طلب صغير من الفنانات بالتصوير...بليز؟

عروس و بس:
اول شي مرحبا ابكم


انا وحدة اموت في التصوير و عندي كاميرا ديجيتال من سوني
6 ميجا بيكسل

ابي اعرف اذا تكرمتوا و علمتوني


على ايش اضبط الكاميرا عشان تطلع الصور غنية بالالوان ؟

و اذا عندكم ملاحظات ثانية عشان تطلع الصور احترافية اكثر خبروني ؟

و صدقوني كل ما اجرب بوريكم انتوا اساتذتي و انا تلميذتكم المجدة ؟؟

الله يخليكم لا تبخلون علي ؟؟

هلا أختي

ترى التصوير مافي أحسن منه
ومايبغاله إلا التركيز

وتضبيط الزووم للعدسة

انتي جربي وصوري اي شي قدامج
وكل مرة حاولي أن تغيرين في الزووومـ

وصدقيني عقبهااا تغدين محترفة في التصوير


وأصقلي هوايتج وحبيهاا

:clap:

مشكورة اختي بس



اكيد في اشياء تضبطونها في السيتينج

يا ريت حد يخبرني

انا دشيت واعد نفسي فنانة؟؟



فية حل بسيط

شوفي كتاب المعلومات

اكيد مع الكاميرا

ولو عندي نفس الماركة جان قلت لج

هلا الغاليه .. صعبه نشرح لج خطوات التصوير بشكل شفهي يعني يبيله تطبيق و ممارسه منج..

بعطيج بعض الملاحظات وان شاء الله تفيدج .. اذا كنتي تصورين شي في وضح النهار

لمنظر خارجي وقفي خاصية الفلاش في كامرتج علشان تطلع عندج الصور طبيعيه بشكل

افضل و ما يتكون في الصوره لمعان مصطنع و تقدرين تستعينين بالترايبود لضمان ثبات الكاميرا

اما بالتصوير الليلي استخدمي الوضع الليلي في التصوير و هذا من اصعب انواع التصوير لانه ما تطلع النتيجه

مرضيه في الكثير من الاحيان و يحتم عليج استخدام الترايبود..

و هذي صورت الترايبود:




.. وعند تصويرج لشي قريب مثال :




استخدمي خاصية الماكرو " شكلها مثل الورده في الكاميرا" شغلي هالخاصيه و سوي زوم ان على الشي الي

تبين تصورينه ..و هالخاصيه تستخدم لتصوير الحشرات او اي شي انتي حابه انج تظهرين تفاصيله بشكل واضح و بارز..

تقدرين تستخدمين اضواء خارجيه مثل مصباح النوم و بهالناحيه راح تستغنين عن الفلاش و بنفس

الوقت لازم تكونين ثابته وانتي تصورين لان التصوير بدون فلاش اصعب و يباله ثبات تام..

و في من الصور تطلع غير مميزه واهي بالالوان تقدرين تستخدمين التصوير الغير ملون" الابيض و الاسود"

و هالخاصيه موجوده عندج في الكاميرا..

هذا الي عندي بشكل مختصر و سريع..

وانتي لا تعتمدين على كلام البنات وايد الغاليه يعني خلي هالشي ينبع من نفسج و حاولي انتي

تبدعين حتى لو ما تعرفين اقري الكتيب و طبقي الي فهمتي منه..

و كنا بدينا من الصفر و الحمدلله ..

بعطيج مواقع اذا حبيتي و دروس و كتب الكترونيه..

و لي عوده اذا في استفسار جديد..

كفيتي و وفيتي يا صموتة يا عسولة



هذا تقريبا اللي كنت احتاجه كله

بس سؤال ثاني

لو جيت اصور مثلا مجموعة من الاقلام
شلون اخلي اثنين منهم واضحين و الباقي مشوشين

اتمنى انك فهمتي قصدي؟

و يعطيك العافية

الإضاءه اهم شي فالتصوير وانا عن نفسي افضل اضاءه الشمس الطبيعيه وصوري تطلع زاهيه في الوانها ووضوحها بعد ..