ألا ياكبر همي كل ما يقبل سـواد الليل
تجيني الهموم اللي تزيد الهم وأحزانه
كتمت الحسرة في صدري وضيقه تهد الحيل
شكيت الجرح لجروحي وزاد القلب نيرانه
ألا يارب عاوني حياتي كلها تضليل
حياتي كلها مره حياتي مالها خانة
ألا يارب ناديتك تعين اللي درى بالميل
تمادى بالغرور وزاد ظلمه وطغيانه
أنا تايب وراجع لك ومسرج لك ظهور الخيل
ألا يارب تغفر لي وذنبي زادت اوزانه
فمان الله يادنيا تجرعنا عذاب الويل
فمان الله أنا راحل لرب عاليٍ شانه
فمان الله أنـا راحل وجسمي ماقوى لشيل
فمان الله يادنيا وعيوني دوم سهرانه
أنا راحل بلا رجعه يخفيني ظلام الليل
أنا راحل من الدنيا ولو زانت الوانه
أنا راجع إلى ربي تركنا عيشة التدليل
أنا تايب من ذنوبي لو زانت بي الحانه
لقيت اللي على دربي حفرلي حفره وتحويل
عرفت إني تبعت اللي حياتي فيه خسرانه
ألا ياكبر همي كل مايقبل سواد الليل
تجيني هموم اللي تزيد همي و احزانه
منقول
