:: شاركونا تجاربكم وخبراتكم.. شو الطرق اللي تعتمدوها في الدراسه للامتحانات :::

السلام عليكم ورحمة الله وبركاته ..


طبعا واضح الموضوع من العنوان .. ما خليت شيء.. شو هي عاداتكم في الدراسه؟؟ واذا عندكم عادات غريبة يا ليت لو نعرفها لووول ما بنضحك ..



انا اول شيء.. لازم اشخبط على الكتاب او الدفتر او الملزمه .. شو ما كان .. يعني اذا تريدون تعرفون انا دارسه ولا لا افتحوا على الدرس وبتفهمون .. اذا الصفحه نظيفه يعني مب دارسه .. لوول

ومره حاولت ادرس من غير ما اشخبط .. لكن يوم يييت اراجع ولله الحمد ولا معلومه كانت ثابته ..

هذه طريقة لتثبيت المعلومه على فكره .. لأني اقعد اكتب جمل او كلمات من الدرس.. يعني هذه شخابيطي .. مب كلمات شعر وغزل .. :)



2 - لازم لازم اراجع .. حتى لو بالقاء نظرة سريعة على صفحات الكتاب..

3 - اذا كنت احفظ نقاط مثلا .. احفظهم بالترتيب .. وما احاول اكتب نقطه قبل الثانيه .. على اساس اذا نسيت نقطه.. بسهوله اعرف اتذكرها .. ( لأني بكون حافظه مكانها) ..

4- اذا كنت احفظ اسامي مثلا او لسته مكونه من عدة كلمات ..

آخذ الحرف الاول من كل كلمه .. واحفظ الكلمة اللي تتكون .. ( الحروف بنفس الترتيب ما اغير)

او

اغير ترتيب الحروف واكون كلمات لها معني ..


في بنات كانوا يقولون لي اني مجنونه لأنى اصعب على نفسي.. لكن انا اشوف العكس والله .. هذه وايد تساعد .. لأني لما احفظ الكلمه هذه .. اكون عارفه عدد الكلمات او النقاط اللي كانت في اللسته .. واكون عارفة شو بداية كل كلمه او نقطه .. واذا نسيت وحده منهم اكون عارفه اول حرف منها ..

شفتوا كيف.. عجيبه انا ..


5 - شو بعد؟

هيه مجربة ادرس في مجموعات .. بصراحه تساعد كثييير.. لكن بشرط .. تختارون اعضاء المجموعه بدقة ..

انا مجموعتي عجيبه كانت .. وقت الجد جادين وكنا ندرس.. ولما ناخذ بريك نسوي اللي خاطرنا فيه .. وضحك ومقالب.. الله .. ايام ... واكل وسوالف .. وعقب نرجع للجد مره ثانيه ..

وكل وحده تشجع الثانيه .. واي وحده فاهمة مقطع احسن عن الكل تقوم تشرح..

ونتفق نحفظ نقاط او مقاطع ونسمع لكلنا ...


و بعترف بشيء.. عمري ما درست أول بأول .. مع انها اول نصيحه الخبراء يعطونها .. لكن انا ما مجربتنها ..


ما اعرف ادرس الا قبل الامتحان بفترة قصيره.. احيانا يوم واحد قبل الامتحان . .



بس كفاية جيه .. الحين دوركم انتوا

:flower: :flower: :flower: