي طريقه انه يبني لي ولو ملحق بس بعيد عن بيت اهله...(f)

@

@ green apple @

مشرفة سابقة

15-05-2007 | 11:08 PM

بصراحة يا حبيبتى الله يكون فى عونك

بصراحة وضع صعب اوى اللى انتى بتحكي علية دة

ربنا يهديلك زوجك ان شاء الله

لوشن من صنع يديكى لكعوب زى المرمر >> وداعا للتشقاقات >> مع حبيبة خطيبها
لو عندك مشكلة فى اظافرك او خشونة بجلد ايديكى الحل عندى مع *** حبيبة خطيها
لذوات البشرة الدهنية^^ المحترقة من اشعة الشمس ^^ ماسك هدية ليكم من حبيبها خطيبها
كعبك زى كعب الاطفال بالظبط ... طريقة مجررربة
بتعانى من النمش ؟؟ عايزة تتخلصى منة ؟؟ الحل مع ** حبيبة خطيبها **
وصفة للقضاء على قشرة الشعر ومن اول مرة << بالصور >> مع حبيبة خطيبها

كيفية عمل شامبو طبيعى ومفيد فى بيتك مع ** حبيبة خطيبها **
اصنعى البلسم المفضل لكي ومثبت شعرك بايديكي ** مع حبيبة خطيبها **
اسهل طريقة لاستشوار الشعر فى البيت ..بالصور .. حبيبة خطيبها

رحلة عنائى مع شعرى .. من شعر تااالف .. لشعر كلة حيوية .. تجربتى بالصووور
ملف كامل للتداوى بالاعشااب مع*** حبيبة خطيبها ***
لكل من تعانى من الام القدم * العلاج الطبيعى لهذا الالم ** حبيبة خطيبها
للباحثات عن الرشاقة..تمارين تساعد الحمية فى انقاص الوزن .. حبيبة خطيبها
اعملى الرجيم المناسب ليكى حسب فصيلة دمك .. حبيبة خطيبها

د

ديم - قطر

عروس رائعة

15-05-2007 | 11:12 PM

الله يهدي لج زوج ان شاء الله ,, وانتي مو اول وحدة.. الله يفرج عليكم

&

ღ فجر البشيري ღ

عروس ماسية

15-05-2007 | 11:21 PM

بصراحه وضعك صعب وكلامك معبر لكن وشلون تقنعينه اللي هو زوجك
بخروجكم من بيت اهله يمكن لو لحيتي عليه بيحس انك ماتحبينهم ولو سكتي صعب تجلسين طول عمرك مقهورة المشكلة شايكةحبيبتي حاولي تقنعينه بهدوء انكم لازم تستقلين بحياتكم مو كره في العيشة مع اهلة لا سمح الله لكن علشانكم وعلشان مستقبل عيالكم حاولي قد ماتقدرين بهدوء وشوي شوي انشاء الله يارب يقتنع والين يقتنع لا تخلي حياتكم جحيم حاولي تتعايشي مع وضعك والله يوفقك

ب

بنت زايد

عروس مبدعة

15-05-2007 | 11:39 PM

هلا اختي..

تقريبا الكل يعاني بنفس مشكلتج.. بس اصبري يمكن ريلج ما يقدر الحين شوي شوي عليه...
وانا بعد خاطري اطلع من البيت ويكون لي بيت بروحي متى ايي هاليوم...
انتي من الامارات...؟؟؟ ماعندج ارض !! او قرض من الاسكان!!!

ا

ام احمد

عروس مبدعة

15-05-2007 | 11:42 PM

الله يساعدك اختي

حاااالك كثير صعب

اقل شي اقدر افيدك فيه
هو الدعااااااااااء لك

اتمنى البنات يفيدونك

س

سرايا الحب

عروس رائعة

16-05-2007 | 12:27 AM

حبيبتي الصراحه الله يعينج :sad: .. حاولي انج تتوددين له اشويه وتقوليله انج تحبين اهله و هم ما قصروا معاج بس ما تحسين بخصوصيه خاصة وانتى في غرفه ويا عيالج .. قوليله انج تريدين تكشخين له بدون ما تلبسين جلابية ولا شيله .. وانتي تكلمينه توددي اكثر يمكن قلبه يحن ويفكر .. الله يسخره لج .. لا تبينيله انج ما تحبين اهله وانهم يتدخلون في كل شي ما يخصهم .. قوليله ان المكان بدى يضيق وان اذا الله رزقنا بعيال اكثر مافي مكان .. تكلمي بسياسه يا شطوره
بالتوفيج ان شاء الله والله يرزقج ببيت العمر

ع

عذاري...

عروس برونزية

16-05-2007 | 02:04 AM

الحل انج تحاولين توسطين احد يحبه زوجج ويقدر يقنعه

هذي كانت مشكلة زوجة اخوي بالضبط

وخلتني اكلم زوجي حتى يكلمه

وفعلا اقتنع وهذا هم يزهبون للطلعة

جربي وان شاء الله الطريقة تفيد

م

ميره2

عروس جديدة

16-05-2007 | 02:12 AM

الغاليه فهمي زوجك ان بيت الشراكه مايدوم والدنيا حياه او موت محد يعرف الايام شنو خاشه لنا حاولي تقنعينه ان هاي بيت الوالد ولا سمح الله توفى الوالد كلا يبي حقه ومستقبلكم انتو والعيال
والله يعينج

ن

ندايم

مشرفة سابقة

16-05-2007 | 02:41 AM

الله يعينج و يسر امرج...

في البدايه الغاليه...

وضعي حدود...يعني هم ما شافوا انه دخولهم لغرفتج يضايقج...

لو بينتي هذا الشئ...صدقيني محد بيتجرأ يدخل بدون ما يدق الباب....

اذا حد دخل..قولي دقوا الباب لاني مرات بدون شيله...

او بملابس النوم...فهميهم مره و مرتين و عشر...

اقفلي الباب و انتي داخل...

ابدي بينج و بين نفسج...شو اللي تبينه و شو اللي ما تبينه...

و على اساسه...تعاملي...

دام ريلج تضايقه سالفة الانتقال لبيت يديد...

سكتي عن الموضوع الحين...اهتمي في نفسج و غرفتج...

خليها كانها بيتج...و خليه يلاحظ اهتمامج و انتي في الغرفه...

عشان يعرف التغير كيف بيكون...

و بالنسبه انهم يتدخلون في عيالج...قبل كل شئ...

لا تنسين انهم عيال و لدهم...يعني يحبونهم...

صح في اشياء تضايق...بس تغاضي عن الاشياء العاديه...

و اذا شئ يضايقج...مثلا...موعد نومهم...قولي تراهم يتعبوني اخر الليل...

و خلاص بيفهمون وجهة نظرج...

الله يصلح حالكم...

أ

أسماء زكي الدين

مشرفة سابقة

16-05-2007 | 08:45 AM

سرايا الحب:
حبيبتي الصراحه الله يعينج :sad: .. حاولي انج تتوددين له اشويه وتقوليله انج تحبين اهله و هم ما قصروا معاج بس ما تحسين بخصوصيه خاصة وانتى في غرفه ويا عيالج .. قوليله انج تريدين تكشخين له بدون ما تلبسين جلابية ولا شيله .. وانتي تكلمينه توددي اكثر يمكن قلبه يحن ويفكر .. الله يسخره لج .. لا تبينيله انج ما تحبين اهله وانهم يتدخلون في كل شي ما يخصهم .. قوليله ان المكان بدى يضيق وان اذا الله رزقنا بعيال اكثر مافي مكان .. تكلمي بسياسه يا شطوره
بالتوفيج ان شاء الله والله يرزقج ببيت العمر

رأي سديد 100% ما شاء الله :clap: :clap:

اختي هاتي ملابس ........... وقولي لزوجك أعجبتني وكان نفسي ألبسها لك لكن ... محرج الموضوع في بيت أهلك حتى ولو داخل غرفتنا !!

ادخلي من باب إنك راغبة في الانتقال لأنك تسعي لراحته وإرضائه وتدليلة ............... :shy:

قولي له العيال كبوا وصار المفروض لكل منهم غرفة أو للبنات غرفة والصبيان غرفة على الأقل وإحنا ناخد راحتنا في غرفة مستقلة

خلي كلامك مع غمزة ولمسة ودلال ودلع .. تراهم أقوية أقوية لكن عندها بيضعفوا ...

قولي له مو لازم بناء أو شراء الحين خليه إيجار شهرين ثلاثة نجرب نعيش في شقة مستقلة وإذا اعجبنا الحال نكمل إذا لأ .. نرجع ... وبتكونوا أنتم اتعودتوا على العيشة في بيت مستقل وهم اتعودوا على خروجكم من البيت .. وليتك تهدي الغرفة لأحدى زوجات أخوانه تستغلها وتوسع على نفسها .. ومنها ما يفكر يرجع لأنه بيكون محرج إنكم تطلبوا الغرفة منهم مرة ثانية ... (f) وطمنينا ..

l

lany

عروس رائعة

16-05-2007 | 09:06 AM

الله يعينك اختي و يفرج همك

ن

نبع الحب

عروس ماسية

16-05-2007 | 09:23 AM

ندايم:
الله يعينج و يسر امرج...

في البدايه الغاليه...

وضعي حدود...يعني هم ما شافوا انه دخولهم لغرفتج يضايقج...

لو بينتي هذا الشئ...صدقيني محد بيتجرأ يدخل بدون ما يدق الباب....

اذا حد دخل..قولي دقوا الباب لاني مرات بدون شيله...

او بملابس النوم...فهميهم مره و مرتين و عشر...

اقفلي الباب و انتي داخل...

ابدي بينج و بين نفسج...شو اللي تبينه و شو اللي ما تبينه...

و على اساسه...تعاملي...

دام ريلج تضايقه سالفة الانتقال لبيت يديد...

سكتي عن الموضوع الحين...اهتمي في نفسج و غرفتج...

خليها كانها بيتج...و خليه يلاحظ اهتمامج و انتي في الغرفه...

عشان يعرف التغير كيف بيكون...

و بالنسبه انهم يتدخلون في عيالج...قبل كل شئ...

لا تنسين انهم عيال و لدهم...يعني يحبونهم...

صح في اشياء تضايق...بس تغاضي عن الاشياء العاديه...

و اذا شئ يضايقج...مثلا...موعد نومهم...قولي تراهم يتعبوني اخر الليل...

و خلاص بيفهمون وجهة نظرج...

الله يصلح حالكم...

قلتي اللي كنت ناوية اقوله

ن

نبع الحب

عروس ماسية

16-05-2007 | 09:25 AM

ربي يفرج همك ياعمري

وينولك اللي ببالك وتعيشي مستقرة مستقلة

ببيت لحالك

ربي يسخرلك زوجك

اكثري من الدعاء حبيبتي

k

koool

عروس جديدة

16-05-2007 | 12:14 PM

يزاكم الله الف خير ... باخذ بنصايحكم وان شاء الله انه ريلي يهتدي و يوسع علينا

س

سمراءالسودان

مشرفة سابقة

16-05-2007 | 05:06 PM

لي رجعه معاك