وين ناويين تشركون عيالكم بالصيف...

شكرا اخت رانيا على هالفكرة والله أنا بنتي عمرها خمس سنوات بس للحين مو عارفه شنو راح يكون برنامجها في الصيف ان شاء الله موضعك يفيدني

حياج الله معانا أختى Queen وإن شاء الله تستفيدون من موضوعنا...

وينكم يابنات محد منكم فكر لإجازة الصيف....

أه يا رانيا من الإجازة خصيصا في باكستان


وإسلام آباد بالذات ليس فيها أماكن ترفيهية

غير حدائق وشوية ألعاب ومراجيح ... بس الأطفال يزهقوا منها


كمان الجو حااااااااااااااااااااااااار يعني الواحد ما يطلع أحسن !!

لكن أنا محضرة لعيالي برنامج شوية مختلف عن العام الماضي .. لأننا بنقضي الصيف هنا هذه السنة أيضا ...


وقت النهار والحر بأعطيهم دروس عربي وقرآن وحديث ومكلمة بعض الأطفال المؤدبين من مدرستهم يجوا ومنها يتشجعوا وما يكون في مجال نكسل عن البرنامج ... وناس تستفيد معانا ...


اشتريت لهم حمام سباحة أكبر مقاس واستأذنت من صاحبة البيت نضعه تحت بالمدخل ... لأنه بيكون عند بابهم .. منها نملأ الحمام من الخط مباشرة لأني ما بحب أملأه من ماء الخزان ... ونقعد بدون ماء ونقدر بعدها نستفيد من المياه ننظف المدخل ونسقي الزروع ....


في ألعاب تعليمية مفيدة وصيت عليها إن شاء الله يلاقيها لي صاحب محل الألعاب ...

بعد العصر ووقت ما تكون الشمس خفيفة ممكن أطلعهم الحديقة القريبة من البيت أو غيرها
أو آخذهم مطعم يتعشوا بدري ويرجعوا ياخدوا حمام ويناموا ...

أو أطلع بيهم المركز جنبنا يشربوا عصير ويرجعوا ...

زيارات ما راح يكون لأن الناس مسافرة معلش زيارة أصدقاء المدرسة وطبعا لن تكون مفتوحة .. يعني أسر معينة ممكن أرسل أطفالي عندهم ..
وبأخليهم طبعا يدعوهم في الأول لقضاء يوم معاهم ...

أسعى للبحث عن مدرسة تقدر تيجي تقضي معاهم ساعة في النهار للقراءة (الإنجليزية)وساعة للأشغال اليدوية يلونوا ويقصوا ويلزقوا وتعمل معاهم فنون وأشغال وهذا الوقت سأستغله في النوم حتى استطيع تحملهم فترة الخروج ...

وربنا يقدرني ...

موضوع كتيير حلو ام عبد الله مشكووورة

نحنا والله مفكرين نقضي هالصيفية بسوريا ياااارب تظبط (( دعواتكم))

وهنيك اطفالي بيتعرفو اكتر على بيت جدهم اللي هنن اهللي وهنيك بتعرفو بحر وطلعات ومسابح ومنتزهات يعني باذن الله بغيرو جو وينبسطو

الله يكتبلنا ويكتبلكم اللي فيه الخير

نحنا مفكرين نسافر ان شاء الله اذا تسهلت الامور

لان حمودي وحيد و حتى في بيت اهلي هو اول حفيد ف وايد يحس بالملل ..............بس الحمد لله عنده عيال عمته و بنت عمه نتجمع اخر الاسبوع في البيت العود و يلعب معاهم

و الالعاب اللي في المولات يحب يلعب فيها بس احس انها ما تنمي فيه شي

تعالي مب جنه عبودي توة صغير ع الروضة ؟؟؟؟؟؟؟ انا حمودي بحطة السنه اليايه مب هذي حرام خليه يشبع رقاد لاحق ع نشت الصبح

هلا بأم معاذ،، نورتي الموضوع... معليش ربي يكتب لكم السنة الجاية وتقضون الإجازة مع الأهل بمصر...
حلوة فكرة القرآن ومنها يستفيدون منكم الأصدقاء..
وفكرة بركة السباحة حلوة،، أنا سويتها لعبودي العام الماضي وكنت آخذه على بركة بمزرعة عمتي (تعرفين أوسوس من البرك العامة).. وإن شاء الله باطلعها هالصيفو أخليها له..

أم محمود.. ربي يسهل أموركم وتسافرون لسوريا،،، وزين العيال يقضون الإجازة مع أهلهم،، وبها ترتاحين منهم شوي وفي حد يمسكهم وتطلعي مع ابو العيال لوحدكم...

أم حمودي... مسكين حمودي حاله من حال عبودي،،، أحنا بعد عبودي يتملل ومافي غير بيت جدي يوم السبت او بيت أهل زوجي يوم الجمعة والزين أن ولد عمته مقارب لسنه ويندمج معاه..
عن الروضه لا مو صغير خله يروح يتعلم وأنا ولدي يقوم من صباح الله نومه قليل، ولو قعد في البيت شو راح يسوي غير يجابل أمي،، وفرصة أمي ترد لدروس القرآن لأنها قطعت فترة بعد ماراحت خدامتي القديمة وهي ماسكته طول اليوم، قبل كانت تخليه ساعة وتروح الدرس عند البيت...
بس أخذي له بركة سباحة صغيرة وخليه يلعب العصرية والبحر ترى بعد حلو...

[frame="7 80"]انا لسه مفكرتش اهم شئ عندى دلوقت انزل ادور على روضه كويسه عبودى ان شاء الله يتم 3 سنوات الشهر الجاى وعايزاه يتعلم شئ مفيد يمكن اسال عن تعليم وتحفيظ القران وهسأل فى المسبح عن امكانيه تعليمه السباحه اعتقد بيكون بسن اكبر وغيركده بنروح بحر اونادى او زيارات عائليه وربنا ييسر الامر[/frame]

هلا والله بام عبدالله
ومشكورة حبيبتي على هالموضوع

وانا والله محتااااااااااااااااااارة وين اودي ولدي بالصيف وياريت اللي تعرف نادي او روضة يسوون برناهج صيفي للاطفال قريب من مدينة عيسى تخبرني
لاني ابغي اودي ولدي عمره اربع سنوات ونص اي مكان يستفيد منه ويطلع طاقته فيه
وارتاح شوي سواء الصبح او حتى العصر ويكون العصر احسن

وياليت تفيدوني ؟؟؟؟

maro ماشاء الله إبنك بينه وبين إبني شهر تقريبا... زين يتعلم القرآن ودي عبودي بعد يتعلم، بس المشكلة النوادي ياخذون من 5 سنوات مو أقل او 6 سنوات.. ونادرا ماتحصلين مكان يقبل هالسن الصغير،، مساكين يضيق صدرهم بالبيت بروحهم..

غداري... الله يحفظ لك ولدك،، ماعندي فكرة عن مدينة عيسى باسأل أهل زوجي يمكن يعرفون..
في بالعدلية روضة أجنبية وأعتقد مسويين برنامج صيفي بس أسعارهم غالية وماعرف إذا كان البرنامج للصبح او العصر بعد....
شرايكم نسوي تجمع بمكان عام ونلم عيالنا كلهم ونتعرف على بعض؟؟؟ فكرة وبها نسوي درس تلوين، رسم، مهارات يدوية، العاب.. مو حلوة الفكرة.......

مرحبا شاخباركم يا عرايس والله واحشيني.

حلو الموضوع ام عبود ( رغم ان عبود ما يعرف الفرق بين الصيف وغيره لان للحين ما راح الروض)

نور صار لها تقريبا شهرين في الروضة ، بس الظاهر ان روضتهم نفسها مسوية برنامج لهم في الصيف اللي امهاتهم عاملات وفي مثل سنها يعني ما في تعليم بس انشطة.

بس ان شاء بفكر لها في برنامج ادا صادف اني اجازة معاها.

نور بنتي تحب التلوين وخصوصا هدا المحل الصغير اللي في مجمع البحرين ودها كل يوم تروح، يعني بيكون من ضمن برنامجها ان شاء الله.

الله يعوضك خير يا ام عبدالله

أم عبودي

والله جبتي الموضوع اللي شاغل بالي


علاوي ولدي بيروح الروضه شهر سبتمبر الجاي وخايفه يكون لاصق فيني


عشان كذا حبيت اوديه أماكن تجمع أطفال منها يتعلم ويستفيذ


والنادي اللي صةينا مسوي برامج صيفيه بس للي اعمارهم خمس سنوات وفوق


وسالفه البحر آآآآآآآآآآآآه منها ............... ما بقى بحر الا وتشوفين الدفن فيه والآلات


والحفريااااات والبناااااء ................. مو مثل أول الحين كل قطعه قريبه من البحر يستغلونها


للمشاريعهم التجاريه ......................





والحوض السباحه موجود عنده وهذا كان من ضمن برنامج الصيف الماضي


والبحرين ما فيها أماكن كثيره ترفيهييه للأطفال غير هالمجمعات والالعاب اللي ما منها فايده



وياريت يا بنات اللي تعرف مكان أنشطه للطفل تخبرنا عنه عشان أودي ولدي هالصيفيه

أكبر قلب،، حياج الله معانه،، صحيح عبودي مايعرف الفرق بين الصيف وغيره،، بس آنه ناوية أهيءه قبل الروضة، يكون يتعود على الأطفال.... وزين أن الروضة مسوية برنامج صيفي للأطفال،، خليها يكون تستفيد..
اللي بمجمع البحرين آشوفه بس ولا مرة دخلت عبودي فيه،، عبودي عنده هواية التلوين بنجرب هالمرة..

أحلى شهد،، صدقتي وين البحر،، كل مكان ردموه،، القريب منا الحوض الجاف لحد الحين الحمدلله ماقصروا مخليين قطعة صغيرة (بعد جان ضموها لمشاريعهم)...
يقولون روضة البركة بفرعي المحرق ومدينة حمد مسويين نشاط صيفي بس ماعندي فكرة عن مستواها..

الروضةاللي عند مسجد العدليه (ذكرتها سابقا) منهجها بريطاني وعندهم نشاط من عمر السنتين وللي أكبر عندهم نشاط آخر وطبعا يشمل البرامج الترفيهية،، بس الصراحة أسعارهم وايد غالية.....

هلا والله باخواتي الغاليات بدر ولدي عمره 3 سنوات بعده مادرس بدخله الفصل الجاي الروضه وبلصيف بشوف له مركز صيفي ادخله بمدارس الرواد بالرياض يقولون يسوون مركز صيفي لجميع المراحل وبشوف اذا يبوني متطوعه لاني ماقدر اخليه بروحه مايعرف يعتمد على نفسه الصيف ماراح نسافر بنروح بعد اسبوع للبحرين عشان بدر وابوه يبون يشوفون سبيدرمان 3 كلها 3 ايام وبنرجع وبدى اطلع معاه اسبوعيا للحدائق العامه عشان يختلط مع الناس ويلعب وباخذ سيكله معاه عشان يلعب لان الحائق العامه حسن من المددن الترفهيه العابها منميه اكثر يتعلم التسلق والنط والتفكير كيف يلعب اللعبه بصراحه احس المدن الترفيه حدها مره كل شهر مافيها فايده ولدي اذا رحنا مايلعب الا على السوني البلاي ستيشن وهذا الي ضايقني

omdoody حيا الله أم بدر،،، حياك الله بالبحرين ولأي أمر أحنا حاضرين...عبودي بيذبح روحه يبي يروح الفيلم بس آنه أحس أن هو صغير على هالأفلام الخرافية لأن ولدي عشيق سبايدرمان.
صح عيالنا صغار بس لازم ندربهم على مرحلة ماقبل الروضة ونخليهم يندمجون مع بقية الأطفال يكون مايصير موعد الروضة الا هم فاجيين عنا ومايصيحون كل صباحية....
وعن الملاهي اللي بالمراكز والسنترات،، صدقتي مامنها فايدة بالمرة ، لكن الحدائق العامة والأماكن المفتوحة تطلق حركتهم ونشاطهم ،، أنا الحين أفضل أبتعد هن العاب المراكز لأنها ماتنفع بالمرة وتخسرك فلوسك ع الفاضي...

وش اسوي يارانيا شاف دعاياته واحنا بدبي قبل شهر ومن ذاك اليوم مزعجني يبيه في السينما قلنا مالنا الاالبحرين بلدنا الثاني مانستغني عنها ابد

ياهلا وسهلا بك يا أم بدر بديرتك الثانية... وعن سبايدرمان،، أنا رافضة الفكرة مع أن أبوه قال بياخذه لأن أحس أكبر من سنهم ويعلمهم على العنف وأحنا ناقصين حركاتهم في البيت...
إذا حسيتي بدوري أستانس منه خبرينا ...

وين بقية البنات نبي مشاركاتكم من كل أرجاء العالم العربي يكون الكل يستفيد....