((( أدوبوه ))) اكله فلبينيه لذيذه بتطبيق ملـــووذه

السلام عليكم ياااحلى خواااات

ندش بالتفاصيل على طول هههههههههههه :vbn65:
خدامتي دايما تحن على راسي انها تبي تطبخ لنا اكله فلبينيه وانا مااشجعهااا لاني خايفه انه مب حلو ولاني مااحبهاا تطبخ وغير هاي ريلي ماياكل الا من يدي طبعااا

وطووول هالشهور تحن على راسي انها خاطرها تطبخ بس هالاكله وخلاص وتقولي انها راح تعجبني لانه فيها عيش وسهله ماتاخذ وقت

ولاني خفت انه ريلي ماياكل
فقلت لها سوي الاكله بس لي ولج وريلي انا باطبخ له شئ ثااني
واتفقنااا <<<<<<<<<<< كاني بديت اقول قصه حياتي هههههههههه

واطبخت اكلتها وطلعت يمي يمي لذيييييييييييييييييييذه وايد وتغييير شويه عن الحمسه وهالسوااالف ووسهله وماتاخذ وقت
وطبعا طول الوقت اشوفها شتحط وشتسووي
وعرفت الطريقه وجداا سهله


واليوم سويتها بايدياا وحياة عينيااا
وذاقها زوجي واعجبته وايد

وهااي صحني

((((((((((( أدوبوه )))))))))))




المقادير :

صدور دجااج تقطعينهم مكعبات شويه كبيره او انتي واللي تحبينه
بصله وحده مفرومه
5 فصوص ثوم مفرومتين
صوص الصويااا (( الكميه راح اذكرها مع الطريقه ))
خل (( اقل من بياله بشوي ))
شويه فلفل اسود
بطاطس مقطوعه مكعبات
4 او 5 حبات ورق الغار



الطريقه ::

تنقعين صدور الدجاج في
بيالتين صوص الصويااا و3 فطوص ثووم مفرومتين وشويه فلفل اسود
لمدة 30 دقيقه (( نص ساعه ))


عقبهاا تبتدين الطبخ

اول شئ تطبخين البطاطس بشويه زيت لين مالبطاطس تتحمر وتحسينهاا استوت
تشلينها من الجدر وتخلينها على جنب (( هالطريقه راح تحفظ حجم البطاطس ))

وعقب
بنفس الجدر والزيت اللي طبخناا فيه البطاطس
نحمس الثوم وبعده على طول البصل لين مايذبل شويه
اتحطين الدجاج بكل مافيه من الثوم والصوياا
وتخلين الدجاج يستوي ويتغير لونه ولازم اهنيه تغطين الجدر لين مالدجاج يستوي وينضج بتغيير لوونه وماياخذ وقت

وبعدين اتحطين نص قلاس ماي وتخلينه شويه يطبخ الماي دقيقه بس

تحطين الخل (( اقل من البياله بشويه )) وترجعين تخلطينهم جميع وتلاحظين تطلع فقاعات شويه

على طول تحطين بياله صوص الصويااا وتخلطينهم مع بعض مع شويه فلفل اسود وورق غار

وترجعين اتضيفين البطاطس معاهم بهالوقت
وتذووووقين الطعم اذا لاحظتي الحموضه الواضحه حطي شوية مااي علشان تروح حموضه الخل

وراح يتكون لج مثل الصوص الغامج بلونه نتيجه صوص الصويااا


وتكونين مسويه عيش ابيض او زعفراني اللي اتحبينه
وتقدمينه وهو حاار على طول

جربواا بنات لذيذ وانا عجبني واايد وصرت متولعه فيه حتى زوجي اعجبه




ترى بنات ماياخذ وقت كلش اقل من ساعه وانتي مخلصه